EPFO: EPF પેન્શનર્સે આ ચાર ઓપ્શનથી લાઇફ સર્ટિફિકેટ સબમિટ કરી શકશે

એવામાં Employees Provident Fundના ખાતાધારકો હવે વર્ષમાં કોઈપણ સમયે તેમનું જીવન પ્રમાણપત્ર સબમિટ કરી શકે છે

પ્રતિકાત્મક તસવીર

દરેક નોકરી કરતા વ્યક્તિના પગારનો એક ભાગ એમ્પ્લોઇઝ પ્રોવિડન્ટ ફંડ ઓર્ગેનાઇઝેશન (Employees Provident Fund) માં જમા કરવામાં આવે છે. નિવૃત્તિ પછી ખાતાધારકને EPFOના ખાતામાં જમા રકમ મળે છે. આ સિવાય જો તમે પેન્શન વિકલ્પ પસંદ કરો છો તો તમને દર મહિને પેન્શનની સુવિધા પણ મળે છે. EPF પેન્શનરે દર વર્ષે એકવાર તેમનું લાઇટ સર્ટિફિકેટ સબમિટ કરાવવું પડે છે.

Authenticate Bio-metrically at #EPFO office, Pension Disbursing Bank, UMANG App, Common Service Centre (CSC) and IPPB/Post Office/Postman.#AmritMahotsav @PMOIndia @byadavbjp @Rameswar_Teli @LabourMinistry @PIB_India @mygovindia @AmritMahotsav https://t.co/uWXsBNzhvk

— EPFO (@socialepfo) May 24, 2022

એવામાં Employees Provident Fundના ખાતાધારકો હવે વર્ષમાં કોઈપણ સમયે તેમનું લાઇફ સર્ટિફિકેટ  સબમિટ કરી શકે છે. હવે EPF દ્વારા લાઇફ સર્ટિફિકેટ સબમિટ કરવાની અંતિમ તારીખ ખત્મ કરી દીધી છે. એકવાર લાઇફ સર્ટિફિકેટ સબમિટ થઈ જાય તે 1 વર્ષ માટે માન્ય રહેશે. આ સાથે ખાતાધારકો ચાર રીતે લાઇફ સર્ટિફિકેટ ઓનલાઈન સબમિટ કરી શકે છે. તો ચાલો આ વિશે જાણકારી મેળવીએ.

EPFOએ ટ્વીટ કરીને માહિતી આપી

EPFOએ પોતાના ઓફિશિયલ ટ્વિટર હેન્ડલ પરથી ટ્વીટ કરીને આ મામલે પેન્શનધારકોને જાણકારી આપી છે. તેના ટ્વિટમાં EPFOએ કહ્યું છે કે EPS'95 પેન્શનર્સ ચાર રીતે તેમનું લાઇફ સર્ટિફિકેટ સબમિટ કરી શકે છે. આમાં EPFO ​​ઓફિસમાં જઈને, પેન્શન મેળવનાર બેંક, ઉમંગ એપ અને કોમન સર્વિસ સેન્ટર (CSC) અને પોસ્ટ ઓફિસ દ્વારા સર્ટિફિકેટ જમા કરાવી શકાશે.

લાઇફ સર્ટિફિકેટ સબમિટ કરવા માટે આ દસ્તાવેજો જરૂરી છે

PPO નંબર

આધાર નંબર

બેંક ખાતાની વિગતો

આધાર રજીસ્ટર્ડ મોબાઈલ નંબર