![ABP Premium](https://cdn.abplive.com/imagebank/Premium-ad-Icon.png)
રાજ્યો પેટ્રોલને GSTમાં સમાવવા નથી માગતા, જેના કારણે કિંમત નથી ઘટી રહી – પેટ્રોલિયમ મંત્રી
પુરીએ એક મુલાકાતમાં જણાવ્યું હતું કે પશ્ચિમ બંગાળમાં પેટ્રોલના ભાવ 100 રૂપિયાને પાર કરી ગયા છે કારણ કે ટીએમસી સરકાર ભારે ટેક્સ લાદી રહી છે.
![રાજ્યો પેટ્રોલને GSTમાં સમાવવા નથી માગતા, જેના કારણે કિંમત નથી ઘટી રહી – પેટ્રોલિયમ મંત્રી petrol prices not coming down as states do not want to bring fuel under gst says petroleum minister hardeep singh puri રાજ્યો પેટ્રોલને GSTમાં સમાવવા નથી માગતા, જેના કારણે કિંમત નથી ઘટી રહી – પેટ્રોલિયમ મંત્રી](https://feeds.abplive.com/onecms/images/uploaded-images/2021/09/13/0dc6291b5f977c01d8fc68ec06a88d6b_original.jpg?impolicy=abp_cdn&imwidth=1200&height=675)
કોલકાતા: પેટ્રોલ અને ડીઝલના વધેલા ભાવે સામાન્ય લોકોની કમર તોડી નાખી છે. આ કિંમત કેમ ઓછી નથી થઈ રહી? પેટ્રોલિયમ મંત્રી હરદીપ સિંહ પુરીએ આનું કારણ આપ્યું છે. પેટ્રોલિયમ મંત્રીએ કહ્યું કે દેશમાં પેટ્રોલ અને ડીઝલના ભાવ નીચે નથી આવી રહ્યા કારણ કે રાજ્યો તેને જીએસટીમાં સમાવાવ માંગતા નથી.
પુરીએ એક મુલાકાતમાં જણાવ્યું હતું કે પશ્ચિમ બંગાળમાં પેટ્રોલના ભાવ 100 રૂપિયાને પાર કરી ગયા છે કારણ કે ટીએમસી સરકાર ભારે ટેક્સ લાદી રહી છે. તેમણે કહ્યું, 'જો તમારો સવાલ છે કે શું તમે પેટ્રોલના ભાવ નીચે લાવવા માંગો છો, તો જવાબ હા છે. હવે, જો તમારો સવાલ છે કે પેટ્રોલની કિંમતો કેમ નીચે નથી આવી રહી, તો જવાબ છે કારણ કે રાજ્યો તેને જીએસટી હેઠળ લાવવા માંગતા નથી.
પુરીએ જણાવ્યું કે કેન્દ્ર એક લીટર પર કેટલો ટેક્સ લે છે
પેટ્રોલિયમ મંત્રી હરદીપ સિંહ પુરીએ કહ્યું, 'કેન્દ્ર 32 રૂપિયા પ્રતિ લીટર (પેટ્રોલ પર ટેક્સ તરીકે) ચાર્જ કરે છે. જ્યારે ક્રૂડ 19 યુએસ ડોલર પ્રતિ બેરલ હતું ત્યારે અમે 32 રૂપિયા પ્રતિ લીટર લીધા હતા અને અમે હજુ પણ તે જ લઈ રહ્યા છીએ, જ્યારે કિંમત 75 યુએસ ડોલર પ્રતિ બેરલ થઈ ગઈ છે. પેટ્રોલ પર એકત્રિત કરનો ઉપયોગ કલ્યાણ યોજનાઓ માટે થાય છે. પશ્ચિમ બંગાળ સરકારે જુલાઈમાં ભાવમાં 3.51 રૂપિયા પ્રતિ લીટરનો વધારો કર્યો હતો, જેના કારણે પેટ્રોલ 100 રૂપિયા પ્રતિ લીટરે પહોંચી ગયું હતું.
તેમણે આગળ કહ્યું, "અહીં (પશ્ચિમ બંગાળ) સંયુક્ત કરવેરા લગભગ 40 ટકા છે. નિવેદન આપવું ખૂબ જ સરળ છે. જો તમે (ટીએમસી સરકાર) 3.51 રૂપિયાનો વધારો ન કર્યો હોત, તો તે હજુ પણ ભાવ 100 રૂપિયા પ્રતિ લિટરથી ઓછો હોત. પુરી બુધવારે ભવાનીપુર પેટાચૂંટણીના પ્રચાર માટે કોલકાતામાં હતા. આ ચૂંટણીમાં મુખ્યમંત્રી મમતા બેનર્જી, ભાજપની પ્રિયંકા તિબ્રેવાલ અને માકપાના શ્રીજીબ બિસ્વાસ વચ્ચે સ્પર્ધા છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)