![ABP Premium](https://cdn.abplive.com/imagebank/Premium-ad-Icon.png)
આ બેંકોએ ઓગસ્ટમાં લોન મોંઘી કરી, ગ્રાહકોએ વધુ EMI ચૂકવવી પડશે; જુઓ સંપૂર્ણ યાદી
આ બેંકો દ્વારા ઓગસ્ટમાં લોન રેટ હાઈક MCLRમાં વધારો કરવામાં આવ્યો છે. બેંકોએ પસંદગીના સમયગાળા માટે MCLR વધાર્યો છે. તેનાથી ગ્રાહકો પર EMIનો બોજ વધશે.
![આ બેંકોએ ઓગસ્ટમાં લોન મોંઘી કરી, ગ્રાહકોએ વધુ EMI ચૂકવવી પડશે; જુઓ સંપૂર્ણ યાદી Loan Rate Hike: These banks made loans costlier in August, customers will have to pay more EMI; see full list આ બેંકોએ ઓગસ્ટમાં લોન મોંઘી કરી, ગ્રાહકોએ વધુ EMI ચૂકવવી પડશે; જુઓ સંપૂર્ણ યાદી](https://feeds.abplive.com/onecms/images/uploaded-images/2023/08/12/a4f6f6a8e1c9f0f6c6a35ee1fc8215511691825019922279_original.jpg?impolicy=abp_cdn&imwidth=1200&height=675)
Loan Rate Hike: છેલ્લા વર્ષમાં લોનના વ્યાજ દરમાં નોંધપાત્ર વધારો જોવા મળ્યો છે. તેની પાછળનું કારણ RBI તરફથી રેપો રેટ વધારવાનું હતું. પરંતુ છેલ્લી ત્રણ મોનેટરી પોલિસીમાં સેન્ટ્રલ બેંક દ્વારા રેપો રેટ યથાવત રાખવામાં આવ્યો છે. જોકે હવે કેટલીક બેંકો દ્વારા વ્યાજમાં વધારો કરવામાં આવી રહ્યો છે. ઓગસ્ટમાં HDFC બેંક, ICICI બેંક, બેંક ઓફ બરોડા દ્વારા MCLRમાં વધારો કરવામાં આવ્યો છે.
MCLR એ દર છે જેના આધારે બેંકો કાર લોન, હોમ લોન અને પર્સનલ લોન માટે વ્યાજ દર નક્કી કરે છે.
બેંક ઓફ બરોડા
બેંક ઓફ બરોડાએ તમામ મુદત માટે MCLRમાં 5 બેસિસ પોઈન્ટ્સ (0.05 ટકા) વધારો કર્યો છે. આ નવા દરો 12 ઓગસ્ટ, 2023થી અમલમાં આવ્યા છે. આ વધારા બાદ એક વર્ષનો MCLR 8.00 ટકા થઈ ગયો છે.
HDFC બેંક
HDFC બેંકે પસંદગીના ટેનર્સ માટે MCLRમાં 15 બેસિસ પોઈન્ટ્સ સુધીનો વધારો કર્યો છે. આ નવા દરો 7 ઓગસ્ટથી લાગુ થઈ ગયા છે.
બેંક દ્વારા રાતોરાત MCLR 10 બેસિસ પોઈન્ટ વધારીને 8.35 ટકા કરવામાં આવ્યો હતો. તે પહેલા 8.25 ટકા હતો. એક મહિનાનો MCLR અગાઉ 8.30 ટકાથી વધારીને 8.45 ટકા કરવામાં આવ્યો છે. તે જ સમયે, ત્રણ મહિનાના MCLRમાં 10 બેસિસ પોઈન્ટનો વધારો કરવામાં આવ્યો છે. જેના કારણે તે 8.60 ટકાથી વધીને 8.70 ટકા થયો છે. છ મહિનાના MCLRમાં 5 બેસિસ પોઈન્ટનો વધારો કરીને 8.90 ટકાથી 8.95 ટકા કરવામાં આવ્યો છે.
એક વર્ષનો MCLR અગાઉ 9.05 ટકાથી 5 બેસિસ પોઈન્ટ વધારીને 9.10 ટકા કરવામાં આવ્યો છે. એક વર્ષથી વધુ સમય માટે MCLRમાં કોઈ ફેરફાર નથી.
ICICI બેંક
ICICI બેંક તરફથી તમામ મુદતના MCLRમાં 5 બેસિસ પોઈન્ટનો વધારો કરવામાં આવ્યો છે. આ વધારા બાદ એક વર્ષનો MCLR 8.40 ટકા, ત્રણ અને છ મહિનાનો MCLR 8.45 ટકા અને 8.80 ટકા થઈ ગયો છે.
બેંક ઓફ ઈન્ડિયા
બેંક ઓફ ઈન્ડિયાએ પસંદગીના ટેનર્સ માટે MCLR વધાર્યો છે. આ વધારા બાદ રાતોરાત MCLR 7.95 ટકા, ત્રણ અને છ મહિનાના MCLR 8.30 ટકા અને 8.50 ટકા છે. એક વર્ષનો MCLR 8.70 ટકા છે.
આ પણ વાંચોઃ
SBFC ફાઇનાન્સનું બમ્પર લિસ્ટિંગ, રોકાણકારોને શેર દીઠ ₹25નો નફો મળ્યો, જાણો કેટલાએ થયો લિસ્ટ
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)