#JioGigaFiber: 100 mbps થી 1 gbps સુધી મળશે સ્પીડ, જાણો કઈ તારીખથી સર્વિસ થશે શરૂ

રિલાયન્સ દેશમાં સૌથી વધારે જીએસટી અને ઇનકમ ટેક્સ આપતી કંપની બની.

નવી દિલ્હીઃ રિલાયન્સ ઇન્ડસ્ટ્રીઝની એજીએમ 2019માં કંપનીના ચેરમેન મુકેશ અંબાણીએ અનેક મોટી જાહેરાત કરી છે. મુકેશ અંબાણીએ 5 સપ્ટેમ્બરથી જિઓ ગીગાફાઈબરના કોમર્શિયલ લોન્ચની જાહેરાત કરી છે. મુકેશ અંબાણીએ જણાવ્યું કે, રિલાયન્સ જિઓના ત્રણ વર્ષ પૂરા થવા પર 5 સપ્ટેમ્બર 2019થી જિઓ ગીગા ફાઈબરની કોમર્શિયલ સેવાઓ સમગ્ર દેશમાં ઉપલબ્ધ હશે. તેમણે જણાવ્યું કે, જિઓ ગીગા ફાઈબરની ઓછામાં ઓછી સ્પીડ 100 એમબીપીએસ હશે જે 1 જીબીપીએસ સુધી જશે. તેના માટે ગ્રાહકોએ 700 રૂપિયાથી લઈને 10000 હજાર રૂપિયા પ્રતિમાસ ખર્ચ કરવો પડશે. આ ખર્ચ પ્લાન પર ઉપલબ્ધ હશે. તેમણે કહ્યું કે, જિઓ ગીગા ફાઈબર પર વોયસ કોલ સંપૂર્ણ રીતે ફ્રી હશે અને ગ્રાહકોએ માત્ર ડેટા માટે જ ચૂકવણી કરવી પડશે. આગળ વાંચો અન્ય મહત્ત્વની જાહેરાત..... - ઇન્ટરનેશનલ કોલિંગ પેક 500 રપિયા પ્રતિ માસ અમેરિકા અને કેનેડામાં ફિક્સ લાઈન માટે. - જિઓ ફાઈન પ્લાન પર તમામ ઓટીટી, એપ્લીકેશન ઉપલબ્ધ હશે. - પ્રીમિયમ જિઓ ફાઈબર ગ્રાહક એ જ દિવસ રિલીઝ થનારી ફિલ્મ જોઈ શકશે. - જિઓ ફોર એવર પ્લાન લેનાર ગ્રાહકોને 4કે ટીવી અને સેટ  ટોપ  બોક્સ ફ્રીમાં મળશે. - રિલાયન્સ દેશમાં સૌથી વધારે જીએસટી અને ઇનકમ ટેક્સ આપતી કંપની બની. - નાણાંકીય વર્ષ 2018-19માં રિલાયન્સે 26379 કરોડ રૂપિયા કસ્ટમ અને એક્સાઈઝ ડ્યૂટી તરીકે આપ્યા. - સમાન ગાળામાં 67320 કરોડ રૂપિયાનો જીએસટી અને 12191 કરોડ રૂપિયા ટેક્સ ચૂકવ્યો. - ભારતીય અર્થવ્યવસ્થામાં સૌથી વધારે ફાળો આપતી કંપની છે રિલાયન્સ. - રિલાયન્સ ઇન્ડસ્ટ્રીઝ પબ્લિક અને પ્રાઈવેટ સેક્ટરમાં સૌથી વધારે નફો કરતી કંપની બની.