PF એકાઉન્ટમાં પિતાનું નામ ખોટું છે તો શું ઓનલાઇન સુધારી શકાશે? અહી જાણો પ્રોસેસ

EPFO: તમારા પિતાનું નામ પીએફ ખાતામાં ખોટું છે તો તેને કેવી રીતે સુધારવું?

પ્રતિકાત્મક તસવીર

નોકરી કરતા દરેક વ્યક્તિ માટે પીએફ એકાઉન્ટ જરૂરી છે. દર મહિને પગારના 12 ટકા પીએફ ફંડમાં જમા થાય છે. આ સાથે વ્યક્તિ પોતાનું ભવિષ્ય પણ સુરક્ષિત કરે છે. ઘણા લોકો માટે આ બચતનું સારું માધ્યમ છે. જરૂર પડ્યે તમે તેમાંથી પૈસા પણ ઉપાડી શકો છો. તમે જાણો છો કે જો તમારા પીએફ ખાતામાં દાખલ કરેલી માહિતી તમારા બેન્ક એકાઉન્ટ સાથે મેળ ખાતી નથી તો તે તમારા માટે મુશ્કેલ બની શકે છે. તમારા પિતાનું નામ પીએફ ખાતામાં ખોટું છે, તો તેને કેવી રીતે સુધારવું? ચાલો જાણીએ તેની પ્રક્રિયા શું છે.

પિતાનું નામ આ રીતે સુધારો

તમારા EPF ખાતામાં પિતાનું નામ બદલવા માટે તમારે સંયુક્ત ઘોષણા સબમિટ કરવી પડશે. સંયુક્ત ઘોષણાપત્રનો અર્થ એ છે કે તમે અને તમે જે કંપનીમાં કામ કરો છો તે બંને દ્વારા એફિડેવિટ આપવામાં આવશે. આ ઘોષણા ફોર્મ ભર્યા પછી તમારે તેની સાથે સહાયક દસ્તાવેજો પણ જોડવા પડશે. જ્યારે તમે અને તમારી કંપની દ્વારા ફોર્મ સંપૂર્ણ રીતે ભર્યા બાદ તેને તમે EPF ઓફિસમાં સબમિટ કરી શકો છો.

શું તે ઓનલાઈન કરી શકે છે?

આ પ્રશ્ન ઘણા લોકોના મનમાં આવે છે કારણ કે હવે મોટાભાગની પ્રક્રિયાઓ લગભગ ઓનલાઈન થઈ ગઈ છે. તો પીએફ ખાતામાં પિતાનું નામ પણ ઓનલાઈન સુધારી શકાય છે. પરંતુ તમને EPFમાં આ સુવિધા મળતી નથી. આ માટે તમારે માત્ર એફિડેવિટ સબમિટ કરવાનું રહેશે.

કયા દસ્તાવેજો જરૂરી છે?

જ્યારે તમે તમારા પીએફ ખાતામાં તમારા પિતાનું નામ ચેન્જ કરાવો છો તો તમે આધારભૂત દસ્તાવેજો તરીકે માન્ય બોર્ડમાંથી માર્કશીટ સાથે તમારું પોતાનું અને કંપનીનું સોગંદનામું સબમિટ કરી શકો છો. તમે જે કંપનીમાં કામ કરો છો તેનું આઇકાર્ડ અને તમારુ આધાર કાર્ડ પણ જમા કરાવવું પડશે.