![ABP Premium](https://cdn.abplive.com/imagebank/Premium-ad-Icon.png)
શું પત્નીના નામે રેન્ટ એગ્રીમેન્ટ બનાવીને ટેક્સ બચાવી શકાય છે? આવું કરવાથી ક્યાંક ફસાઈ તો નહીં જઈએ? જાણો વિગતે
Income Tax: એક વાત તો ધ્યાનમાં રાખો કે અંતિમ તારીખ પહેલાં ITR ભરી દો. જો તમે તમારી પત્નીના નામનું રેન્ટ એગ્રીમેન્ટ બનાવીને HRA ક્લેઇમ કરવા માંગો છો તો તેના વિશે સપૂર્ણ જાણકારી મેળવો.
![શું પત્નીના નામે રેન્ટ એગ્રીમેન્ટ બનાવીને ટેક્સ બચાવી શકાય છે? આવું કરવાથી ક્યાંક ફસાઈ તો નહીં જઈએ? જાણો વિગતે save tax rent agreement wife legal implications શું પત્નીના નામે રેન્ટ એગ્રીમેન્ટ બનાવીને ટેક્સ બચાવી શકાય છે? આવું કરવાથી ક્યાંક ફસાઈ તો નહીં જઈએ? જાણો વિગતે](https://feeds.abplive.com/onecms/images/uploaded-images/2024/05/20/337439cf41c014eec83c4ca8f5693edc1716197550779314_original.jpg?impolicy=abp_cdn&imwidth=1200&height=675)
Income Tax Saving: ઇન્કમ ટેક્સ રિટર્ન દાખલ કરવાની અંતિમ તારીખ 31 જુલાઈ 2024 છે. ટેક્સ પેયર્સ જલ્દી રિફંડ મેળવવા અને અંતિમ સમયની ભીડથી બચવા માટે રિટર્ન ભરી રહ્યા છે. આ માટે તેઓ ટેક્સ બચાવવાની વિવિધ રણનીતિઓ અપનાવી શકે છે. રાષ્ટ્રીય પેન્શન યોજના (NPS), કર્મચારી ભવિષ્ય નિધિ (EPF), ઇક્વિટી લિંક્ડ સેવિંગ્સ સ્કીમ (ELSS), પોસ્ટ ઓફિસ વરિષ્ઠ નાગરિક બચત યોજના (SCSS), અને ફિક્સ્ડ ડિપોઝિટ (FD) જેવી રોકાણ યોજનાઓમાં પૈસા મૂકીને ટેક્સ બચાવી શકાય છે. આ યોજનાઓમાં રોકાણ કરવાથી એક નાણાકીય વર્ષમાં ₹1.50 લાખ સુધીની બચત થઈ શકે છે.
ટેક્સ બચાવવાનો એક અન્ય અસરકારક રસ્તો છે હાઉસ રેન્ટ અલાઉન્સ (HRA). તમે તમારી પત્નીને ભાડું આપીને પણ તમારા પૈસા ઘરમાં જ રાખી શકો છો. આમ કરીને તમે 1 લાખ 80 હજાર રૂપિયા સુધીની રકમ પર ટેક્સની બચત કરી શકો છો. જોકે, આ માટે તમારે તમારી પત્ની સાથે એક માન્ય રેન્ટ એગ્રીમેન્ટ બનાવવું પડશે. આ એગ્રીમેન્ટમાં ભાડાની રકમ અને અન્ય શરતો સ્પષ્ટ રીતે લખેલી હોવી જોઈએ.
જણાવી દઈએ કે તમે રેન્ટ એગ્રીમેન્ટ કોઈપણ કોર્ટમાંથી બનાવી શકો છો, જેના પર નોટરીનો સિક્કો અને સહી હોવા જોઈએ. HRA હેઠળ ભાડાની ચુકવણી બેંક ટ્રાન્સફર અથવા ચેક દ્વારા કરવી પડશે, જેથી તમારી પાસે ચુકવણીનો પુરાવો હોય. આમ કરીને તમે સારો એવો ટેક્સ બચાવી શકો છો અને પૈસા પણ તમારા ઘરમાં જ રહેશે.
HRA ક્લેઇમ કરવા માટે સૌ પ્રથમ તમારા નિયોક્તા દ્વારા આપવામાં આવેલી HRAની રકમ ચકાસી લો. પછી ચૂકવેલા ભાડાની ગણતરી કરો અને બાકીની રકમ નક્કી કરવા માટે તમારા મૂળ પગારનો 10 ટકા ઘટાડો. જો તમે મહાનગરમાં રહો છો તો તમે ચૂકવેલા ભાડાનો 50 ટકા દાવો કરી શકો છો, જ્યારે બિન મહાનગર શહેરમાં આ 40 ટકા હોય છે.
ઉદાહરણ તરીકે, ધારો કે તમારી માસિક આવક ₹1,00,000 છે. આમાં ₹20,000નું HRA સામેલ છે. તમે તમારી પત્નીને ₹25,000નું માસિક ભાડું આપો છો. આ હિસાબે વાર્ષિક HRA ₹2,40,000, વાર્ષિક રેન્ટ પેમેન્ટ ₹3,00,000, અને મૂળ પગારનો 10 ટકા ₹1,20,000 થશે. આ સ્થિતિમાં, તમે મહાનગરમાં ₹1,80,000 સુધીનું HRA ટેક્સ ફ્રી કરવાનો દાવો કરી શકો છો.
HRA ક્લેઇમ કરતી વખતે ખાતરી કરો કે રેન્ટ એગ્રીમેન્ટ માન્ય છે, અને તેને બનાવવામાં કોઈપણ પ્રકારની છેતરપિંડી કરવામાં આવી નથી. ભાડાની ચુકવણી બેંક સ્ટેટમેન્ટ અથવા ચેક દ્વારા જ કરો, જેથી તમારી પાસે ચુકવણીની વિગતો રહે. આ ઉપરાંત એ પણ સુનિશ્ચિત કરો કે તમારી પત્ની પણ ઇન્કમ ટેક્સ રિટર્ન ભરે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)