ઈન્કમટેક્સ વિભાગે લોન્ચ કર્યું TAXASSIST, ITR ફાઇલ કરવામાં કરશે મદદ, જાણો કેવી રીતે?

તેની મદદથી રિટર્ન ફાઇલ કરનારાઓ સરળતાથી તેમના પ્રશ્નોનો ઉકેલ મેળવી શકે છે

પ્રતિકાત્મક તસવીર

Source : તસવીર સોશિયલ મીડિયા

દેશના કરોડો કરદાતાઓને રાહત આપવા માટે આવકવેરા વિભાગે TAXASSIST લોન્ચ કર્યું છે. તેની મદદથી રિટર્ન ફાઇલ કરનારાઓ સરળતાથી તેમના પ્રશ્નોનો ઉકેલ મેળવી શકે છે અને રિટર્ન ફાઇલ કરી શકે છે. આવકવેરા વિભાગે જણાવ્યું હતું કે TAXASSISTની શરૂઆત કર સંબંધિત તમામ ચિંતાઓને સરળ બનાવવા માટે કરવામાં આવી છે. આવકવેરા વિભાગે એક ઉદાહરણ દ્વારા સમજાવ્યું કે કલમ 80GGC હેઠળ કર મુક્તિનો દાવો કરનારા કરદાતાઓને કઈ કઈ પરિસ્થિતિઓમાં સમસ્યાઓનો સામનો કરવો પડી શકે છે.

Introducing "TAXASSIST"
your go-to support for all tax concerns!

From helping you navigate departmental communications and keeping your finances in check, to reminding you of key tax deadlines
This campaign is designed to guide, support, and simplify.

Stay informed. Stay… pic.twitter.com/Kg3flUM80f

— Income Tax India (@IncomeTaxIndia) June 30, 2025

આ કલમ રાજકીય પક્ષ અથવા ચૂંટણી ટ્રસ્ટને દાન આપનારા દાતાઓને કર મુક્તિ આપે છે. વિભાગે ત્રણ અલગ અલગ દૃશ્યો શેર કર્યા છે જેથી સમજાવી શકાય કે TAXASSIST ટૂલ કરદાતાઓને આ દાવાઓનું દસ્તાવેજીકરણ કરવામાં, સ્પષ્ટતા કરવામાં અને નોટિસનો જવાબ આપવામાં કેવી રીતે મદદ કરે છે. આ પહેલ પારદર્શિતા અને કર દાવાની પ્રક્રિયાને સરળ બનાવવાના ઉદ્દેશ્યથી શરૂ કરવામાં આવી છે.

"TAX ASSIST"
scenarios: Made a Genuine Donation under 80GGC.

Donated to a legally registered political party?
Keep valid receipts & bank transaction proof.
They may be required for verification.

Your compliance secures your claim. pic.twitter.com/A0bmnxxs6X

— Income Tax India (@IncomeTaxIndia) July 3, 2025

કેસ 1: ભૂલથી છૂટનો દાવો

જો કરદાતાએ 80GGC હેઠળ ખોટી રીતે છૂટનો દાવો રજૂ કર્યો હોય તો TAXASSIST તેમને તેમના રિટર્નમાં સુધારો કરવા અથવા ITR-U ફાઇલ કરવા અને કર અને વ્યાજ જમા કરાવવા અને વધારાનું રિફંડ પરત કરવાની સલાહ આપશે. આમ કરવામાં નિષ્ફળતાના પરિણામે તપાસ અથવા દંડ થઈ શકે છે.

કેસ 2: નકલી દાનનો દાવો

જો કોઈએ નકલી અથવા ગેરકાયદેસર રાજકીય દાન બતાવીને છૂટનો દાવો કર્યો હોય તો તેને કરચોરી ગણવામાં આવશે. આવા કિસ્સાઓમાં TAXASSIST કરદાતાને કાનૂની કાર્યવાહીથી બચવા માટે ITR-U ફાઇલ કરવા અને બાકી કર અને વ્યાજ જમા કરાવવાની સલાહ આપશે.

કેસ 3: દાનનો દાવો

જો દાન કોઈ કાયદેસર રાજકીય પક્ષને કરવામાં આવ્યું હોય તો TAXASSIST દાનની રસીદો અને બેન્ક ટ્રાન્જેક્શનના પુરાવાને સુરક્ષિત રાખવાની સલાહ આપે છે કારણ કે તપાસ દરમિયાન આની જરૂર પડી શકે છે. આ પહેલ આવકવેરા વિભાગના ટેક્સ ફાઇલિંગને સરળ અને પારદર્શક બનાવવાના પ્રયાસનો એક ભાગ છે.

રિટર્ન ફાઇલ કરવાની અંતિમ તારીખ 15 સપ્ટેમ્બર સુધી

આ વખતે આવકવેરા વિભાગે રિટર્ન ફાઇલ કરવાની અંતિમ તારીખ 31 જૂલાઈથી 15 સપ્ટેમ્બર સુધી લંબાવી છે. કરદાતાઓને રાહત આપવા માટે આ કરવામાં આવ્યું છે. નાણાકીય વર્ષ 2024-25 માટે આવકવેરા રિટર્ન (ITR) ફાઇલ કરવાની છેલ્લી તારીખ 15 સપ્ટેમ્બર, 2025 છે.