ગૂડ ન્યૂઝ! પેટ્રોલ પરની એક્સાઇઝ ડ્યુટી ખતમ; જાણો પ્રતિ લિટરે તમને કેટલો થશે ફાયદો
Petrol Excise Duty News: સરકારના આદેશ મુજબ, ઉચ્ચ સ્તરના ઇથેનોલ ભેળવવામાં આવતા પેટ્રોલ પર એક્સાઇઝ ડ્યુટી વસૂલવામાં આવશે નહીં. આનો અર્થ એ થયો કે E22, E25, E27 અને E30 શ્રેણીના પેટ્રોલ પર એક્સાઇઝ ડ્યુટી ઘટાડીને શૂન્ય કરવામાં આવી છે.
- સરકારે 22-30% ઇથેનોલ મિશ્રિત પેટ્રોલ પર એક્સાઇઝ ડ્યુટી નાબૂદ કરી.
- સસ્તા ઇથેનોલ પેટ્રોલની માંગ વધશે, ખેડૂતોને થશે સીધો લાભ.
- સરકારે ક્રૂડ આયાત ઘટાડવા વૈકલ્પિક ઇંધણ અપનાવ્યું છે.
- E85 ઇંધણ E20 કરતાં 20 રૂપિયા સસ્તું, તાજેતરમાં લોન્ચ થયું.
સરકારે લોકોને એક ખુશખબર આપ્યા છે. ઇથેનોલ મિશ્રિત પેટ્રોલ પર લાગતી એક્સાઇઝ ડ્યુટી નાબૂદ કરવામાં આવી છે. એટલે કે હવે 22% થી 30% ઇથેનોલવાળા પેટ્રોલ પર એક્સાઇઝ ડ્યુટી નહીં લાગે. સામાન્ય જનતા માટે આ સમાચાર કોઈ ભેટથી ઓછા નથી. હવે ઇથેનોલવાળા સસ્તા પેટ્રોલની માંગ વધશે તો તેનો ફાયદો સામાન્ય જનતાની સાથે ખેડૂતોને પણ મળવાનો છે, કારણ કે ઇથેનોલનું ઉત્પાદન મુખ્યત્વે શેરડી, મકાઈ અને બગડેલા અનાજમાંથી થાય છે.
તમને જણાવી દઈએ કે ક્રૂડ ઓઇલની કિંમત એ હદે વધી રહી છે કે હવે તે 114 ડોલર પ્રતિ બેરલ પર પહોંચી ગઈ છે. આની સીધી અસર એ છે કે આયાત બિલ વધતું જઈ રહ્યું છે. આવા સમયે સરકારે વૈકલ્પિક ઇંધણ પર ભાર મૂક્યો છે, જેથી આયાતમાં ઘટાડો થઈ શકે અને રૂપિયાની સ્થિતિમાં પણ સુધારો થઈ શકે.
એક્સાઇઝ ડ્યુટી શું છે?
એક્સાઇઝ ડ્યુટી એટલે કે આબકારી જકાત એક પરોક્ષ ટેક્સ છે, જે કોઈ દેશની અંદર ઉત્પાદિત થતી વસ્તુઓ પર લગાવવામાં આવે છે. એક્સાઇઝ ડ્યુટી ખાસ કરીને દારૂ, તમાકુ અને પેટ્રોલિયમ જેવા ઉત્પાદનો પર જ લગાવવામાં આવે છે.
કયું ફ્યુઅલ સસ્તું છે, E85 કે E20?
દેશમાં E20 એટલે કે 20 ટકા ઇથેનોલ મિક્સ પેટ્રોલને પ્રોત્સાહન આપવામાં આવી રહ્યું હતું, પરંતુ વૈશ્વિક ઉથલપાથલ વચ્ચે દેશને સુરક્ષિત રાખવા માટે તાજેતરમાં જ ભારતે E85 ફ્યુઅલને પણ બજારમાં લોન્ચ કરી દીધું છે. E85 ફ્યુઅલ એ 85 ટકા ઇથેનોલ અને 15 ટકા પેટ્રોલ છે. તમને જણાવી દઈએ કે E85 ફ્યુઅલ એ E20 કરતા 20 રૂપિયા પ્રતિ લીટર સસ્તું છે.
ટોપ સ્ટોરી
ટ્રેન્ડિંગ સમાચાર
