Loan Costly: આ સરકારી બેંકે ગ્રાહકોને આપ્યો ઝટકો, લોન કરી મોંઘી, જાણો વ્યાજ દર કેટલો વધ્યો

ગ્રાહક લોન પર એક વર્ષનો દર લાગુ થશે. મતલબ કે જો તમે ઓટો, પર્સનલ અને હોમ લોન લેવા જશો તો નવા વ્યાજ પર લોન આપવામાં આવશે.

પ્રતિકાત્મક તસવીર ( Image Source :pixabay )

Indian Bank Loan: વર્ષ 2023ની શરૂઆતમાં સરકારી બેંકે લોન મોંઘી કરી દીધી છે. સરકારી બેંકે સોમવારે માહિતી આપી છે કે માર્જિનલ કોસ્ટ ઓફ ફંડ બેઝ્ડ લેન્ડિંગ રેટ (MCLR)માં વધારો કરવામાં આવ્યો છે. ઈન્ડિયન બેંકે દ્વારા આ વધારો 25 બેસિસ પોઈન્ટનો કરવામાં આવ્યો છે, જે 3 જાન્યુઆરીથી એટલે કે આજથી જ લાગુ કરવામાં આવ્યો છે.

ઈન્ડિયન બેંકે એક્સચેન્જ ફાઈલિંગમાં લોન વધારવાની માહિતી આપી છે. બેંકે કહ્યું છે કે આ વધારો તમામ પ્રકારની લોન પર લાગુ થશે. આનો અર્થ એ છે કે જે લોકો આ બેંકમાંથી લોન લેવાનું વિચારી રહ્યા છે, તેમને નવા વ્યાજ હેઠળ જ લોનની રકમ આપવામાં આવશે અને તેના આધારે લોનની EMI નક્કી કરવામાં આવશે.

MCLR દરો કેટલા બન્યા છે

ઈન્ડિયન બેંકે તેની વેબસાઈટ પર લોનના વ્યાજમાં વધારો અપડેટ કર્યો છે. ગ્રાહક લોન પર એક વર્ષનો દર લાગુ થશે. મતલબ કે જો તમે ઓટો, પર્સનલ અને હોમ લોન લેવા જશો તો નવા વ્યાજ પર લોન આપવામાં આવશે. ઈન્ડિયન બેંકના MCLR દરમાં 25 બેસિસ પોઈન્ટનો વધારો કર્યા બાદ હવે તે વધીને 7.75 ટકા થઈ ગયો છે. જો કે, એક મહિનાથી છ મહિનાના સમયગાળા માટે, દરોમાં 20 બેસિસ પોઇન્ટનો વધારો કરવામાં આવ્યો છે, જેના કારણે આ સમયગાળા માટે MCLR દર 7.70 છે.

ઈન્ડિયન બેંકના આ દરોમાં ફેરફાર

બેંકની વેબસાઈટ અનુસાર, એક વર્ષની મેચ્યોરિટી માટે નવા દરો વધીને 8.30 ટકા થઈ ગયા છે. અગાઉ તે 8.20 ટકા હતો. ઉપરાંત, ટ્રેઝરી બિલ્સ બેન્ચમાર્ક લેન્ડિંગ રેટ (TBLR) અલગ-અલગ કાર્યકાળ માટે 6.40 ટકાથી વધારીને 6.85 ટકા કરવામાં આવ્યો છે. બીજી તરફ, બેઝ રેટ વિશે વાત કરીએ તો, તે 25 બેસિસ પોઈન્ટ વધીને 9.10 ટકા થયો છે, જ્યારે બેન્ચમાર્ક પ્રાઇસ લેન્ડિંગ રેટ 13.35 ટકા રહ્યો છે.

જણાવી દઈએ કે વર્ષ 2022 દરમિયાન દેશની સેન્ટ્રલ બેંકે મેથી ડિસેમ્બર સુધી રેપો રેટમાં 2.25 ટકાનો વધારો કર્યો હતો, ત્યારબાદ ઘણી ખાનગી અને જાહેર બેંકોએ લોનના વ્યાજ દરમાં વધારો કર્યો હતો. હવે નવા વર્ષ નિમિત્તે ઈન્ડિયન બેંકે વ્યાજદરમાં વધારો કર્યો છે.