વિદેશમાં પણ UPIની બોલબાલા, આ દેશે ડિઝિટલ ટ્રાજેક્શન માટે UPI અપનાવ્યું
India UPI Nepal: NIPL CEO રિતેશ શુક્લાએ નિવેદનમાં જણાવ્યું હતું કે,અમને વિશ્વાસ છે કે આ પહેલ NIPLની તકનીકી ક્ષમતાઓ વધારવામાં મદદ કરશે.
નવી દિલ્હીઃ નેશનલ પેમેન્ટ્સ કોર્પોરેશન ઓફ ઈન્ડિયા (NPCI) એ ગુરુવારે જણાવ્યું હતું કે નેપાળ ભારતની UPI સિસ્ટમ અપનાવનાર પ્રથમ દેશ બની ગયો છે. જેનાથી પાડોશી દેશની ડિજિટલ અર્થવ્યવસ્થાને વેગ આપવામાં મદદ મળશે. એનપીસીઆઇની ઇન્ટરનેશનલ શાખા એનપીસીઆઇ ઇન્ટરનેશનલ પેમેન્ટ્સ લિમિટેડે નેપાળમાં સેવાઓ આપવા માટે ગેટવે પેમેન્ટ્સ સર્વિસ અને મનમ ઇન્ફોટેક સાથે ભાગીદારી કરી છે.
ગેટવે પેમેન્ટ્સ સર્વિસ (GPS) નેપાળમાં અધિકૃત પેમેન્ટ સિસ્ટમ ઓપરેટર છે. મનમ ઇન્ફોટેક નેપાળમાં યુનિફાઇડ પેમેન્ટ્સ ઇન્ટરફેસ (UPI) લાગુ કરશે. NPCIએ એક નિવેદનમાં જણાવ્યું હતું કે આ ભાગીદારીથી નેપાળમાં લોકોની સુવિધામાં વધારો કરશે અને ડિજિટલ વ્યવહારોને પ્રોત્સાહન આપશે.
એક નિવેદન અનુસાર, નેપાળ પ્રથમ દેશ હશે જેણે UPIને કેશ ટ્રાન્ઝેક્શનના ડિજિટાઇઝેશનને પ્રોત્સાહન આપતા પેમેન્ટ પ્લેટફોર્મ તરીકે અપનાવ્યું છે. GPSના CEO રાજેશ પ્રસાદ માનંધરે જણાવ્યું હતું કે UPI સેવાએ ભારતમાં ડિજિટલ પેમેન્ટ પર ભારે હકારાત્મક અસર કરી છે. અમને આશા છે કે UPI નેપાળમાં ડિજિટલ અર્થવ્યવસ્થામાં પરિવર્તન લાવવામાં મહત્વપૂર્ણ ભૂમિકા ભજવશે.
2021માં UPI દ્વારા $940 બિલિયનના વ્યવહારો
NIPL CEO રિતેશ શુક્લાએ નિવેદનમાં જણાવ્યું હતું કે,અમને વિશ્વાસ છે કે આ પહેલ NIPLની તકનીકી ક્ષમતાઓ વધારવામાં મદદ કરશે. યુપીઆઇએ 2021માં 940 અબજ ડોલરના 3900 કરોડ આર્થિક વ્યવહારોને સક્ષમ કર્યા છે જે ભારતના જીડીપીના લગભગ 31 ટકા જેટલી છે.
UPI શું છે?
UPI એ બેંકિંગ સિસ્ટમ છે. તેની મદદથી પેમેન્ટ એપ પર પૈસાની લેવડદેવડ કરી શકાય છે. UPI ની મદદથી તમે ગમે ત્યાંથી, કોઈપણ ખાતામાં પૈસા ટ્રાન્સફર કરી શકો છો. UPI ની મદદથી પેમેન્ટ સિવાય બીજી ઘણી વસ્તુઓ કરવામાં આવે છે. હાલમાં તમે BHIM, Phone Pay, Google Pay, Mobikwik, Paytm જેવી ઘણી એપ્સની મદદથી UPI નો ઉપયોગ કરી શકો છો. યુનિફાઈડ પેમેન્ટ ઈન્ટરફેસ અથવા UPI નો ઉપયોગ મોબાઈલમાંથી અન્ય કોઈ બેંક ખાતામાં નાણાં ટ્રાન્સફર કરવા માટે થાય છે.
ટ્રેન્ડિંગ સમાચાર
ટોપ સ્ટોરી
