PIB Fact Check: 'પ્રધાનમંત્રી જ્ઞાનવીર યોજના' હેઠળ સરકાર યુવાનોને દર મહિને ₹3,400 આપે છે? અહીં જાણો શું છે આ વાયરલ મેસેજનું સત્ય
સોશિયલ મીડિયા પર વાયરલ થયેલા આ મેસેજમાં એવો દાવો કરવામાં આવી રહ્યો છે કે સરકાર યુવાનોને દર મહિને 3,400 રૂપિયાની સહાય આપી રહી છે.
PIB Fact Check: કેન્દ્ર સરકાર લોકોના હિતોને ધ્યાનમાં રાખીને ઘણી કલ્યાણકારી યોજનાઓ લાગુ કરે છે. આ યોજનાઓમાં મહિલાઓ, બાળકો અને પછાત વર્ગના લોકોને ખાસ ધ્યાનમાં રાખવામાં આવે છે. તે જ સમયે, ઘણી યોજનાઓમાં, યુવાનો અને ઉદ્યોગસાહસિકો માટે સબસિડી અને ભથ્થાની યોજના છે. સોશિયલ મીડિયા પર એક મેસેજ વાયરલ થયો છે, જેમાં દાવો કરવામાં આવી રહ્યો છે કે સરકારની 'પ્રધાનમંત્રી જ્ઞાનવીર યોજના'માં નોંધણી કરાવવા પર યુવાનોને દર મહિને 3,400 રૂપિયા આપવામાં આવશે. આવો જાણીએ શું છે આ વાયરલ મેસેજનું સત્ય.
શું છે વાયરલ મેસેજ
સોશિયલ મીડિયા પર વાયરલ થયેલા આ મેસેજમાં એવો દાવો કરવામાં આવી રહ્યો છે કે સરકાર યુવાનોને દર મહિને 3,400 રૂપિયાની સહાય આપી રહી છે. આ માટે તેમના માટે પ્રધાનમંત્રી જ્ઞાનવીર યોજનામાં નોંધણી કરાવવી ફરજિયાત રહેશે. મેસેજ કરનારે એવો પણ દાવો કર્યો છે કે તેને આ સ્કીમ હેઠળ 3,400 રૂપિયા મળ્યા છે.
આ સંદેશ કેટલો સાચો છે
સરકારી એજન્સી PIBએ આ વાયરલ મેસેજની હકીકત તપાસી. PIB ફેક્ટચેકમાં (PIB Fact Check) આ મેસેજ સંપૂર્ણ રીતે ફેક હોવાનું જણાવવામાં આવ્યું છે. PIB FactCheck દાવો કરે છે કે આ મેસેજ સંપૂર્ણપણે નકલી છે. પીઆઈબીએ કહ્યું કે આવા કોઈ મેસેજની આડમાં તમારી કોઈપણ માહિતી શેર કરશો નહીં.
दावा: प्रधानमंत्री ज्ञानवीर योजना के तहत पंजीकरण करने पर सभी युवाओं को प्रति माह ₹3,400 दिए जाएंगे। #PIBFactCheck
— PIB Fact Check (@PIBFactCheck) September 6, 2022
▶️यह दावा फ़र्ज़ी है।
▶️इस तरह की किसी वेबसाइट/लिंक पर अपनी निजी जानकारी साझा न करें।
▶️ऐसे संदेशों को फॉरवर्ड करने से पहले #FactCheck जरूर कर लें। pic.twitter.com/KVMzxMJnNW
લલચાણી જાહેરાત, ઓફર આપતા મેસેજથી બચો
પીઆઈબીએ જણાવ્યું કે લોકોને છેતરવા માટે તેઓ સરકારી સ્કીમ જેવા જ નામો સાથે આવી નકલી સ્કીમ ચલાવે છે, જેમાં ઘણીવાર લોકો છેતરાઈ જાય છે. આ લોકો સરકારી નોકરીના નામે નકલી લિંક્સ શેર કરે છે, જેના પર ક્લિક કરવાથી તમારું બેંક એકાઉન્ટ ખાલી થઈ જાય છે.
ટોપ સ્ટોરી
ટ્રેન્ડિંગ સમાચાર
