Air Indiaમાં પોતાનો 100 ટકા હિસ્સો વેચશે સરકાર

એર ઈન્ડિયા પર હાલમાં 60 હજાર કરોડ રૂપિયાનું દેવું છે. નાણાકીય વર્ષ 2018-19માં 8400 કરોડ રૂપિયાની ખોટ થઈ છે.

નવી દિલ્હી: સતત ખોટમાં ચાલી રહેલી એર ઈન્ડિયાને સરકાર વેચવાની તૈયારી કરી રહી છે. કેન્દ્રીય મંત્રી હરદીપ પુરીએ લોકસભામાં કહ્યું કે એર ઈન્ડિયામાં સરકાર પોતાનો 100 ટકા હિસ્સો વેચશે. આ પહેલા હરદીપ પુરી આ પહેલા રાજ્યસભામાં કહી ચુક્યા છે કે એર ઈન્ડિયાનું ખાનગીકરણ નહીં કરવામાં આવે તો તેને બંધ કરવી પડશે. તેમણે કહ્યું કે, સરકાર આ કંપનીમાં પોતાની ભાગીદારી બેચવા માટે દસ્તાવેજ તૈયાર કરી રહી છે અને ડિસઇન્વેસ્ટમેન્ટ પ્રક્રિયાને પૂરી કરવાનો સમય 31 માર્ચ નક્કી કરવામાં આવી છે. પ્રથમ પ્રયાસમાં મોદી સરકારે મે 2018 માં પોતાની 76 ટકા ભાગીદારી વેચવા માટે એક્સપ્રેશન ઓફ ઇન્ટ્રેસ્ટને આમંત્રણ આપ્યું હતું. પરંતુ બોલીના પ્રથમ ચરણમાં એક પણ ખાનગી પાર્ટીએ રસ દાખવ્યો નહોત. એર ઈન્ડિયા પર હાલમાં 60 હજાર કરોડ રૂપિયાનું દેવું છે. નાણાકીય વર્ષ 2018-19માં 8400 કરોડ રૂપિયાની ખોટ થઈ છે. એર ઈન્ડિયા અગાઉથી જ આર્થિક સંકટ સામે ઝઝૂમી રહી છે અને દેવા તળે દબાયેલી છે. વધુ ઑપરેટિંગ કૉસ્ટ અને ફૉરેન એક્સચેન્જ લૉસના કારણે કંપનીનો નુકસાન ઉઠાવવું પડ્યું છે. એર ઈન્ડિયાને જેટલું નુકસાન થયું છે તેટલામાં એક નવી એરલાઈન્સ શરૂ કરી શકાય.