PNB Scam Case: પીએનબી કૌભાંડમાં CBI ને મળી મોટી સફળતા, નીરવ મોદીનો ખાસ સાથી ઈજિપ્તથી પરત લવાયો

PNB Scam Case Update: CBI એ એક મોટું ઓપરેશન હાથ ધરીને ભાગેડુ ઉદ્યોગપતિ નીરવ મોદીના સહયોગી સુભાષ શંકરને ઈજિપ્તના કેરોથી પરત લાવવામાં સફળતા મેળવી છે.

તસવીર સૌજન્યઃ એએનઆઈ ટ્વીટર

PNB Scam Case: સેન્ટ્રલ બ્યુરો ઑફ ઇન્વેસ્ટિગેશન (CBI) એ એક મોટું ઓપરેશન હાથ ધરીને ભાગેડુ ઉદ્યોગપતિ નીરવ મોદીના સહયોગી સુભાષ શંકરને ઈજિપ્તના કેરોથી પરત લાવવામાં સફળતા મેળવી છે. સીબીઆઈ તેને દેશમાં પરત લાવવા માટે લાંબા સમયથી કામ કરી રહી હતી. તે બેંક ફ્રોડ કેસના આરોપીઓમાંનો એક છે.

નીરવ મોદીની સાથે દેશ છોડીને ગયો હતો ભાગી

49 વર્ષીય સુભાષ શંકર 2018માં નીરવ મોદી સાથે ભારત છોડીને ભાગી ગયો હોવાનું કહેવાય છે. સુભાષ શંકર નીરવ મોદીની સૌથી નજીક માનવામાં આવે છે.  સુભાષ નીરવ મોદીની એક કંપનીમાં ડેપ્યુટી જનરલ મેનેજર હતો. મળતી માહિતી મુજબ, CBI હવે મુંબઈ કોર્ટમાં સુભાષની કસ્ટડી લેશે અને PNB કૌભાંડમાં તેની પૂછપરછ કરશે.

Fugitive Nirav Modi's close aide brought to Mumbai by CBI team from Cairo, in connection with the multi-crore Punjab National Bank (PNB) scam: CBI sources.

Subhash used to work as Deputy General Manager in one of the companies of Nirav Modi

(Pic source: CBI website) pic.twitter.com/qf0wmjR4Y9

— ANI (@ANI) April 12, 2022

ઈન્ટરપોલે રેડ કોર્નર નોટિસ જાહેર કરી હતી

2018 માં, ઇન્ટરપોલે PNB કૌભાંડની તપાસ CBIની વિનંતી પર નીરવ મોદી, તેના ભાઈ નિશાલ મોદી અને તેના કર્મચારી સુભાષ શંકર વિરુદ્ધ રેડ કોર્નર નોટિસ જારી કરી હતી. ઈન્ટરપોલે ચાર વર્ષ પહેલા સીબીઆઈ દ્વારા દાખલ કરાયેલ ચાર્જશીટ અને વિશેષ ન્યાયાધીશ જેસી જગદાલે દ્વારા જારી કરાયેલ ધરપકડ વોરંટના આધારે મુંબઈની વિશેષ અદાલતમાં રેડ કોર્નર નોટિસ જારી કરી હતી. ભાગેડુ વિરુદ્ધ જારી કરાયેલ તેની રેડ કોર્નર નોટિસમાં, ઇન્ટરપોલે તેના 192 સભ્ય દેશોને વ્યક્તિની ધરપકડ અથવા અટકાયત કરવા કહ્યું છે, ત્યારબાદ પ્રત્યાર્પણ અથવા દેશનિકાલની કાર્યવાહી શરૂ થઈ શકે છે.

નીરવ મોદીએ PNBમાં લગભગ 6,500 કરોડ રૂપિયાનું કૌભાંડ કર્યું હતું. તે લંડનની જેલમાં છે. ભારત સરકાર તેને પરત લાવવાનો પ્રયાસ કરી રહી છે. ED નીરવ મોદીની વિદેશમાં આવેલી પ્રોપર્ટીનો કબજો લેવાનો પ્રયાસ કરી રહી છે. નીરવ મોદીએ તેની કંપની ફાયરસ્ટાર ડાયમંડ્સ દ્વારા 2017માં આઇકોનિક રિધમ હાઉસ બિલ્ડીંગ ખરીદી હતી. તેની યોજના તેને હેરિટેજ પ્રોપર્ટીમાં ફેરવવાની હતી. તેમણે મોટાભાગની પ્રોપર્ટી પીએનબી કૌભાંડમાંથી મળેલી રકમથી ખરીદી હોવાનું મનાય છે.