NPS Investment: સબ્સ્ક્રાઇબર્સને હવે એક વર્ષમાં એસેટ એલોકેશન બદલવાની ચાર તકો મળશે, જાણો વિગતે

NPS સબ્સ્ક્રાઇબર્સ તેમના ભંડોળનું ત્રણ એસેટ ક્લાસમાં રોકાણ કરી શકે છે - ઇક્વિટી, સરકારી સિક્યોરિટીઝ અને કોર્પોરેટ બોન્ડ.

પ્રતિકાત્મક તસવીર

NPS Investment Change: પેન્શન ફંડ રેગ્યુલેટરી એન્ડ ડેવલપમેન્ટ ઓથોરિટી (PFRDA) નેશનલ પેન્શન સ્કીમ (NPS) ને રોકાણકારો માટે વધુ નફાકારક બનાવવા માટે ઘણા પગલાં લઈ રહી છે. NPSમાં ઘણા ફેરફારો કરવામાં આવી રહ્યા છે, જેમાં ઇક્વિટી ફાળવણી મર્યાદામાં વધારો, સબ્સ્ક્રાઇબર્સને ફંડ મેનેજરોની વધુ પસંદગી આપવી અને એસેટ એલોકેશનના વર્ષમાં વધુ તકો આપવાનો સમાવેશ થાય છે.

PFRDA આશરે રૂ. 7.3 લાખ કરોડની સંપત્તિનું સંચાલન કરે છે. NPS સબ્સ્ક્રાઇબર્સ તેમના ભંડોળનું ત્રણ એસેટ ક્લાસમાં રોકાણ કરી શકે છે - ઇક્વિટી, સરકારી સિક્યોરિટીઝ અને કોર્પોરેટ બોન્ડ. હાલમાં, સબ્સ્ક્રાઇબર્સ વર્ષમાં બે વાર તેમના ભંડોળની ફાળવણીમાં ફેરફાર કરી શકે છે. પરંતુ હવે સબ્સ્ક્રાઇબર્સને વર્ષમાં 4 વખત તેમની એસેટ એલોકેશન બદલવાની મંજૂરી આપવા માટે તેમાં સુધારો કરવાનો નિર્ણય લેવામાં આવ્યો છે.

જાણો શું થશે પરિવર્તનનો ફાયદો

અહેવાલો અનુસાર, NPS સબસ્ક્રાઇબર્સને વર્ષમાં એસેટ એલોકેશનમાં ફેરફારની વધુ તકો મળવાથી ઘણો ફાયદો થશે. NPS માર્કેટ લિંક્ડ રિટર્ન ઓફર કરે છે. એસેટ ફાળવણીમાં ફેરફાર કરવાની વધુ તકો સાથે, સબ્સ્ક્રાઇબર્સ બજારની હિલચાલનો મહત્તમ લાભ લઈ શકશે. તેઓ બજારની હિલચાલ અનુસાર તેમના રોકાણનો નિર્ણય લઈ શકશે. ખાસ વાત એ છે કે જે સબસ્ક્રાઈબર એક્ટિવ ચોઈસ એસેટ એલોકેશનનો વિકલ્પ પસંદ કરે છે તેમને જ ચાર વખત બદલવાની મંજૂરી આપવામાં આવશે.

PFRDAના ચેરમેન સુપ્રિતમ બેનર્જીના જણાવ્યા અનુસાર NPS સભ્યો લાંબા સમયથી માંગ કરી રહ્યા છે કે તેમને એક વર્ષમાં એસેટ એલોકેશન બદલવાની વધુ તક મળવી જોઈએ. તેથી જ હવે અમે તેમને વર્ષમાં 4 વખત આવું કરવાની મંજૂરી આપી રહ્યા છીએ. બેનર્જીએ કહ્યું કે ગ્રાહકોએ હંમેશા યાદ રાખવું જોઈએ કે આ પ્રોડક્ટ લાંબા ગાળાને ધ્યાનમાં રાખીને બનાવવામાં આવી છે. તેથી, તેનો ઉપયોગ હંમેશા સમજદારીપૂર્વક કરવો જોઈએ.

આ પગલાથી ફંડ મેનેજરોની સંખ્યામાં વધારો થશે

અત્યાર સુધી સબ્સ્ક્રાઇબરે રોકાણ માટે 7 ફંડ મેનેજરમાંથી કોઈપણ એક ફંડ મેનેજર પસંદ કરવાનો હોય છે. NPS એ હવે Axis, Max Life અને Tata ને NPS ફંડ મેનેજર તરીકે પણ કામ કરવા માટે સૈદ્ધાંતિક મંજૂરી આપી છે. આ ત્રણ ફંડ મેનેજરની સેવાઓ પણ સબસ્ક્રાઇબર્સને બિઝનેસ સર્ટિફિકેટ મળતાની સાથે જ ઉપલબ્ધ થશે. ઉપરાંત, અત્યાર સુધી તમામ એસેટ ક્લાસનું સંચાલન એક જ ફંડ મેનેજર દ્વારા કરવામાં આવતું હતું. હવે આમાં પણ ફેરફાર થશે અને બિન-સરકારી સબ્સ્ક્રાઇબર્સ દરેક એસેટ ક્લાસ માટે અલગ-અલગ ફંડ મેનેજરની નિમણૂક કરી શકશે.