Raghunandan Kamath Death: આઈસક્રીમ મેન રઘુનંદન કામથનું નિધન, રેસ્ટોરંટમાં નોકરી કરીને ઉભો કર્યો 400 કરોડનો કારોબાર

કર્ણાટકના નાના શહેર મુલ્કીમાં ફળો વેચતા રઘુનંદન કામત મુંબઈ આવીને એક રેસ્ટોરન્ટમાં કામ કરતા હતા. પછી પાવભાજી અને આઈસ્ક્રીમ વેચીને આજે તેણે 400 કરોડ રૂપિયાની કંપની બનાવી છે.

નેચરલ્સ આઈસક્રીમના સંસ્થાપક રઘુનંદન કામથ ( Image Source :social media )

 Naturals Ice Cream: નેચરલ્સ આઈસ્ક્રીમના સ્થાપક રઘુનંદન કામતે (Naturals ine cream founder Raghunandan Kamath) 75 વર્ષની વયે શનિવારે હોસ્પિટલમાં અંતિમ શ્વાસ લીધા હતા. તે બીમારી સામે ઝઝૂમી રહ્યા હતો. કંપનીએ સોશિયલ મીડિયા પર તેમના નિધનની માહિતી આપી છે. લોકો પ્રેમથી રઘુનંદન કામતને આઇસક્રીમ મેન ઓફ ઈન્ડિયા કહે છે.

કંપનીએ સોશિયલ મીડિયા પર તેમના મૃત્યુની માહિતી આપી

Naturals Ice Cream એ સોશિયલ મીડિયા પ્લેટફોર્મ X પર લખ્યું કે અમારા બોસ અને ફાઉન્ડર રઘુનંદન કામથ દુનિયા છોડી ગયા છે. આ અમારા માટે ખૂબ જ દુઃખદ દિવસ છે. નેચરલ્સ પરિવાર તેમને હંમેશા તેમની યાદોમાં જીવંત રાખશે. કર્ણાટક બીજેપી ચીફ કેપ્ટન બ્રિજેશ ચૌટાએ પણ ઈન્સ્ટાગ્રામ પર લખ્યું કે એક શાનદાર સફરનો અંત આવ્યો છે. 'આઈસક્રીમ મેન'ના નિધનથી હું ખૂબ જ દુઃખી છું. તેણે નેચરલ્સ આઈસક્રીમને જાણીતું નામ બનાવ્યું છે. તેણે મુલ્કીથી મુંબઈ સુધીની સફર ખૂબ સારી રીતે પૂરી કરી. તેમનું જીવન આપણા બધા માટે એક પાઠ છે. 

Our thoughts on the sad demise of our patron and founder of Naturals Ice Cream, Late (Shri) Raghunandan Kamath. Indeed a very sad and unfortunate day for us.

Regards,
The Naturals Family.
Date: 18th May, 2024. pic.twitter.com/6x5guC5ae8

— Natural Ice Cream (@Naturalicecream) May 18, 2024

ફળ વિક્રેતાઓના પરિવારમાં થયો હતો

આઈસક્રીમ ઉદ્યોગમાં રઘુનંદન કામતનું ખૂબ જ સન્માન હતું. રઘુનંદન કામતે કર્ણાટકના નાના શહેર મુલ્કીથી તેમની યાત્રા શરૂ કરી હતી. તેનો જન્મ ફળ વેચનાર પરિવારમાં થયો હતો. રઘુનંદન કામત પણ તેમના પિતાને ફળોના વ્યવસાયમાં મદદ કરતા હતા. 14 વર્ષની ઉંમરે, તેણે મુલ્કીથી મુંબઈ જવાનું નક્કી કર્યું, જ્યાં તેણે તેના ભાઈની રેસ્ટોરન્ટમાં કામ કરવાનું શરૂ કર્યું.

આઈસક્રીમ સાથે પાંવભાજી પણ વેચતા

ફેબ્રુઆરી 1984 માં, રઘુનંદન કામતે ચાર કર્મચારીઓ સાથે આઈસક્રીમનો વ્યવસાય શરૂ કર્યો. તેણે પોતાના કામની શરૂઆત 12 ફ્લેવર્સ આઈસક્રીમ કરી હતી. વધુને વધુ ગ્રાહકોને આકર્ષવા માટે તે આઈસક્રીમની સાથે પાવભાજી પણ વેચતા હતા. આ કારણે તેને બિઝનેસમાં શરૂઆતી સફળતા મળવા લાગી. જ્યારે લોકો તેમનો આઈસક્રીમ પસંદ કરવા લાગ્યા, ત્યારે તેઓ માત્ર નેચરલ આઈસક્રીમ પર ધ્યાન આપવા લાગ્યા. આજે નેચરલ્સ આઈસક્રીમ આશરે રૂ. 400 કરોડની કિંમતની કંપની છે. દેશભરમાં તેના 135 આઉટલેટ્સ પણ છે.