PM Modi Russia Visit: રશિયા જવા રવાના થયા વડાપ્રધાન મોદી, રશિયન રાષ્ટ્રપતિને લઇને શું કહ્યુ?
PM Modi Russia Visit: રશિયાની મુલાકાત પૂર્ણ કર્યા બાદ વડાપ્રધાન ઓસ્ટ્રિયા જવા રવાના થશે.
PM Modi Russia Visit: વડાપ્રધાન નરેન્દ્ર મોદી રશિયાના પ્રવાસ માટે રવાના થયા હતા. રશિયાની મુલાકાતને લઈને વડાપ્રધાન નરેન્દ્ર મોદીએ કહ્યું કે છેલ્લા 10 વર્ષમાં ભારત અને રશિયા વચ્ચે વિશેષ વ્યૂહાત્મક ભાગીદારી મજબૂત થઈ છે. હું મારા મિત્ર રાષ્ટ્રપતિ વ્લાદિમીર પુતિન સાથે દ્વિપક્ષીય સહયોગના તમામ પાસાઓની સમીક્ષા કરવા આતુર છું.
રશિયા અને ઓસ્ટ્રિયાની બે દિવસીય મુલાકાતે જતા પહેલા પીએમ મોદીએ કહ્યું કે, “ભારત અને રશિયા વચ્ચેની વિશેષ અને વિશેષાધિકૃત વ્યૂહાત્મક ભાગીદારી છેલ્લા 10 વર્ષોમાં વધુ વિકસી છે, જેમાં ઊર્જા, સંસ્કૃતિ, પર્યટન, સુરક્ષા, વેપાર, રોકાણ, આરોગ્ય, શિક્ષણને આવરી લેવામાં આવ્યા છે.
PM @narendramodi emplanes for two-nation visit to Russia and Austria. pic.twitter.com/BYKgrpjja3
— PMO India (@PMOIndia) July 8, 2024
શું કહ્યું પીએમ મોદીએ?
વડાપ્રધાન મોદીએ કહ્યું કે હું મારા મિત્ર રાષ્ટ્રપતિ વ્લાદિમીર પુતિન સાથે દ્વિપક્ષીય સહયોગના તમામ પાસાઓની સમીક્ષા કરવા અને વિવિધ ક્ષેત્રીય અને વૈશ્વિક મુદ્દાઓ પર મંતવ્યો શેર કરવા આતુર છું. તેમણે વધુમાં કહ્યું, “અમે શાંતિપૂર્ણ અને સ્થિર પ્રદેશ માટે સહાયક ભૂમિકા ભજવવા માંગીએ છીએ. આ મુલાકાત મને રશિયામાં ભારતીય સમુદાયને મળવાની તક પણ પૂરી પાડશે.
પીએમ મોદી અને પુતિન મંગળવારે 22મી ભારત-રશિયા વાર્ષિક સમિટમાં મળશે. આ દરમિયાન તેઓ વિવિધ ક્ષેત્રોમાં દ્વિપક્ષીય સંબંધો પર ચર્ચા કરશે. રશિયાની મુલાકાત પૂર્ણ કર્યા બાદ વડાપ્રધાન ઓસ્ટ્રિયા જવા રવાના થશે. છેલ્લા 40 વર્ષમાં કોઈ ભારતીય વડાપ્રધાનની ઓસ્ટ્રિયાની આ પ્રથમ મુલાકાત હશે.
વડાપ્રધાને ઑસ્ટ્રિયા અંગે શું કહ્યું?
વડાપ્રધાન મોદીએ ઓસ્ટ્રિયાને ભારતનું 'મજબૂત અને ભરોસાપાત્ર ભાગીદાર' ગણાવ્યું અને કહ્યું કે આ મુલાકાત દરમિયાન તેમને રાષ્ટ્રપતિ એલેક્ઝાંડર વાન ડેર બેલન અને ચાન્સેલર કાર્લ નેહમરને મળવાની તક મળશે. "ઓસ્ટ્રિયા અમારું અડગ અને ભરોસાપાત્ર ભાગીદાર છે. પીએમ મોદીએ કહ્યું કે, છેલ્લા 40 વર્ષમાં ભારતીય વડાપ્રધાનની આ પ્રથમ મુલાકાત છે. નવીનતા, ટેક્નોલોજી અને ટકાઉ વિકાસના નવા અને ઉભરતા ક્ષેત્રોમાં અમારી ભાગીદારીને વધુ ઉંચાઈઓ પર લઈ જવા માટે હું અમારી ચર્ચાની રાહ જોઉં છું."
ટ્રેન્ડિંગ સમાચાર
ટોપ સ્ટોરી
