SCSS: ખાતામાં દર મહિને આવશે 40 હજાર રૂપિયા, તમારા માતાપિતા માટે છે શ્રેષ્ઠ રોકાણ યોજના

આ ઓજનામાં હવે ડિપોઝિટની મહત્તમ મર્યાદા વધી છે. બજેટ 2023 ની જાહેરાત અનુસાર, 1 એપ્રિલ, 2023 થી, આ યોજનામાં 15 લાખ રૂપિયાની જગ્યાએ વધુમાં વધુ 30 લાખ રૂપિયા જમા કરાવી શકાશે.

પ્રતિકાત્મક તસવીર

Source : PTI Photo

Senior Citizens Savings Scheme: જો તમારા માતા-પિતા પણ નિવૃત્ત થયા છે અને તમે તેમના માટે વધુ સારી બચત યોજના શોધી રહ્યા છો, તો પોસ્ટ ઓફિસનો સંપર્ક કરો. વરિષ્ઠ નાગરિકો માટે લોકપ્રિય વિકલ્પ સિનિયર સિટિઝન્સ સેવિંગ્સ સ્કીમ (SCSS) છે, જે પોસ્ટ ઑફિસ સ્મોલ સેવિંગ્સ સ્કીમનો ભાગ છે. પોસ્ટ ઓફિસ સ્કીમ હોવાથી તેમાં સુરક્ષાની 100% ગેરંટી છે. તે જ સમયે, મહત્તમ થાપણ મર્યાદામાં વધારો અને તેના પર મળતા વ્યાજને કારણે, આ યોજના પહેલા કરતા વધુ આકર્ષક બની છે. આ સ્કીમમાં તમે તમારા માતા-પિતાના નામે બે અલગ-અલગ ખાતા ખોલાવીને દર મહિને 40,100 રૂપિયાનું ઘર મેળવવાની વ્યવસ્થા કરી શકો છો. આ સ્કીમ પર 8.02 ટકા વાર્ષિક વ્યાજ છે. આ યોજના માટે, સામાન્ય કેસમાં 60 વર્ષની ઉંમર પૂર્ણ થવી જોઈએ.

સિનિયર સિટિઝન્સ સેવિંગ્સ સ્કીમ (SCSS)માં હવે ડિપોઝિટની મહત્તમ મર્યાદા વધી છે. બજેટ 2023 ની જાહેરાત અનુસાર, 1 એપ્રિલ, 2023 થી, આ યોજનામાં 15 લાખ રૂપિયાની જગ્યાએ વધુમાં વધુ 30 લાખ રૂપિયા જમા કરાવી શકાશે. વરિષ્ઠ નાગરિક બચત યોજનામાં આ સુવિધા છે કે જો તમે પતિ-પત્ની છો, તો એક સંયુક્ત ખાતા સિવાય, તમે 2 સંયુક્ત ખાતા પણ ખોલી શકો છો. બીજી બાજુ, જો બંને પાત્ર છે, તો બે અલગ ખાતા પણ ખોલી શકાય છે. આ કિસ્સામાં, 2 અલગ-અલગ ખાતાઓમાં વધુમાં વધુ 60 લાખ રૂપિયા (એક ખાતામાં 30 લાખ રૂપિયા) જમા કરાવી શકાય છે. 5 વર્ષની પાકતી મુદત પછી તમે આ એકાઉન્ટને બીજા 3 વર્ષ માટે વધારી શકો છો.

સિંગલ એકાઉન્ટ પર કેટલી રકમ

મહત્તમ થાપણ: રૂ. 30 લાખ

વ્યાજ દર: વાર્ષિક 8.02 ટકા

પરિપક્વતા અવધિ: 5 વર્ષ

માસિક વ્યાજઃ રૂ. 20,050

ત્રિમાસિક વ્યાજ: રૂ. 60,150

વાર્ષિક વ્યાજઃ રૂ. 2,40,600

5 વર્ષમાં કુલ વ્યાજ: 12,03,000

કુલ વળતર: રૂ 42,03,000 લાખ (30,00,000 + 12,03,000)

2 જુદા જુદા ખાતામાં કેટલી રકમ

મહત્તમ થાપણ: રૂ. 60 લાખ

વ્યાજ દર: વાર્ષિક 8.02 ટકા

પરિપક્વતા અવધિ: 5 વર્ષ

માસિક વ્યાજઃ રૂ. 40,100

ત્રિમાસિક વ્યાજ: રૂ. 1,20,300

વાર્ષિક વ્યાજઃ રૂ 4,81,200

5 વર્ષમાં કુલ વ્યાજ: 24,06,000

કુલ વળતર: રૂ 84,06,000 લાખ (60,00,000 + 24,06,000)

આ યોજનાની વિશેષતાઓ અને લાભો

SCSS ની મેચ્યોરિટી 5 વર્ષ છે, જ્યારે એકાઉન્ટની મેચ્યોરિટી પર તેને 3 વર્ષ માટે વધારી શકાય છે.

તેમાં કોઈ ક્રેડિટ જોખમ સામેલ નથી.

SCSSમાં રોકાણ કરવાથી આવકવેરા કાયદાની કલમ 80C હેઠળ રૂ. 1.50 લાખ સુધીના રોકાણ પર કર મુક્તિ મળી શકે છે.

તેનો વ્યાજ દર 8.2 ટકા છે, જે FD કરતાં વધુ સારો છે.

SCSS માં રોકાણ કરવાની પ્રક્રિયા ખૂબ જ સરળ છે. તમે ભારતમાં કોઈપણ અધિકૃત બેંક અથવા કોઈપણ પોસ્ટ ઓફિસમાં SCSS ખાતું ખોલી શકો છો.

આ અંતર્ગત વ્યાજની રકમ ત્રિમાસિક ધોરણે ચૂકવવામાં આવે છે.

આ યોજના ખાસ કરીને નિવૃત્તિને ધ્યાનમાં રાખીને ચલાવવામાં આવી રહી છે, જેના દ્વારા નિવૃત્તિ પછી તમારી સંચિત મૂડી પર વધુ સારું વળતર મેળવી શકાય છે.