Aadhar Service: આધારકાર્ડ સાથે જોડાયેલી આ સર્વિસ વિશે નથી જાણતા લોકો, જાણો તેના વિશે

આધાર કાર્ડ ભારતીય નાગરિકો માટે એક મહત્વપૂર્ણ ઓળખ દસ્તાવેજ છે. તેનો ઉપયોગ સરકારી યોજનાઓ અને અન્ય લાભો મેળવવા માટે ડિજિટલ ઓળખ પુરાવા તરીકે પણ થાય છે.

પ્રતિકાત્મક તસવીર

Aadhaar Card: આધાર કાર્ડ ભારતીય નાગરિકો માટે એક મહત્વપૂર્ણ ઓળખ દસ્તાવેજ છે. તેનો ઉપયોગ સરકારી યોજનાઓ અને અન્ય લાભો મેળવવા માટે ડિજિટલ ઓળખ પુરાવા તરીકે પણ થાય છે. જો  આધાર કાર્ડ ખોવાઈ જાય અથવા ક્ષતિગ્રસ્ત થઈ જાય તો તમને સરકારી સેવાઓનો લાભ લેવામાં મુશ્કેલીનો સામનો કરવો પડી શકે છે. આવી સ્થિતિમાં, જો તમને તાત્કાલિક આધાર કાર્ડની જરૂર હોય અને તમારી પાસે આધાર ન હોય તો ચિંતા કરવાની જરૂર નથી. UIDAI (યુનિક આઈડેન્ટિફિકેશન ઓથોરિટી ઓફ ઈન્ડિયા) કાર્ડધારકોને ફરીથી આધાર બનાવવાની સુવિધા પૂરી પાડે છે.

કોઈપણ વ્યક્તિ જે તેનો આધાર નંબર જાણે છે તે UIDAI વેબસાઈટ અથવા mAadhaar એપ પરથી તેનો ઈ-આધાર  ડાઉનલોડ કરી શકે છે.

UIDAI વેબસાઇટ myaadhaar.uidai.gov.in/ પર જાઓ.

'ડાઉનલોડ આધાર' પર ક્લિક કરો.

તમારો આધાર નંબર અને કેપ્ચા દાખલ કરો.

તમને 4 અંકનો OTP દાખલ કરવા માટે કહેવામાં આવશે જે તમારા રજિસ્ટર્ડ મોબાઇલ નંબર પર મોકલવામાં આવશે.

OTP દાખલ કરો અને 'સબમિટ' પર ક્લિક કરો.

તમારું ઈ-આધાર PDF ફોર્મેટમાં ડાઉનલોડ થશે.

ભવિષ્યના ઉપયોગ માટે PDF ફાઇલ સાચવો.

પીવીસી આધાર કાર્ડ કેવી રીતે ઓર્ડર કરવું ?

હવે કોઈપણ પોતાના આધાર કાર્ડને PVC કાર્ડમાં ઓનલાઈન કન્વર્ટ કરી શકશે. તમે UIDAIની વેબસાઈટ પર જઈને 50 રૂપિયાની ફી ભરીને PVC આધાર કાર્ડ મંગાવી શકો છો.

UIDAI વેબસાઇટ atuidai.gov.in/ પર જાઓ અને માય આધાર ટેબ પર ક્લિક કરો. પછી Order Aadhaar PVC કાર્ડ પર ક્લિક કરીને ઓર્ડર આપો. 

આધાર કાર્ડનો ફોટો બદલવા માટે માત્ર ઓફલાઈન પદ્ધતિ અપનાવી શકાય છે. જો કે, ઓનલાઈન પદ્ધતિમાં માત્ર ફોર્મ ડાઉનલોડ કરવાનો સમાવેશ થાય છે. આ માટે UIDAIની સત્તાવાર સાઇટ પર જાઓ. uidai.gov.in ની મુલાકાત લઈને લોગિન કરો. અહીં આધાર એનરોલમેન્ટ ફોર્મ હશે, તેને ડાઉનલોડ કરો. ફોર્મ ભરો અને નજીકના આધાર કેન્દ્ર પર જઈને સબમિટ કરો. અહીં તમારી બાયોમેટ્રિક વિગતો તપાસવામાં આવશે. આ પછી એક નવી તસવીર પણ લેવામાં આવશે. આ પછી 100 રૂપિયા ફી લેવામાં આવશે. આ રીતે તમારા આધાર કાર્ડ પર નવો ફોટોગ્રાફ અપડેટ થઈ જશે.

આધાર કાર્ડ કેવી રીતે ડાઉનલોડ કરવું ?

UIDAI ની સત્તાવાર સાઇટ પર લોગિન કરો.
અહીં My Aadhaar નો વિકલ્પ હશે, તેને સિલેક્ટ કરો.
આ પછી ડાઉનલોડ આધારનો વિકલ્પ પસંદ કરો.
એક પેઈજ ખુલશે, તેમાં જરૂરી માહિતી દાખલ કરો.
કેપ્ચા કોડ દાખલ કરો અને પછી લિંક કરેલ ફોન નંબર પર OTP આવશે.
OTP દાખલ કર્યા પછી આધાર ડાઉનલોડ કરો.
તમે Verify & Download પર ક્લિક કરીને આધાર કાર્ડ ડાઉનલોડ કરી શકો છો.