Diwali Muhurat Trading 2024: દિવાળી મુહૂર્ત ટ્રેડિંગ ક્યારે અને કેટલા વાગ્યે થશે, જાણો તમામ જાણકારી

Diwali Muhurat Trading 2024: દર વર્ષે દિવાળી પર BSE અને નેશનલ સ્ટોક એક્સચેન્જ NSEમાં મુહૂર્ત ટ્રેડિંગ થાય છે.

પ્રતિકાત્મક તસવીર

Source : ABPLIVE AI

Diwali Muhurat Trading 2024: તમે આજે દિવાળીના તહેવારની ઉજવણી કરી રહ્યા છો. શેરબજારમાં દિવાળીના તહેવારની રજા અને મુહૂર્ત ટ્રેડિંગની તૈયારીઓ પૂર્ણ થઈ ગઈ છે. દિવાળીના તહેવાર નિમિત્તે 1, નવેમ્બરે શેરબજારમાં રજા રહેશે અને આ દિવસની માહિતી તમામ એક્સચેન્જો દ્વારા જાહેર કરવામાં આવી છે. દિવાળી મુહૂર્ત ટ્રેડિંગ 1 નવેમ્બર, શુક્રવારના રોજ થશે અને તેનો સમય સાંજે 6 થી 7 વાગ્યે નક્કી કરવામાં આવ્યો છે.

દર વર્ષે દિવાળી પર BSE અને નેશનલ સ્ટોક એક્સચેન્જ NSEમાં મુહૂર્ત ટ્રેડિંગ થાય છે. 20 ઓક્ટોબરે જ BSEના પરિપત્રમાં એ વાતની પુષ્ટી કરવામાં આવી હતી કે દિવાળીના અવસર પર મુહૂર્ત ટ્રેડિંગની તારીખ 1 નવેમ્બર નક્કી કરવામાં આવી છે.

પ્રી-ઓપનિંગ સેશન સાંજે 5:45 થી 6:00 વાગ્યા સુધી યોજાશે.

એક કલાકના સ્પેશિયલ ટ્રેડિંગ સેશનનો સમય એટલે કે મુહૂર્ત ટ્રેડિંગનો સમય સાંજે 6 વાગ્યાથી 7 વાગ્યા સુધી નક્કી કરવામાં આવ્યો છે.

બ્લોક ડીલ વિન્ડો સાંજે 5:30 થી 5:45 સુધી ખુલ્લી રહેશે.

પીરીયોડિક કોલ ઓક્શન ટાઇમિંગ  સાંજે 6:05 થી 6:50 સુધીનો રહેશે.

BSE અનુસાર, ઓર્ડર એન્ટ્રી સેશન છેલ્લી 10 મિનિટમાં બંધ થઈ જશે.

ક્લોઝિગ સેશન સાંજે 7 થી 7.10 સુધી રહેશે.

પોસ્ટ ક્લોઝિગનો સમયગાળો સાંજે 7.10 થી 7.20 સુધીનો રહેશે.

મુહૂર્ત ટ્રેડિંગ શું છે - અહીં જાણો

હિન્દુ કેલેન્ડર મુજબ નવા વર્ષનો પહેલો દિવસ દિવાળીના તહેવાર પર આવે છે. આ દિવસની શુભ શરૂઆત અને સારા ધન અને વેપારમાં સફળતાના શુભ સંકેતો માટે એક કલાકનો વિશેષ ટ્રેડ કરવામાં આવે છે અને તેને મુહૂર્ત ટ્રેડિંગ કહેવામાં આવે છે. આ વખતે રોકાણકારો સંવત 2081 ની શરૂઆત દરમિયાન શુભ લક્ષ્મી પૂજા સાથે તેમના ઘરેથી ઓનલાઈન ટ્રેડિંગ કરી શકે છે.

જો કે આ વર્ષે દિવાળીના મુખ્ય તહેવાર એટલે કે લક્ષ્મી પૂજાને લઈને મૂંઝવણ છે. ઘણા પંડિતો અને શાસ્ત્રીજીએ દિવાળીના તહેવાર માટે 31મી ઓક્ટોબરને શુભ સમય તરીકે પસંદ કર્યો છે અને કેટલાક ધાર્મિક વિદ્વાનોએ 1, નવેમ્બરે દિવાળીની પૂજા કરવાનું કહ્યું છે. જો કે, ઓછામાં ઓછું સ્ટોક એક્સચેન્જે તેની તરફથી જાહેરાત કરીને વેપારીઓની મૂંઝવણ દૂર કરવાનો પ્રયાસ કર્યો છે, તેથી જો તમે પણ મુહૂર્ત ટ્રેડિંગમાં ટ્રેડિંગ કરવા માંગતા હોવ તો યાદ રાખો કે  1, નવેમ્બરે મુહૂર્ત ટ્રેડિંગ છે.