IT Department Raid: અમદાવાદ સહિત અનેક શહેરમાં ITની રેડ, આ ગ્રુપના 1,000 કરોડથી વધુ બિનહિસાબી વ્યવહારો મળી આવ્યા

Income Tax Department Raid: આવકવેરા વિભાગે 20 જુલાઈના રોજ કાપડ, રસાયણ, પેકેજિંગ, રિયલ એસ્ટેટ અને શિક્ષણના વૈવિધ્યસભર ક્ષેત્રોમાં રોકાયેલા અગ્રણી વેપારી જૂથ પર શોધ અને જપ્તીની કામગીરી હાથ ધરી હતી.

પ્રતિકાત્મક તસવીર

Income Tax Department Raid: આવકવેરા વિભાગે 20 જુલાઈના રોજ કાપડ, રસાયણ, પેકેજિંગ, રિયલ એસ્ટેટ અને શિક્ષણના વૈવિધ્યસભર ક્ષેત્રોમાં રોકાયેલા અગ્રણી વેપારી જૂથ પર શોધ અને જપ્તીની કામગીરી હાથ ધરી હતી. સર્ચ એક્શનમાં ખેડા, અમદાવાદ, મુંબઈ, હૈદરાબાદ અને કોલકાતામાં ફેલાયેલી કુલ 58 જગ્યાઓ આવરી લેવામાં આવી હતી.

 

Gujarat | IT dept conducted raid on premises of business conglomerate in Kheda, Ahmedabad, Mumbai, Hyd & Kolkata on 20 July. Incriminating evidence of large-scale tax evasion surfaced. Rs 24 cr of unaccounted cash, over Rs 1,000 cr of unaccounted transactions unearthed. Probe on.

— ANI (@ANI) August 2, 2022

સર્ચ ઓપરેશનના પરિણામે, દસ્તાવેજો અને ડિજિટલ ડેટાના રૂપમાં વિવિધ ગુનાહિત પુરાવાઓ મળી આવ્યા છે અને જપ્ત કરવામાં આવ્યા છે. આ પુરાવાઓ દર્શાવે છે કે જૂથ વિવિધ પદ્ધતિઓ અપનાવીને મોટા પાયે કરચોરીમાં રોકાયેલું છે. જેમાં એકાઉન્ટના ચોપડાની બહાર બિનહિસાબી રોકડ વેચાણ, બોગસ ખરીદીઓનું બુકિંગ અને રિયલ એસ્ટેટ વ્યવહારોમાંથી નાણાંની રસીદોનો સમાવેશ થાય છે. આ જૂથ કોલકાતા સ્થિત શેલ કંપનીઓના શેર પ્રીમિયમ દ્વારા બિનહિસાબી રકમના સ્તરમાં પણ સામેલ હોવાનું જણાયું છે. રોકડ આધારિત 'સરાફી' (અસુરક્ષિત) એડવાન્સ દ્વારા પેદા થયેલી બિનહિસાબી આવકના કેટલાક ઉદાહરણો પણ મળી આવ્યા છે.

શેરના ભાવમાં હેરાફેરી કરીને નફાખોરી

એવું પણ જાણવા મળ્યું હતું કે જૂથ ઓપરેટરો દ્વારા તેની લિસ્ટેડ કંપનીઓના શેરના ભાવમાં હેરાફેરી કરીને નફાખોરીમાં સામેલ છે. જપ્ત કરાયેલા પુરાવાઓ એ પણ દર્શાવે છે કે જૂથ પ્રમોટરોના અંગત ઉપયોગ માટે કાલ્પનિક સંસ્થાઓ દ્વારા ભંડોળની ઉચાપત કરી રહ્યું છે. વધુમાં, પુરાવાઓનું વિશ્લેષણ સૂચવે છે કે જૂથ તેની પબ્લિક લિમિટેડ કંપનીઓના હિસાબના ચોપડામાં પણ હેરાફેરીમાં સામેલ છે.

સર્ચ કાર્યવાહીના પરિણામે રૂ.1000 કરોડથી વધુના બિનહિસાબી વ્યવહારો બહાર આવ્યા છે. અત્યાર સુધીમાં બિનહિસાબી રોકડ રૂ. 24 કરોડ અને બિનહિસાબી તેવા દાગીના, બુલિયન વગેરે લગભગ કિંમત રૂ. 20 કરોડનો મુદ્દામાલ સર્ચ દરમિયાન જપ્ત કરવામાં આવ્યો છે. વધુ તપાસ ચાલુ છે