Stock Market Holiday: શું ચૈત્રી નવરાત્રી અને ગુડી પડવાના અવસર પર શેરબજાર બંધ રહેશે?

ભારતીય શેરબજારો સામાન્ય રીતે ગુડી પડવાના દિવસે એટલે કે 9મી એપ્રિલ 2024ના રોજ ખુલશે અને ત્યાં રોજનું કામકાજ થશે. આનો અર્થ એ છે કે BSE અને NSE પર કોઈપણ રજા વિના ટ્રેડિંગ સામાન્ય જેવું રહેશે.

ફાઈલ તસવીર ( Image Source :Getty )

Chaitra Navratri, Gudi Padwa: મંગળવાર, 9 એપ્રિલ, 2024, ઘણી રીતે ખાસ રહેવાનો છે. ચૈત્રી નવરાત્રીની શરૂઆત સાથે, 9 એપ્રિલને હિન્દુ નવા વર્ષની શરૂઆત પણ માનવામાં આવે છે. જ્યારે મહારાષ્ટ્રમાં તેને ગુડી પડવાના તહેવાર તરીકે ઉજવવામાં આવે છે અને તેનું ઘણું મહત્વ છે. મહારાષ્ટ્રની રાજધાની મુંબઈમાં પણ તે ખૂબ જ ધામધૂમથી ઉજવવામાં આવે છે અને શેરબજાર પણ અહીંથી જ ચાલે છે. આવી સ્થિતિમાં, ઘણા લોકોના મનમાં એક પ્રશ્ન છે કે શું ગુડી પડવા નિમિત્તે મંગળવારે 9 એપ્રિલે શેરબજાર બંધ રહેશે. તમને આ પ્રશ્નનો જવાબ અહીં મળી જશે.

શેરબજાર બંધ રહેશે કે ખુલશે?

BSE વેબસાઈટ www.bseindia.com પર ઉપલબ્ધ વર્ષ 2024 માટે શેરબજારની રજાઓની યાદી અનુસાર, ભારતીય શેરબજારો સામાન્ય રીતે ગુડી પડવાના દિવસે એટલે કે 9મી એપ્રિલ 2024ના રોજ ખુલશે અને ત્યાં રોજનું કામકાજ થશે. આનો અર્થ એ છે કે BSE અને NSE પર કોઈપણ રજા વિના ટ્રેડિંગ સામાન્ય જેવું રહેશે.

એપ્રિલમાં શેરબજારની રજા ક્યારે હશે?

શેરબજારની રજાઓની સત્તાવાર યાદી અનુસાર, 11 એપ્રિલ 2024ના રોજ ઈદ-ઉલ-ફિત્રના અવસર પર એપ્રિલ મહિનામાં શેરબજાર બંધ રહેશે. આ પછી આગામી 17મી એપ્રિલે રામ નવમીની રજા રહેશે. આ રીતે, એપ્રિલ મહિનામાં શેરબજારમાં 2 દિવસની સત્તાવાર રજા રહેશે અને તે સિવાય સાપ્તાહિક રજાઓ એટલે કે સપ્તાહાંત પણ છે.

મે-જૂન-જુલાઈમાં માત્ર એક દિવસ માટે સ્ટોક માર્કેટ બંધ રહેશે

1 મેના રોજ મહારાષ્ટ્ર દિવસ નિમિત્તે ભારતીય શેરબજારમાં રજા છે. આ સિવાય મે 2024માં બીજી કોઈ રજા નથી. તેવી જ રીતે આગામી જૂન મહિનામાં પણ એક જ રજા છે જે 17મી જૂને પડશે. આ દિવસે બકરીદનો તહેવાર છે અને શેરબજારમાં રજા રહેશે. બરાબર એક મહિના પછી, 17મી જુલાઈએ, ભારતીય શેરંમાં રજા રહેશે. આ મહિનામાં મોહરમના કારણે માર્કેટમાં કોઈ કામ કાજ નહીં થાય.