ટેલિકોમ કંપનીઓની મનમાની નહી ચાલે, ટેલિકોમ્યુનિકેશન વિભાગે TRAIને આપ્યો આદેશ, સર્વિસ ક્વોલિટી પર બનશે 'કડક નિયમો '

વિભાગે કોલ ડ્રોપ, કોલ ક્વોલિટી જેવા મુદ્દાઓ પર લોકો પાસેથી ફીડબેક લીધા હતા

પ્રતિકાત્મક તસવીર

5G નેટવર્ક લોન્ચ થયા પછી યુઝર્સને વધુ સારા કૉલ્સ અને કનેક્ટિવિટી મળી રહી નથી જેનો અંદાજ અગાઉ લગાવવામાં આવી રહ્યો હતો. ઘણા યુઝર્સ કૉલ ડ્રોપ્સ અને નેટવર્ક સંબંધિત અન્ય સમસ્યાઓ વિશે ફરિયાદ કરતા રહે છે. આવી સ્થિતિમાં ટેલિકોમ્યુનિકેશન વિભાગે ટ્રાઈને કડક પગલાં ભરવા જણાવ્યું છે.

એજન્સીના અહેવાલો અનુસાર, ટેલિકોમ્યુનિકેશન વિભાગે ટેલિકોમ રેગ્યુલેટરી ઓથોરિટી ઓફ ઈન્ડિયા એટલે કે TRAIને સેવાની ગુણવત્તા માટે કડક ધોરણો બનાવવા માટે કહ્યું છે, જેથી કોલ ડ્રોપ્સની સમસ્યાને દૂર કરીને કૉલની ગુણવત્તામાં સુધારો કરી શકાય.

DoTનું શું આયોજન છે?

યુઝર્સના ફીડબેક બાદ DoTએ આ પગલું ભર્યું છે. વિભાગે કોલ ડ્રોપ, કોલ ક્વોલિટી જેવા મુદ્દાઓ પર લોકો પાસેથી ફીડબેક લીધા હતા. આ કિસ્સામાં એક અધિકારીએ કહ્યું હતું કે ગ્રાહકોના સંતોષ માટે અને તેમના હિતોની સુરક્ષા માટે સેવાની ગુણવત્તા ખૂબ જ મહત્વપૂર્ણ છે. DoTએ TRAIને સેવાની ગુણવત્તાના માપદંડને કડક બનાવવા કહ્યું છે.

સૂત્રોને ટાંકીને અહેવાલોમાં કહેવામાં આવ્યું છે કે વૈશ્વિક સ્તરે સેવાની ગુણવત્તાનો અભ્યાસ કર્યા પછી DoT એ કેટલાક મુખ્ય પ્રદર્શન સૂચકાંકોનું અવલોકન કર્યું છે. DoT એ TRAI સાથે સમાન પરિમાણો શેર કર્યા છે.

ટ્રાઈની બેઠકમાં શું ચર્ચા થશે?

ટેલિકોમ રેગ્યુલેટરી ઓથોરિટી ઓફ ઈન્ડિયાએ 17 ફેબ્રુઆરીએ ટેલિકોમ ઓપરેટરો સાથે બેઠક બોલાવી છે. આ મીટિંગમાં સેવાની ગુણવત્તા સુધારવા, ધોરણોની સમીક્ષા, 5G માટે બેન્ચમાર્ક અને ટેલિકોલ્સ પર ચર્ચા થશે.

આ પગલાનો હેતુ ટેલિકોમ સેવાની ગુણવત્તા સુધારવા અને કોલ ડ્રોપની સમસ્યાને દૂર કરવાનો રહેશે. અત્યાર સુધીમાં ભારતના 300 થી વધુ શહેરોમાં 5G સેવા શરૂ કરવામાં આવી છે અને તેમ છતાં પણ લોકોને સારી કોલ ગુણવત્તા મળી રહી નથી.

5G ની શરૂઆત પહેલા ચર્ચા કરવામાં આવી હતી કે નવા નેટવર્કના આગમન સાથે ગ્રાહકોને માત્ર સારી સ્પીડ જ નહીં, પરંતુ યુઝર્સને વધુ સારી કૉલ્સ અને કનેક્ટિવિટી પણ મળશે. ઓક્ટોબરમાં 5G સેવાઓ શરૂ કરવામાં આવી હતી. Jio અને Airtel એ પણ પસંદગીના શહેરોમાં તેમની સેવા લાઈવ કરી છે, પરંતુ યુઝર્સ હજી પણ કનેક્ટિવિટી અને કોલ ડ્રોપ્સની સમસ્યાનો સામનો કરી રહ્યા છે.

Action on E-Pharmacies: ઈ-ફાર્મસી કંપનીઓને લાગશે તાળા! કેન્દ્ર સરકારે કરી લીધી તૈયારી, જાણો કેમ સરકારને આ પગલું ભરવાની ફરજ પડી

E-Pharmacies Companies: કેન્દ્રીય આરોગ્ય મંત્રાલય ઈ-ફાર્મસી સામે કાર્યવાહીના મૂડમાં જોવા મળી રહ્યું છે. ઈ-ફાર્મસી દ્વારા દવાઓના દુરુપયોગ સામે કડક કાર્યવાહી કરી શકે છે. ANIના રિપોર્ટમાં જણાવવામાં આવ્યું છે કે ઈ-ફાર્મસી કંપનીઓ હાલમાં જે બિઝનેસ મોડલને અનુસરી રહી છે, તેમાં દવાઓના દુરુપયોગની ઉચ્ચ સંભાવના છે.

ઓનલાઈન દવાઓ મંગાવવાથી ગ્રાહકોના અંગત ડેટાનું જોખમ પણ છે અને દવાઓનો દુરુપયોગ થઈ શકે છે. આવી સ્થિતિમાં, ડ્રગ્સ કંટ્રોલર જનરલ ઓફ ઈન્ડિયાએ ઈન્ટરનેટ દ્વારા દવાઓ વેચતી ઈ-ફાર્મસી સામે કારણ બતાવો નોટિસ જારી કરી છે. આ નોટિસ DCGI દ્વારા 8 ફેબ્રુઆરીએ જારી કરવામાં આવી હતી.

DCGI દ્વારા શું સૂચના આપવામાં આવી હતી

DCGI દ્વારા જારી કરાયેલ કારણ બતાવો નોટિસમાં 2 દિવસમાં જવાબ માંગવામાં આવ્યો હતો. સ્વાસ્થ્ય મંત્રાલય તરફથી ઠપકો આપતા કહેવામાં આવ્યું હતું કે જો કારણ આપવામાં નહીં આવે તો દેશમાં દવાઓના વેચાણ અને વિતરણ પર કોઈપણ સૂચના વિના કડક કાર્યવાહીનો સામનો કરવો પડશે