તમારા આધાર કાર્ડ સાથે કેટલા સિમ લિંક છે? શોધવા માટે આ સરળ પ્રક્રિયાને અનુસરો

આજકાલ આધાર કાર્ડના ઉપયોગ સાથે સિમ કાર્ડ ઉપલબ્ધ છે. પરંતુ, છેલ્લા કેટલાક વર્ષોમાં અજાણ્યા વ્યક્તિના આધાર કાર્ડનો ઉપયોગ કરીને નકલી સિમ લેવાની ઘણી ઘટનાઓ સામે આવી છે.

પ્રતિકાત્મક તસવીર

વર્ષ 2009માં કેન્દ્ર સરકારે દેશમાં આધાર કાર્ડ યોજના શરૂ કરી હતી. આ પછી, દેશમાં આધારની ઉપયોગિતા સતત વધતી ગઈ. હવે દેશના લગભગ દરેક નાગરિક પાસે આધાર કાર્ડ છે. તે એક પ્રકારનો આઈડી પ્રૂફ છે પરંતુ, તે અન્ય દસ્તાવેજોથી અલગ છે કારણ કે તે નાગરિકની બાયોમેટ્રિક માહિતી રેકોર્ડ કરે છે. તેને બનાવતી વખતે આંગળીઓના ફિંગર પ્રિન્ટ અને આંખોના રેટિના સ્કેન કરવામાં આવે છે.

આજકાલ આધાર કાર્ડના ઉપયોગ સાથે સિમ કાર્ડ ઉપલબ્ધ છે. પરંતુ, છેલ્લા કેટલાક વર્ષોમાં અજાણ્યા વ્યક્તિના આધાર કાર્ડનો ઉપયોગ કરીને નકલી સિમ લેવાની ઘણી ઘટનાઓ સામે આવી છે. આ પછી, આ નકલી સિમનો ઉપયોગ છેતરપિંડીની ઘટનાઓને અંજામ આપવા માટે કરવામાં આવે છે. આવી સ્થિતિમાં આવી પરેશાનીઓથી બચવા માટે આધાર કાર્ડ સાથે લિન્ક થયેલ સિમ કાર્ડ ચેક કરતા રહો. આનાથી તમને ખબર પડી જશે કે કોઈએ તમારા નામે જારી કરાયેલ નકલી સિમ મેળવ્યું છે કે નહીં. સિમ કાર્ડને આધાર સાથે કેવી રીતે લિંક કરવું તે વિશે જાણો.

આધાર લિંક્ડ સિમ ચેક કરવા માટે રચાયેલ પોર્ટલ

તમારા આધાર કાર્ડ સાથે કેટલા સિમ લિંક છે તે જાણવા માટે સરકારે એક પોર્ટલ બનાવ્યું છે. આ પોર્ટલનું નામ છે ટેલિકોમ એનાલિટિક્સ ફોર ફ્રોડ મેનેજમેન્ટ એન્ડ કન્ઝ્યુમર પ્રોટેક્શન (TAFCOP). આ પોર્ટલ પર જઈને તમે આધાર સાથે લિંક કરેલ મોબાઈલ નંબર સરળતાથી ચેક કરી શકો છો. તો ચાલો તમને જણાવીએ કે આ પોર્ટલ પર તમારો મોબાઈલ કેવી રીતે ચેક કરવો-

આ રીતે શોધો સિમ સાથે જોડાયેલ મોબાઈલ નંબર

આ માટે પહેલા https://tafcop.dgtelecom.gov.in/ પર ક્લિક કરો.

આગળ તમારો મોબાઈલ નંબર દાખલ કરો.

આ પછી, તમારા મોબાઇલ નંબર પર એક OTP આવશે, તેને દાખલ કરો.

આ પછી, તમારા આધાર સાથે જોડાયેલા તમામ મોબાઈલ નંબર તમારી સામે દેખાશે.

જો તેમાં કોઈ નકલી નંબર દેખાય તો તેની જાણ કરો અને તેને બ્લોક કરો.