EPFO: સારવાર માટે પૈસાની જરુર હોય તો PF ફંડમાંથી કેટલા પૈસા મેળવી શકો ?
મેડિકલની સમસ્યાઓ કોઈપણ સમયે કોઈપણ વ્યક્તિની સામે આવી છે. આવી સ્થિતિમાં કેટલા પૈસા ખર્ચાશે તે અંગે કંઈ કહી શકાય નહીં. ઘણી વખત આવા કિસ્સાઓમાં વીમાની રકમ પણ ઓછી પડે છે.
મેડિકલની સમસ્યાઓ કોઈપણ સમયે કોઈપણ વ્યક્તિની સામે આવી છે. આવી સ્થિતિમાં કેટલા પૈસા ખર્ચાશે તે અંગે કંઈ કહી શકાય નહીં. ઘણી વખત આવા કિસ્સાઓમાં વીમાની રકમ પણ ઓછી પડે છે. જો તમે નોકરી કરતા હોય અને દર મહિને EPFOમાં યોગદાન આપો છો, તો આવી પરિસ્થિતિઓમાં તમને મદદ મળી શકે છે. EPFO સભ્યોને તમામ સંજોગોમાં તેમના ભવિષ્ય નિધિમાંથી આંશિક ઉપાડ કરવાની સુવિધા મળે છે. તમને જણાવી દઈએ કે સારવાર માટે તમે EPFમાંથી કેટલી રકમ ઉપાડી શકો છો.
જો તમે તમારી પોતાની સારવાર માટે અથવા તમારા જીવનસાથી, બાળકો અને માતા-પિતાની કોઈપણ બીમારીની સારવાર માટે EPFOમાંથી પૈસા ઉપાડવા માંગો છો, તો તમે આમ કરી શકો છો. તેનો લાભ લેવા માટે કોઈ લૉક-ઇન પિરિયડ નથી, ન તો સેવાનો કોઈ ન્યૂનતમ સમયગાળો છે. સારવાર માટે EPFO સભ્યો વ્યાજ સાથે યોગદાનની છ ગણી રકમ અથવા માસિક પગારના છ ગણા (જે ઓછું હોય તે) ઉપાડી શકે છે.
- જો તમારી બહેન, દિકરી, દિકરો અથવા પરિવારના કોઈપણ સભ્યના લગ્ન થઈ રહ્યા છે અથવા તમે તમારા પોતાના અથવા બાળકોના શિક્ષણ માટે EPFમાંથી આંશિક ઉપાડ કરવા માંગો છો, તો બંને સ્થિતિમાં તમારે 7 વર્ષ સુધી નોકરી કરવી જરૂરી છે. 7 વર્ષની સેવા પછી તમે તમારા યોગદાનના 50 ટકા સુધી વ્યાજ સાથે ઉપાડી શકો છો.
- ઈપીએફમાં 5 વર્ષ સુધી સતત યોગદાન આપ્યા બાદ તમે ઘરના રિનોવેશન માટે પણ પૈસા ઉપાડી શકો છો. આ રકમ માસિક પગારના 12 ગણા સુધી હોઈ શકે છે. પરંતુ આ માટે ઘર EPFO સભ્યના નામે અથવા જીવનસાથી સાથે સંયુક્ત રીતે હોવું જોઈએ.
- જો કર્મચારીએ ઓછામાં ઓછી 3 વર્ષની સેવા કરી હોય, તો તે હોમ લોનની ચુકવણી માટે રકમ ઉપાડી શકે છે. આવી સ્થિતિમાં, તે પીએફ બેલેન્સના 90% સુધી ઉપાડી શકે છે.
- જો તમે પ્લોટ કે મકાન ખરીદવા માટે પીએફમાંથી પૈસા ઉપાડવા માંગતા હો, તો તમે માસિક પગારના 24 ગણા સુધી ઉપાડી શકો છો અને મકાન ખરીદવા અને બનાવવા બંને માટે, તમે માસિક પગારના 36 ગણા સુધી ઉપાડી શકો છો.
- જો કંપની 15 દિવસથી વધુ સમય માટે બંધ હોય તો કર્મચારી કોઈપણ સમયે EPF તરીકે જમા કરાવેલ તેના સંપૂર્ણ પૈસા ઉપાડી શકે છે અને જો તમે તમારી નોકરી ગુમાવી દીધી હોય અને તમે માત્ર એક મહિના પછી જ ભંડોળ ઉપાડવા માંગો છો; તો તમે 75 ટકા જેટલી રકમ ઉપાડી શકો છો. નવી રોજગારી મળવા પર બાકી રકમ તમારા નવા EPF ખાતામાં ટ્રાન્સફર કરવામાં આવશે. પરંતુ જો તમે સતત બે મહિના સુધી બેરોજગાર રહેશો તો તમે પીએફની સંપૂર્ણ રકમ ઉપાડી શકો છો.
ટ્રેન્ડિંગ સમાચાર
ટોપ સ્ટોરી
