Gold Silver Price Today: સોના-ચાંદીનો લેટેસ્ટ ભાવ જાણી લો, શું આ ગોલ્ડ ખરીદવાનો છે બેસ્ટ ટાઈમ ?
વર્ષ 2025ની શરૂઆત સાથે જ સોનાની કિંમતમાં સતત વધારો થઈ રહ્યો છે. નવા વર્ષના ત્રીજા દિવસે પણ સોનાના ભાવમાં વધારો ચાલુ રહ્યો હતો.
વર્ષ 2025ની શરૂઆત સાથે જ સોનાની કિંમતમાં સતત વધારો થઈ રહ્યો છે. નવા વર્ષના ત્રીજા દિવસે પણ સોનાના ભાવમાં વધારો ચાલુ રહ્યો હતો. 3 જાન્યુઆરી, 2025ના રોજ, 24 કેરેટ સોનાના 10 ગ્રામની કિંમત રૂ. 330 વધીને રૂ. 78,400ની આસપાસ પહોંચી હતી. 22 કેરેટ સોનાની કિંમત 300 રૂપિયા વધીને 71,900 રૂપિયાની આસપાસ પહોંચી ગઈ છે. અહીં જાણો 3 જાન્યુઆરી, 2024નો રેટ શું હતો અને શું પૈસાનું રોકાણ કરવાનો આ યોગ્ય સમય છે?
રાષ્ટ્રીય રાજધાની દિલ્હીમાં 22 કેરેટ સોનું 71,950 રૂપિયા અને 24 કેરેટ સોનું 78,480 રૂપિયા પ્રતિ 10 ગ્રામ પર ટ્રેડ થઈ રહ્યું છે. એ જ રીતે, નોઇડા, ગાઝિયાબાદ, જયપુર અને લખનૌ જેવા શહેરોમાં દરો સમાન છે. મુંબઈ, કોલકાતા અને ભુવનેશ્વરમાં 24 કેરેટ સોનું રૂ.78,330 અને 22 કેરેટ સોનું રૂ.71,800 પર ટ્રેડ કરી રહ્યું છે. પટના અને અમદાવાદમાં 22 કેરેટ સોનું રૂ.71,850 અને 24 કેરેટ સોનું રૂ.78,380ના ભાવે વેચાઈ રહ્યું છે. ચાંદીના ભાવમાં કોઈ ફેરફાર જોવા મળ્યો નથી. દેશમાં એક કિલો ચાંદીનો ભાવ 90,500 રૂપિયા પર સ્થિર છે.
નિષ્ણાતોના મતે આંતરરાષ્ટ્રીય બજારમાં કિંમતી ધાતુઓના ભાવમાં વધારો અને સ્થાનિક બજારમાં રોકાણકારોની મજબૂત માંગને કારણે સોનાના ભાવમાં વધારો થયો છે. રૂપિયાની નબળાઈ અને કોમેક્સ માર્કેટમાં સોનાની વધતી કિંમતો ($2,640 પ્રતિ ઔંસ) પણ તેની પાછળના મુખ્ય કારણો છે.
કેમ વઘે છે સોનાના ભાવ
સોનાના ભાવ સ્થાનિક માંગ, યુએસ અર્થતંત્રની સ્થિતિ, ફેડરલ રિઝર્વના વ્યાજ દરો અને આંતરરાષ્ટ્રીય બજારના વલણો પર આધાર રાખે છે. રોકાણકારો આગામી સમયમાં સોનાના ભાવમાં વધુ વધારો જોઈ શકે છે. અમેરિકાથી આવતા બેરોજગારી અને PMI જેવા આર્થિક ડેટા સોના અને ચાંદીના બજારને અસર કરી શકે છે. આ કારણે રોકાણકારોને સાવચેત રહેવાની સલાહ આપવામાં આવી છે. આંતરરાષ્ટ્રીય અને સ્થાનિક બજારોની મજબૂત સ્થિતિને જોતાં સોના-ચાંદીમાં રોકાણ કરનારાઓ માટે આ સમય મહત્ત્વનો સાબિત થઈ શકે છે.
તમારા શહેરની સોનાની કિંમત જાણવા માટે આ નંબર પર કોલ કરો
તમે ઘરે બેઠા પણ સોનાની કિંમત ચેક કરી શકો છો. ઈન્ડિયન બુલિયન એન્ડ જ્વેલર્સ એસોસિએશનના જણાવ્યા અનુસાર, તમે 8955664433 નંબર પર મિસ્ડ કોલ આપીને કિંમત જાણી શકો છો. તમારો મેસેજ એ જ નંબર પર આવશે જે નંબર પરથી તમે મેસેજ કરશો. આ રીતે તમે ઘરે બેઠા જ જાણી શકશો સોનાના લેટેસ્ટ રેટ.
દર મહિને 5,000ની SIP થી કેટલા વર્ષમાં બની શકો કરોડપતિ, જાણી લો કેલક્યુલેશન
ટોપ સ્ટોરી
ટ્રેન્ડિંગ સમાચાર
