Fact Check: RBI 12,500 રૂપિયાની ચુકવણી પર આપી રહી છે 4 કરોડ 62 લાખ ? જાણો શું છે હકીકત
PIB Fact Check of RBI Message : સોશિયલ મીડિયા પર વાયરલ થઈ રહેલા મેસેજ મુજબ ભારતીય રિઝર્વ બેંક લોકોને 4 કરોડ 62 લાખ રૂપિયા આપી રહી છે. આ માટે તમારે પહેલા 12,500 રૂપિયા ફી તરીકે ચૂકવવા પડશે.
Fact Check: ડિજિટલાઇઝેશનની સાથે સાથે સાયબર ફ્રોડના કેસ પણ ઝડપથી વધી રહ્યા છે. છેલ્લા કેટલાક વર્ષોમાં ઈન્ટરનેટના ઉપયોગમાં જબરદસ્ત વધારો થયો છે. આવી સ્થિતિમાં સાયબર ગુનેગારો લોકોને છેતરવા માટે વિવિધ ઓફરો આપતા રહે છે. ઘણી વખત આ ઑફર્સ સરકારી સંસ્થાઓના નામે હોય છે. આવી જ એક ઓફર સોશિયલ મીડિયા પર ઝડપથી વાયરલ થઈ રહી છે. વાયરલ થઈ રહેલા મેસેજમાં દાવો કરવામાં આવી રહ્યો છે કે આ ઓફર કેન્દ્રીય બેંક એટલે કે RBI દ્વારા આપવામાં આવી છે.
RBIએ લોકોને 4 કરોડ 62 લાખ રૂપિયા આપવાની ઓફર કરી?
સોશિયલ મીડિયા પર વાયરલ થઈ રહેલા મેસેજ મુજબ ભારતીય રિઝર્વ બેંક લોકોને 4 કરોડ 62 લાખ રૂપિયા આપી રહી છે. આ રકમ મેળવવા માટે, તમારે પહેલા 12,500 રૂપિયા ટ્રાન્ઝેક્શન ફી તરીકે ચૂકવવા પડશે. આ પછી ગ્રાહકના ખાતામાં પૈસા ટ્રાન્સફર થઈ જશે.
પીઆઈબીએ ટ્વીટ કરીને માહિતી આપી હતી
તમને જણાવી દઈએ કે PIBએ વાયરલ મેસેજની હકીકત તપાસી છે. પીઆઈબીએ આ મામલે ટ્વીટ કરીને માહિતી આપી છે કે આ દાવો સંપૂર્ણપણે ફેક (ફેક ન્યૂઝ) છે. પીઆઈબીએ જણાવ્યું છે કે કેન્દ્રીય બેંકે આવો કોઈ નિર્ણય લીધો નથી. આ સાથે એવું પણ કહેવામાં આવ્યું છે કે આરબીઆઈ આવી અંગત માહિતી મેળવવા માટે કોઈ ઈમેલ મોકલતી નથી.
પીઆઈબી ફેક્ટ ચેક કેન્દ્ર સરકારની પોલિસી- સ્કીમ, વિભાગો, મંત્રાલયોને લઈને ફેલાતી ખોટી સૂચનાઓને રોકવા માટેનું કામ કરે છે. સરકારથી જોડાયેલી કોઈ પણ ખબર સાચી છે કે ખોટી તે જાણવા માટે પીઆઈબી ફેક્ટ ચેકની મદદ લઈ શકાય છે. પીઆઈબી ફેક્ટ ચેકને કોઈ પણ સંદેહાત્મક સમાચારનો સ્ક્રિનશોટ, ટ્વિટ, ફેસબુક પોસ્ટ અથવા યુઆરએલ વોટ્સએપ નંબર 918799711259 પર મોકલી શકો છો. અથવા પછી pibfactcheck@gmail.com પર મેઈલ કરી શકો છો.
An e-mail allegedly sent by RBI claims to offer ₹4 crores 62 lakhs on payment of ₹12,500.#PIBFactCheck
— PIB Fact Check (@PIBFactCheck) May 16, 2022
▶️ This e-mail is #Fake.
▶️ @RBI does not send emails asking for personal information
Read here: https://t.co/yALF1xlCBF pic.twitter.com/0OvPKUPAG0
ટ્રેન્ડિંગ સમાચાર
ટોપ સ્ટોરી
