CPSE Salary Hike: આ સરકારી કંપનીઓના કર્મચારીઓને મળશે ભેટ, પગાર બમણો થઈ શકે છે
Govt Employees Salary Hike: સરકારને પ્રસ્તાવ મળ્યો છે કે સરકારી કંપનીઓના વરિષ્ઠ કર્મચારીઓનો પગાર ખાનગી કંપનીઓના તેમના સમકક્ષ કર્મચારીઓની તુલનામાં સ્પર્ધાત્મક હોવો જોઈએ...
Govt Employees Salary Hike: કેન્દ્ર સરકારની કંપનીઓમાં કામ કરતા વરિષ્ઠ કર્મચારીઓને જલદી જ બમણા પગારની ભેટ મળી શકે છે. સરકાર આ અંગે એક પ્રસ્તાવ પર વિચારણા કરી રહી છે. આ પ્રસ્તાવ ખાનગી કંપનીઓના વરિષ્ઠ કાર્યકારીઓની તુલનામાં સરકારી કંપનીઓના વરિષ્ઠ કર્મચારીઓને મળતા પગારના તફાવત અંગે છે.
ખાનગી ક્ષેત્ર સાથે સમાનતા કરવાનો લક્ષ્ય
ઈટીના એક અહેવાલમાં અધિકારીઓના હવાલાથી જણાવવામાં આવ્યું છે કે પ્રસ્તાવ પર અમલ થયા બાદ સંબંધિત કંપનીઓના ટોચના કર્મચારીઓના પગારમાં 100 ટકા સુધીનો વધારો થઈ શકે છે. વાસ્તવમાં સરકારી કંપનીઓમાં કામ કરતા ટોચના એક્ઝિક્યુટિવ ખાનગી ક્ષેત્રના તેમના સમકક્ષોની તુલનામાં ઓછું વેતન મેળવે છે. આવી સ્થિતિમાં ટોચના સ્તરે એક્ઝિક્યુટિવનું પલાયન થાય છે. સરકારને મળેલો પ્રસ્તાવ સરકારી કંપનીઓ સાથે ટોચની પ્રતિભાને જોડી રાખવા માટે છે.
કામગીરીના આધારે વધશે પગાર
આ પ્રસ્તાવ તે CPSEs એટલે કે સેન્ટ્રલ પબ્લિક સેક્ટર એન્ટરપ્રાઇઝીસ માટે છે, જેમનું ટર્નઓવર 100 કરોડ રૂપિયાથી વધુ છે. જોકે, 100 કરોડ રૂપિયાથી વધુ ટર્નઓવર ધરાવતી સરકારી કંપનીઓના ટોચના કર્મચારીઓના પગારમાં વધારો ઘણી બાબતો પર આધાર રાખશે. પગારમાં વધારો કામગીરી આધારિત હશે અને તેનું નિર્ધારણ કરવામાં એસેટ મનીટાઇઝેશન, પ્રોજેક્ટ પૂર્ણ કરવાની ઝડપ, નફો જેવા માપદંડોને ધ્યાનમાં લેવામાં આવશે.
પબ્લિક એન્ટરપ્રાઇઝીસ સિલેક્શન બોર્ડનું સૂચન
અધિકારીઓનું કહેવું છે કે પબ્લિક એન્ટરપ્રાઇઝીસ સિલેક્શન બોર્ડ તરફથી મળેલા પ્રસ્તાવમાં પણ વળતર વધારવાનું સૂચન કરવામાં આવ્યું છે. બોર્ડનું કહેવું છે કે નેતૃત્વના સ્થાન માટે ઉમેદવારો શોધવામાં તેમને મુશ્કેલીઓનો સામનો કરવો પડે છે. તેમને દૂર કરવા માટે સરકારી કંપનીઓના ટોચના પદો માટે વળતર વધારવાની જરૂર છે. PSEBના મતે, પેકેજ એટલા આકર્ષક હોવા જોઈએ કે તેનાથી યોગ્ય ઉમેદવારો આકર્ષાય.
બજેટ પહેલાં કેબિનેટ કમિટી પાસે જશે પ્રસ્તાવ
સંબંધિત પ્રસ્તાવને બજેટ રજૂ થાય તે પહેલાં આર્થિક બાબતોની કેબિનેટ કમિટી પાસે મોકલવામાં આવી શકે છે. ત્યારબાદ કેબિનેટ કમિટી પ્રસ્તાવ પર વિચારણા કરશે. નાણાકીય વર્ષ 2024 25નું સંપૂર્ણ બજેટ આ મહિને જ રજૂ થવાનું છે. નાણાં પ્રધાન નિર્મલા સીતારમણે ફેબ્રુઆરીમાં વચગાળાનું બજેટ રજૂ કર્યું હતું. ચૂંટણીના વર્ષને કારણે તે સમયે વચગાળાનું બજેટ આવ્યું હતું. હવે સંપૂર્ણ બજેટ આવવાનું છે.
ટ્રેન્ડિંગ સમાચાર
ટોપ સ્ટોરી
