Fact Check: મોદી સરકાર મકાન અને દુકાનના ભાડા પર 12 ટકા GST નાંખશે ? જાણો વિગત

Fact Check: સોશિયલ મીડિયા પર વાયરલ થયેલા આ મેસેજમાં કહેવામાં આવી રહ્યું છે કે GST કાઉન્સિલ તેની આગામી બેઠકમાં મકાનો અને દુકાનોના ભાડામાં 12 ટકા જીએસટી નાંખવાનો પ્રસ્તાવ રજૂ કરવા જઈ રહી છે.

ફાઈલ તસવીર

Fact Check: GST કાઉન્સિલ ગુડ્સ એન્ડ સર્વિસ ટેક્સ (GST) ના નિયમોનું નિયમન કરવા માટે સમયાંતરે બેઠક કરે છે. આ બેઠકોમાં GSTના નિયમોને લઈને જનતાની ભલાઈને ધ્યાનમાં રાખીને ઘણા નિયમો બનાવવામાં આવે છે. આ સાથે ટેક્સના દર અને નિયમોમાં પણ ઘણી વખત ફેરફાર કરવામાં આવ્યા છે. આવો જ એક દાવો સોશિયલ મીડિયા પર વાયરલ મેસેજમાં કરવામાં આવી રહ્યો છે, જેણે મકાન માલિકોની ચિંતા વધારી દીધી છે.

શું છે વાયરલ મેસેજ

સોશિયલ મીડિયા પર વાયરલ થયેલા આ મેસેજમાં કહેવામાં આવી રહ્યું છે કે GST કાઉન્સિલ તેની આગામી બેઠકમાં મકાનો અને દુકાનોના ભાડામાં 12 ટકા જીએસટી નાંખવાનો પ્રસ્તાવ રજૂ કરવા જઈ રહી છે. આ સંદેશ નાણામંત્રી નિર્મલા સીતારમણના પોસ્ટર સાથે વાયરલ થયો છે

શું છે સત્ય

સોશિયલ મીડિયા પર વાયરલ થઈ રહેલા આવા મેસેજની સત્યતા જાણવા માટે બનાવવામાં આવેલ PIB ફેક્ટ ચેકે પણ આ મેસેજની તપાસ કરી હતી. પીઆઈબીએ કહ્યું કે આ મેસેજ સંપૂર્ણપણે બોગસ છે. નાણા મંત્રાલય અથવા GST કાઉન્સિલે તેની આગામી બેઠક માટે આવો કોઈ નિર્ણય લીધો નથી.  PIBએ લોકોને આવી ભ્રામક અને અફવા ફેલાવતી પોસ્ટથી દૂર રહેવાની સલાહ આપી છે. PIBએ કહ્યું કે લોકોએ આવી પોસ્ટ શેર કરવાથી બચવું જોઈએ.

Claim : A 12% GST tax on rent for houses and shops will be introduced at the upcoming GST Council meeting.#PIBFactCheck :

➡️@FinMinIndia has made no such prior decision for the forthcoming GST Council meeting.

➡️Please refrain from sharing these posts. pic.twitter.com/afGO8t2jPw

— PIB Fact Check (@PIBFactCheck) April 3, 2022

નોંધનીય છે કે, પીઆઈબી ફેક્ટ ચેક કેન્દ્ર સરકારની પોલિસી- સ્કીમ, વિભાગો, મંત્રાલયોને લઈને ફેલાતી ખોટી સૂચનાઓને રોકવા માટેનું કામ કરે છે. સરકારથી જોડાયેલી કોઈ પણ ખબર સાચી છે કે ખોટી તે જાણવા માટે પીઆઈબી ફેક્ટ ચેકની મદદ લઈ શકાય છે. પીઆઈબી ફેક્ટ ચેકને કોઈ પણ સંદેહાત્મક સમાચારનો સ્ક્રિનશોટ, ટ્વિટ, ફેસબુક પોસ્ટ અથવા યુઆરએલ વોટ્સએપ નંબર 918799711259 પર મોકલી શકો છો. અથવા પછી pibfactcheck@gmail.com પર મેઈલ કરી શકો છો.