IRCTCની વેબસાઈટ ફરી ડાઉન,ટિકિટ બુક કરવામાં યાત્રીઓને આવી રહી છે સમસ્યા

IRCTC Down: ઇન્ડિયન રેલ્વે કેટરિંગ એન્ડ ટુરિઝમ કોર્પોરેશન (IRCTC) ની વેબસાઇટમાં ફરી સમસ્યા હોવાનું જાણવા મળ્યું છે. રવિવારે, ઘણા વપરાશકર્તાઓએ માઇક્રોબ્લોગિંગ સાઇટ X પર આ સમસ્યાની જાણ કરી.

પ્રતિકાત્મક તસવીર

IRCTC Down: ઇન્ડિયન રેલ્વે કેટરિંગ એન્ડ ટુરિઝમ કોર્પોરેશન (IRCTC) ની વેબસાઇટમાં ફરી સમસ્યા હોવાનું જાણવા મળ્યું છે. રવિવારે, ઘણા વપરાશકર્તાઓએ માઇક્રોબ્લોગિંગ સાઇટ X પર આ સમસ્યાની જાણ કરી, જેમાં ડાઉનડિટેક્ટરે ઘણા વપરાશકર્તાઓ દ્વારા આ સમસ્યાનો સામનો કરવામાં આવી રહ્યો હોવાની જાણ કરી.

શનિવારે પણ વપરાશકર્તાઓને આ સમસ્યાનો સામનો કરવો પડ્યો હતો. ગયા મહિને, IRCTC ને બે વાર આવી જ સમસ્યાનો સામનો કરવો પડ્યો હતો, એક વખત 26 ડિસેમ્બરે અને બીજી વખત 31 ડિસેમ્બરે.

વિશ્વભરમાં વેબસાઇટ આઉટેજ પર નજર રાખતી ડાઉનડિટેક્ટરના જણાવ્યા અનુસાર, આજે સવારે 11 વાગ્યાની આસપાસ લગભગ 460 આઉટેજ નોંધાયા હતા. IRCTC વેબસાઇટ પર આઉટેજની પુષ્ટિ કરતો મેસેજ પ્રદર્શિત કરવામાં આવ્યો હતો, જેમાં કહેવામાં આવ્યું હતું કે, "મેન્ટેનન્સ એક્ટિવીટીના કારણે, ઇ-ટિકિટિંગ સેવા ઉપલબ્ધ રહેશે નહીં. કૃપા કરીને પછીથી પ્રયાસ કરો. ટૂંકા ગાળામાં આ પાંચમી વખત છે જ્યારે આવી સમસ્યા આવી હયો, જેના કારણે ભારતના વિશાળ રેલ્વે નેટવર્કને ટેકો આપવા માટે વધુ સારા ડિજિટલ ઇન્ફ્રાસ્ટ્રક્ચરની માંગ કરવામાં આવી રહી છે.

એક હતાશ યુઝરે X પર પોસ્ટ કરી કે IRCTC વેબસાઇટ પર આવી સમસ્યાઓનો સામનો કરવાનો આ પહેલો પ્રસંગ નથી. તાજેતરમાં, મેન્ટેનન્સના કાર્યને કારણે આવી જ સમસ્યા આવી હતી, જેના કારણે ઈ-ટિકિટ બુકિંગ અને રદ કરવાની પ્રક્રિયામાં વિક્ષેપ પડ્યો હતો.

બીજા એક વ્યક્તિએ કહ્યું કે આજે ફરીથી IRCTC એપ અને વેબસાઇટમાં સમસ્યા આવી રબી છે. બુકિંગ પેજ ખુલી રહ્યું નથી. તેના માટે કોણ જવાબદાર છે? માનનીય મંત્રીશ્રી, લોકોને અસુવિધાનો સામનો કરવો પડી રહ્યો છે.

X પર એક યુઝરે કહ્યું, "ડિજિટલ ઇન્ડિયાનો સાચા અર્થમાં દાવો કરતા પહેલા કૃપા કરીને આ મુદ્દા પર ધ્યાન આપો. IRCTC વેબસાઇટ 'નેક્સ્ટ જનરેશન ઇ-ટિકિટિંગ' દર્શાવે છે - કેવી વિડંબના! એવું લાગે છે કે આપણી પેઢી ટિકિટ બુક કરાવવા માટે સંઘર્ષ કરી રહી છે; કદાચ આગામી પેઢી સફળ થાય.

"તત્કાલ બુકિંગ શરૂ થયા પછી દરરોજ, IRCTC બંધ થઈ જાય છે અને લોકો ટિકિટ બુક કરી શકતા નથી અને એકવાર તે શરૂ થઈ જાય પછી, બધું બુક થઈ ગયું હોય છે, બીજા વપરાશકર્તાએ ફરિયાદ કરી- "નમસ્તે @IRCTCofficial મેં હમણાં જ સવારે 11 વાગ્યે IRCTC એપ પરથી દિલ્હીથી અકબરપુરની તત્કાલ ટિકિટ બુક કરવાનો પ્રયાસ કર્યો અને ચુકવણી પણ કરી, પરંતુ ચુકવણી કર્યા પછી એપ બંધ થઈ ગઈ અને હવે એપ ખુલી રહી નથી, મને કેવી રીતે ખબર પડશે કે તે કામ કરશે?" "મારી ટિકિટ બુક થઈ છે કે નહીં.