Credit Card: ફિક્સ્ડ ડિપોઝીટના આધારે પણ મેળવી શકાય છે ક્રેડિટ કાર્ડ, જાણો કેવી રીતે

Credit Card on FD : ઘણી બેંકો FD પર ક્રેડિટ કાર્ડ ઓફર કરી રહી છે. જેમાં સ્ટેટ બેંક ઓફ ઈન્ડિયા, આઈસીઆઈસીઆઈ બેંક, એક્સિસ બેંક વગેરેનો સમાવેશ થાય છે.

સાંકેતિક તસ્વીર

Credit Card: કેટલાક લોકો એવા છે જેઓ ક્રેડિટ કાર્ડ મેળવી શકતા નથી અને તેની પાછળ અલગ-અલગ કારણો છે. જો તમારી સાથે પણ આવું થઈ રહ્યું છે, તો અહીં જાણો ફિક્સ ડિપોઝીટ પર પણ તમે કેટલી સરળતાથી ક્રેડિટ કાર્ડ મેળવી શકો છો.

FD પર ક્રેડિટ કાર્ડ કેવી રીતે મેળવવું?
આ ક્રેડિટ કાર્ડની મર્યાદા પણ FDના આધારે નક્કી કરવામાં આવે છે. બેંક એફડીની રકમ સુરક્ષા તરીકે રેકોર્ડ કરે છે, તેથી ઓછા ક્રેડિટ સ્કોર ધરાવતા લોકો પણ આ કાર્ડ લઈ શકે છે. ઘણી બેંકો આ ક્રેડિટ કાર્ડ ઓફર કરી રહી છે. જેમાં સ્ટેટ બેંક ઓફ ઈન્ડિયા, આઈસીઆઈસીઆઈ બેંક, એક્સિસ બેંક વગેરેનો સમાવેશ થાય છે.

FD પર ક્રેડિટ કાર્ડ લેવા માટેની શરતો
બેંક અને પોસ્ટ ઓફિસ બંનેમાં ફિક્સ્ડ ડિપોઝિટ ઉપલબ્ધ છે, પરંતુ તેના પર ક્રેડિટ કાર્ડ લેવાની શરત એ છે કે આ માટે તમારી FD બેંકમાં હોવી જોઈએ.

બેંકના અલગ-અલગ નિયમો
FD સામે ક્રેડિટ કાર્ડ લેવા માટે દરેક બેંકના અલગ-અલગ નિયમો છે. અહીં અમે ઉદાહરણ તરીકે ICICI બેંકના નિયમો અને શરતો આપી રહ્યા છીએ. આ બેંક FD પર 3 પ્રકારના ક્રેડિટ કાર્ડ ઓફર કરે છે અને આ માટે FD કાર્ડમાં ઓટો રિન્યુએબલ મોડ હોવો જોઈએ. 

FD આધારિત ક્રેડિટ કાર્ડના ફાયદા 
FD આધારિત ક્રેડિટ કાર્ડના ઘણા ફાયદા છે. તમારે આ કાર્ડ માટે ડોક્યુમેન્ટ આપવાની જરૂર નથી અને તે સરળતાથી ઉપલબ્ધ છે. આ ક્રેડિટ કાર્ડ વડે ખરીદી કરવી, બિલ ભરવા વગેરે તમને તમારો ક્રેડિટ હિસ્ટ્રી અને ક્રેડિટ સ્કોર સુધારવામાં મદદ કરશે. આ સાથે આ કાર્ડ પર વ્યાજ દર પણ ઓછો છે. જો તમારી પાસે બેંકમાં FD છે અને તમે આ કાર્ડ લેવા માંગો છો, તો તમે તમારી બેંકનો સંપર્ક કરી શકો છો.