Sim Card ના નવા નિયમો થયા લાગુ જાણો હવે એક આધાર કાર્ડથી કેટલા સિમ ખરીદી શકાશે?
નવા નિયમ અંગે કેન્દ્રીય મંત્રી અશ્વિની વૈષ્ણવે કહ્યું કે સાયબર ફ્રોડ, કૌભાંડ અને ફ્રોડ કોલને રોકવાના ઉદ્દેશ્યથી સરકારે સિમ કાર્ડ માટે નવા નિયમો જારી કર્યા છે.
Sim Card Rules 2023: કેન્દ્ર સરકાર સાયબર ફ્રોડના મામલાઓને રોકવા માટે સતત પગલાં લઈ રહી છે. દરમિયાન, સરકારે હવે સિમ કાર્ડના વેચાણ માટેના નિયમો વધુ કડક બનાવ્યા છે જેથી કરીને ડિજિટલ ફ્રોડના મામલાઓને રોકી શકાય. કેન્દ્ર સરકારે સિમ કાર્ડ વેરિફિકેશન માટે નવા નિયમો જારી કર્યા છે. નવા નિયમોમાં સરકારે જથ્થાબંધ સિમ કાર્ડ આપવાની જોગવાઈને સંપૂર્ણપણે નાબૂદ કરી દીધી છે. હવે દેશમાં કોઈ એક સાથે એકથી વધુ સિમ કાર્ડ ખરીદી શકશે નહીં.
નવા નિયમ અંગે કેન્દ્રીય મંત્રી અશ્વિની વૈષ્ણવે કહ્યું કે સાયબર ફ્રોડ, કૌભાંડ અને ફ્રોડ કોલને રોકવાના ઉદ્દેશ્યથી સરકારે કદમ સિમ કાર્ડ માટે નવા નિયમો જારી કર્યા છે. તેમણે જણાવ્યું કે ફ્રોડ કોલને રોકવા માટે લગભગ 52 લાખ કનેક્શન બ્લોક કરવામાં આવ્યા છે. આટલું જ નહીં, કેન્દ્રીય મંત્રીએ એ પણ માહિતી આપી કે સિમ વેચતા 67,000 ડીલરોને સરકારે પ્રતિબંધિત કરી દીધા છે. માહિતી અનુસાર, આમ કરવાથી સાયબર છેતરપિંડી સામે લડવામાં મદદ મળશે અને તેને સંપૂર્ણ રીતે કાબૂમાં કરી શકાય છે.
કેન્દ્ર સરકાર દ્વારા જારી કરાયેલા નવા નિયમો અનુસાર હવે સિમ કાર્ડ વેચતા ડીલરો કે વેપારીઓએ પોલીસ વેરિફિકેશનની સાથે બાયોમેટ્રિક વેરિફિકેશન કરાવવું જરૂરી છે. આ સાથે સિમ વેચવા માટે રજીસ્ટ્રેશન પણ જરૂરી રહેશે. વેપારીઓના પોલીસ વેરિફિકેશનની સંપૂર્ણ જવાબદારી ટેલિકોમ ઓપરેટરની રહેશે. જો કોઈ આ નિયમોને અવગણીને સિમ વેચશે તો તેને 10 લાખનો દંડ થશે. હાલમાં સરકારે વેરિફિકેશન માટે વેપારીઓને 12 મહિનાનો સમય આપ્યો છે.
જો કોઈ ગ્રાહક તેના જૂના નંબર પર નવું સિમ કાર્ડ ખરીદવા માંગે છે, તો તેના આધારે પ્રિન્ટ કરાયેલ QR કોડને સ્કેન કરીને તેનો વસ્તી વિષયક ડેટા પણ એકત્રિત કરવામાં આવશે.
નવા નિયમ અનુસાર, હવે સિમ કાર્ડ જથ્થાબંધ જારી કરવામાં આવશે નહીં. સરકારે આ માટે બિઝનેસ કનેક્શનની જોગવાઈ શરૂ કરી છે. જો કે, તમે પહેલાની જેમ એક આઈડી પ્રૂફ પર 9 સિમ કાર્ડ ખરીદી શકો છો. આ સિવાય જો કોઈ વ્યક્તિ પોતાનું સિમ કાર્ડ બંધ કરે છે, તો તે નંબર 90 દિવસ પછી જ અન્ય ગ્રાહકને આપવામાં આવશે.
ટોપ સ્ટોરી
ટ્રેન્ડિંગ સમાચાર
