Petrol Price Today: પેટ્રોલ-ડીઝલના ભાવમાં આજે ફરી ભડકો, દિલ્હીમાં પેટ્રોલ 100 રૂપિયાને પાર, જાણો નવા ભાવ
ગયા વર્ષના નવેમ્બરથી આ વર્ષે 21 માર્ચ સુધી પેટ્રોલના ભાવ સ્થિર રહ્યા હતા. દરમિયાન ઉત્તર પ્રદેશ સહિત પાંચ રાજ્યોમાં વિધાનસભાની ચૂંટણીનો કાર્યક્રમ ચાલી રહ્યો હતો.
નવી દિલ્હીઃ પેટ્રોલ અને ડીઝલના ભાવમાં સતત વધારો થઈ રહ્યો છે. મંગળવારે સવારે 6 વાગ્યાથી પેટ્રોલ 80 પૈસા અને ડીઝલ 70 પૈસા મોંઘું મળવાનું શરૂ થઈ જશે. દિલ્હીમાં પેટ્રોલની કિંમત 100 રૂપિયાને પાર કરી જશે. અહીં પેટ્રોલ 100.21 રૂપિયા પ્રતિ લીટર અને ડીઝલ 91.47 રૂપિયા પ્રતિ લીટરના ભાવે વેચાશે. આ પહેલા ઓઈલ કંપનીઓએ સોમવારે પેટ્રોલના ભાવમાં 30 પૈસા અને ડીઝલના ભાવમાં 35 પૈસા પ્રતિ લીટરનો વધારો કર્યો હતો. છેલ્લા આઠ દિવસમાં સાતમી વખત તેલના ભાવમાં વધારો કરવામાં આવ્યો છે.
અન્ય મુખ્ય શહેરમાં પેટ્રોલનો ભાવ
કોલકાતામાં આજે પેટ્રોલ 108.01 રૂપિયા પ્રતિ લિટરથી વધીને 108.53 રૂપિયા પ્રતિ લિટર થઈ ગયું છે. કોલકાતામાં ડીઝલ 93.57 રૂપિયા પ્રતિ લીટરના ભાવે વેચાય છે. ચેન્નાઈની વાત કરીએ તો આજે એક લિટર પેટ્રોલ 104.43 રૂપિયા પ્રતિ લિટરથી વધીને 104.90 રૂપિયા અને ડીઝલ 95.00 રૂપિયા પ્રતિ લિટર મળી રહ્યું છે.
ગયા વર્ષના નવેમ્બરથી આ વર્ષે 21 માર્ચ સુધી પેટ્રોલના ભાવ સ્થિર રહ્યા હતા. દરમિયાન ઉત્તર પ્રદેશ સહિત પાંચ રાજ્યોમાં વિધાનસભાની ચૂંટણીનો કાર્યક્રમ ચાલી રહ્યો હતો. આ રાજ્યોમાં ચૂંટણીઓ પૂરી થતાની સાથે જ 22 માર્ચ 2022થી પેટ્રોલિયમ ઈંધણના ભાવમાં વધારો કરવાની પ્રક્રિયા શરૂ થઈ ગઈ હતી. ત્યારથી, માત્ર એક દિવસ છોડીને, બાકીના છ દિવસ માટે ભાવ વધ્યા. આ રીતે આઠ દિવસમાં પેટ્રોલ 4 રૂપિયા 80 પૈસા પ્રતિ લીટર મોંઘુ થયું છે.
Price of petrol & diesel in Delhi at Rs 100.21 per litre & Rs 91.47 per litre respectively today (increased by 80 & 70 paise respectively)
— ANI (@ANI) March 29, 2022
In Mumbai, the petrol & diesel prices per litre at Rs 115.04 & Rs 99.25 (increased by 85 paise & 75 paise respectively) pic.twitter.com/edmrj5xCou
ગયા વર્ષે સપ્ટેમ્બર પછી ડીઝલનું માર્કેટ પેટ્રોલ કરતાં વધુ ઝડપથી વધ્યું હતું. વેપારના દૃષ્ટિકોણથી ડીઝલ બનાવવું પેટ્રોલ કરતાં મોંઘું છે. પરંતુ ભારતના ઓપન માર્કેટમાં પેટ્રોલ મોંઘુ અને ડીઝલ સસ્તુ વેચાય છે. આ વર્ષે 22 માર્ચથી પેટ્રોલ કરતા ડીઝલના ભાવમાં વધુ વધારો થયો છે. દરમિયાન, ડીઝલ માત્ર સાત હપ્તામાં રૂ. 4.80 મોંઘુ થયું છે.
કિંમત 20 રૂપિયા સુધી વધી શકે છે
ક્રિસિલ રિસર્ચના રિપોર્ટ અનુસાર ઓઈલ માર્કેટિંગ કંપનીઓના નુકસાનની ભરપાઈ કરવા માટે પેટ્રોલ અને ડીઝલની કિંમતમાં 15 થી 20 રૂપિયાનો વધારો કરવો પડશે. આ સંદર્ભમાં પેટ્રોલ અને ડીઝલના ભાવમાં વધુ 18 રૂપિયાનો વધારો થઈ શકે છે.
ટ્રેન્ડિંગ સમાચાર
ટોપ સ્ટોરી
