ક્રિપ્ટો માર્કેટ સતત ડાઉન, શું આપ ઇન્વેસ્ટમેન્ટનો કરો છો પ્લાન? તો પહેલા આ મુદ્દાને સમજો
છેલ્લા કેટલાક દિવસોથી ક્રિપ્ટો માર્કેટમાં સતત ઘટાડો જોવા મળી રહ્યો છે. જો તમે ક્રિપ્ટોમાં રોકાણ કરવાનું વિચારી રહ્યા છો, તો તમારે કેટલીક મહત્વપૂર્ણ બાબતો ધ્યાનમાં રાખવી જોઈએ.
Crypto Investment Tips:છેલ્લા કેટલાક દિવસોથી ક્રિપ્ટો માર્કેટમાં સતત ઘટાડો થઈ રહ્યો છે. ઓક્ટોબરમાં ક્રિપ્ટો માર્કેટે લગભગ $3 ટ્રિલિયનનું મૂલ્ય ગુમાવ્યું છે. બજારના આ વર્તનને કારણે, ઘણા રોકાણકારોએ લાખો અને કરોડો રૂપિયા ગુમાવ્યા છે.
જોકે, ઘણા રોકાણકારો આ ભાવ ઘટાડાને તક તરીકે જોઈ શકે છે અને રોકાણ કરવાનું વિચારી શકે છે. જો તમે પણ ક્રિપ્ટોમાં રોકાણ કરવાનું વિચારી રહ્યા છો, તો તમારે કેટલીક મહત્વપૂર્ણ બાબતો ધ્યાનમાં રાખવી જોઈએ જેથી તમને કોઈ સમસ્યાનો સામનો ન કરવો પડે...
યોગ્ય પ્લેટફોર્મ પસંદ કરો
ક્રિપ્ટોમાં રોકાણ કરવા માટે હંમેશા વિશ્વસનીય અને નિયમન કરાયેલ પ્લેટફોર્મ પસંદ કરો. આજે ઘણી બધી એપ્લિકેશનો અને પ્લેટફોર્મ ઉપલબ્ધ છે, પરંતુ રોકાણ કરતા પહેલા સંપૂર્ણ સંશોધન કરવું ખૂબ જ મહત્વપૂર્ણ છે.
નાના રોકાણથી તમારી ક્રિપ્ટો જર્ની શરૂ કરો
ક્રિપ્ટો બજાર ખૂબ જ અસ્થિર છે. તમને થોડા દિવસોમાં બમ્પર રિટર્ન અથવા નોંધપાત્ર નુકસાન જોવા મળી શકે છે. તેથી, નાના રોકાણથી શરૂઆત કરવી શ્રેષ્ઠ છે. આ તમને બજારને સમજવામાં અને તમારા જોખમને નિયંત્રણમાં રાખવામાં મદદ કરશે.
લાંબા ગાળાનું રોકાણ કરો
જો તમે લાંબા ગાળા માટે ક્રિપ્ટોમાં રોકાણ કરી રહ્યા છો, તો તમે વધુ સુરક્ષા માટે તમારા ક્રિપ્ટોને એક્સચેન્જ વોલેટને બદલે હાર્ડવેર વોલેટમાં સ્ટોર કરી શકો છો.
ક્રિપ્ટો ખરીદતા પહેલા સંશોધન કરો
કોઈપણ ક્રિપ્ટોકરન્સી ખરીદતા પહેલા તેનું સંશોધન કરો. બજારની સમજ મેળવીને, તમે તમારી રોકાણ યાત્રા શરૂ કરી શકો છો.
ક્રિપ્ટોની બજારમાં કેમ ડાઉન થઇ રહી છે?
આ ઘટાડા માટે ઘણા કારણો જણાવવામાં આવી રહ્યા છે. બજાર નિષ્ણાતો માને છે કે, યુએસ ફેડરલ રિઝર્વ દ્વારા દર ઘટાડાની ઓછી અપેક્ષાઓ, ચાલુ વૈશ્વિક અનિશ્ચિતતા, મોટા ક્રિપ્ટો રોકાણકારો દ્વારા વેચાણ અને અન્ય પરિબળોને કારણે આ ઘટાડો થઈ શકે છે.
વિશ્વની સૌથી જૂની અને સૌથી મોટી ક્રિપ્ટોકરન્સી, બિટકોઇન પણ સતત ઘટી રહી છે. ઇથેરિયમ, સોલાના, બીએનબી અને ટેથર જેવી ક્રિપ્ટોકરન્સી પણ સતત ઘટાડો જોવા મળી રહ્યો છે.
Disclaimer:(અહીં આપેલી માહિતી ફક્ત માહિતીના હેતુ માટે છે. એ નોંધવું મહત્વપૂર્ણ છે કે બજારમાં રોકાણ કરવું બજારના જોખમોને આધીન છે. રોકાણકાર તરીકે રોકાણ કરતા પહેલા હંમેશા નિષ્ણાતની સલાહ લો. ABPLive.com ક્યારેય અહીં રોકાણ કરવાની ભલામણ કરતું નથી.)
ટોપ સ્ટોરી
ટ્રેન્ડિંગ સમાચાર
