Rupee Vs Dollar: રૂપિયો રેકોર્ડ નીચલા સ્તરે ગગડ્યો, પ્રતિ ડૉલર રૂપિયો 79.11 પર આવ્યો

વિદેશી ભંડોળના સતત વેચાણને કારણે રોકાણકારોનું સેન્ટિમેન્ટ નબળું પડી રહ્યું છે, જેની અસર રૂપિયાના બિઝનેસ પર પડી રહી છે અને તેની નબળાઈ સતત વધી રહી છે.

પ્રતિકાત્મક તસવીર

Rupee Vs Dollar: રૂપિયામાં ઘટાડો થવાનું નામ નથી લઈ રહ્યો અને આજે શરૂઆતી ટ્રેડિંગ દરમિયાન રૂપિયો 5 પૈસા ઘટીને 79.11ની રેકોર્ડ નીચી સપાટીએ પહોંચી ગયો છે. આ ડોલર સામે રૂપિયાની સૌથી નીચી સપાટી છે. ડૉલરની મજબૂતી સામે રૂપિયાની નબળાઈ RBI માટે ચિંતાનો વિષય છે.

ડોલર સામે રૂપિયો નબળાઈ સાથે ખુલ્યો હતો

ગુરુવારે રૂપિયો યુએસ ડૉલરની સરખામણીએ ત્રણ પૈસા ઘટીને 79.06 રૂપિયા પ્રતિ ડૉલરના નવા સર્વકાલીન નીચા સ્તરે બંધ થયો હતો. આજે 5 પૈસાના ઘટાડા સાથે તે 79.11 રૂપિયા પ્રતિ ડોલર પર ખુલ્યો છે.

ઇન્ટરબેંક ફોરેન કરન્સી માર્કેટમાં યુએસ ડોલર સામે રૂપિયો 78.99 પર નબળા વલણ સાથે ખુલ્યો હતો. બાદમાં સ્થાનિક ચલણ વધુ નબળું પડીને 79.11 થઈ ગયું. ડોલર સામે રૂપિયો અત્યાર સુધીના સૌથી નીચા સ્તરે આવી ગયો છે, જે અગાઉના બંધ ભાવ સામે 5 પૈસાનો ઘટાડો દર્શાવે છે.

રૂપિયો કેમ ઘટી રહ્યો છે

વિદેશી ભંડોળના સતત વેચાણને કારણે રોકાણકારોનું સેન્ટિમેન્ટ નબળું પડી રહ્યું છે, જેની અસર રૂપિયાના બિઝનેસ પર પડી રહી છે અને તેની નબળાઈ સતત વધી રહી છે. શેરબજારના કામચલાઉ ડેટા અનુસાર, વિદેશી સંસ્થાકીય રોકાણકારોએ ગુરુવારે રૂ. 1,138.05 કરોડના શેરનું વેચાણ કર્યું હતું, જે રૂપિયામાં ઘટાડો થવાનું મુખ્ય કારણ છે.

ડૉલર ઇન્ડેક્સની સ્થિતિ

દરમિયાન, છ મુખ્ય કરન્સી સામે યુએસ ડૉલરની સ્થિતિ દર્શાવતો ડૉલર ઇન્ડેક્સ 0.21 ટકા વધીને 104.90 પર હતો. ગ્લોબલ ઓઇલ બેન્ચમાર્ક બ્રેન્ટ ક્રૂડ ફ્યુચર્સ 0.05 ટકા વધીને બેરલ દીઠ $109.09 થયો હતો.

મોંઘા ડોલરની શું અસર થશે

મોંઘા ડોલરનો મોટો ફટકો ભારતને ભોગવવો પડશે. સરકારી તેલ કંપનીઓ (ઓઈલ માર્કેટિંગ કંપનીઓ) ડોલરમાં ચૂકવણી કરીને ક્રૂડ ઓઈલ ખરીદે છે. જો રૂપિયા સામે ડોલર મોંઘો થશે અને રૂપિયામાં ઘટાડો થશે તો સરકારી ઓઈલ કંપનીઓએ ક્રૂડ ખરીદવા માટે વધુ ડોલર ચૂકવવા પડશે. આનાથી આયાત મોંઘી થશે અને સામાન્ય ગ્રાહકોને પેટ્રોલ અને ડીઝલના ઊંચા ભાવ ચૂકવવા પડશે.