Campus Activewear IPO: કેમ્પસ એક્ટિવવેર IPO માટે પ્રાઇસ બેન્ડ નક્કી થઈ, ઇશ્યૂ 26 એપ્રિલથી ખુલશે

IPO ની ફાળવણી 4 મેના રોજ અપેક્ષિત છે અને કંપનીનો IPO 9 મે, 2022 ના રોજ સ્ટોક એક્સચેન્જમાં લિસ્ટ થવાની સંભાવના છે.

પ્રતિકાત્મક તસવીર

Campus Activewear IPO: ફૂટવેર નિર્માતા કેમ્પસ એક્ટિવવેરે તેના IPO માટે પ્રાઇસ બેન્ડ નક્કી કરી છે. કેમ્પસ એક્ટિવવેરે રૂ. 5 ની ફેસ વેલ્યુ ધરાવતા શેર માટે શેર દીઠ રૂ. 278-292 ઇશ્યૂ કિંમત નક્કી કરી છે. કેમ્પસ એક્ટિવવેરનો IPO આગામી 26મી એપ્રિલ 2022ના રોજ લોન્ચ થશે અને IPO રોકાણકારોના સબ્સ્ક્રિપ્શન માટે 28મી એપ્રિલ સુધી ખુલ્લો રહેશે. તે એન્કર રોકાણકારોની બિડિંગ માટે 25 જાન્યુઆરીએ ખુલશે.

કંપની IPO દ્વારા 1400 કરોડ રૂપિયા એકત્ર કરશે

કંપની IPO દ્વારા રૂ. 1400 કરોડ એકત્ર કરવાની યોજના ધરાવે છે. આ ઈશ્યુ કેવળ વેચાણ માટેની ઓફર (OFS) છે અને તેમાં હાલના શેરધારકો અને પ્રમોટરો દ્વારા 4.79 કરોડ શેરના વેચાણની ઓફરનો સમાવેશ થાય છે.

IPO ફાળવણી

IPO ની ફાળવણી 4 મેના રોજ અપેક્ષિત છે અને કંપનીનો IPO 9 મે, 2022 ના રોજ સ્ટોક એક્સચેન્જમાં લિસ્ટ થવાની સંભાવના છે.

લોટ સાઈઝ અને વધુ જાણો

કેમ્પસ એક્ટિવવેરના ઈશ્યુ હેઠળ લોટ સાઈઝ 51 શેર છે અને રોકાણકારોએ ઓછામાં ઓછી એક લોટ સાઈઝ ખરીદવી જરૂરી છે. તદનુસાર, રોકાણકારોએ ઓછામાં ઓછા રૂ. 14,892 (292 x 51 = 14,892)નું રોકાણ કરવું પડશે.

જાણો વિવિધ રોકાણકારો માટે કેટલો શેર

આ IPOમાં, 50 ટકા લાયક સંસ્થાકીય રોકાણકારો માટે આરક્ષિત છે અને 15 ટકા બિન-સંસ્થાકીય રોકાણકારો માટે આરક્ષિત છે. બાકીના 35 ટકા રિટેલ રોકાણકારો માટે આરક્ષિત છે.

આ પણ વાંચોઃ