Stock Market Today: વૈશ્વિક બજારના પગલે ભારતીય સ્ટોક માર્કેટમાં સપાટ શરૂઆત, સેન્સેક્સ ત્રણ પોઈન્ટ ડાઉન, નિફ્ટી 18700 ને પાર
શુક્રવારે US S&P 500 ખૂબ જ મામૂલી ઘટાડા (4.87 પોઈન્ટ) સાથે 4071 ના સ્તર પર બંધ થયો.
Stock Market Today: આજે ભારતીય બજારમાં સપાટ શરૂઆત થઈ છે. શુક્રવારે વૈશ્વિક બજારોનો ટ્રેન્ડ મિશ્ર રહ્યો હતો.
આજે બીએસઈનો સેન્સેક્સ શુક્રવારના 62868.5ની સામે 3.22 પોઈન્ટ ઘટીને 62865.28 પર ખુલ્યો હતો જ્યારે નિફ્ટી શુક્રવારના 18696.1ની સામે 23.45 પોઈન્ટ વધીને 18719.55 પર ખુલ્યો હતો.
આજના કારોબારમાં કેટલાક મોટા સેક્ટર પર દબાણ જોવા મળી રહ્યું છે. નિફ્ટી પર ઓટો, ફાઇનાન્શિયલ, એફએમસીજી અને આઇટી ઇન્ડેક્સ લાલ નિશાનમાં છે. જ્યારે બેંક, મેટલ, ફાર્મા અને રિયલ્ટી ઈન્ડેક્સ લીલા નિશાનમાં દેખાઈ રહ્યા છે.
હેવીવેઇટ શેરોમાં વેચવાલી છે. સેન્સેક્સ 30ના 18 શેરો લાલ નિશાનમાં છે. આજના ટોપ ગેનર્સમાં TATASTEEL, ITC, WIPRO, INDUSINDBK, SBI, ICICIBANKનો સમાવેશ થાય છે. જ્યારે ટોપ લૂઝર્સમાં HUL, HDFC, TCS, RIL, Asianpaint, AXISBANKનો સમાવેશ થાય છે.
ગયા સપ્તાહના છેલ્લા ટ્રેડિંગ દિવસે એટલે કે શુક્રવારે સેન્સેક્સમાં 416 પોઈન્ટનો ઘટાડો થયો હતો અને તે 62,868ના સ્તરે બંધ થયો હતો.
અમેરિકન અને યુરોપિયન બજારો
શુક્રવારે US S&P 500 ખૂબ જ મામૂલી ઘટાડા (4.87 પોઈન્ટ) સાથે 4071 ના સ્તર પર બંધ થયો. તે જ સમયે, ડાઉ જોન્સ 34.87 પોઈન્ટના ઉછાળા સાથે 34429 પર બંધ થયો હતો. Nasdaq લગભગ 21 પોઈન્ટના ઘટાડા સાથે 11461 પર ટ્રેડિંગ બંધ કરી દીધું હતું. યુરોપિયન બજારની વાત કરીએ તો જર્મનીનો DAX 39 અંકના વધારા સાથે 14529 ના સ્તર પર બંધ થયો છે. બીજી તરફ યુકેના FTSE પર 2.26 પોઈન્ટનો ખૂબ જ નજીવો ઘટાડો જોવા મળ્યો હતો.
એશિયન બજાર
SGX નિફ્ટીએ સ્થિર શરૂઆત કરી અને હાલમાં તે 34 પોઈન્ટના વધારા સાથે 18858ની નજીક ટ્રેડ કરી રહ્યો છે. જાપાનનો NIKKEI 225 પણ 25 અંકના વધારા સાથે 27803 ના સ્તર પર કારોબાર કરી રહ્યો છે. શાંઘાઈ કમ્પોઝિટ, તાઈવાન વેઈટેડ અને સ્ટ્રેટ્સ ટાઈમ્સ તેજીમાં છે. કોસ્પીમાં 8.56 પોઈન્ટનો ઘટાડો છે અને તે 2425 પર ટ્રેડ કરી રહ્યો છે.
વિદેશી રોકાણકારોએ ખરીદી કરી હતી
તમને જણાવી દઈએ કે 2 ડિસેમ્બરે FIIએ રૂ. 214 કરોડની ખરીદી કરી હતી અને સ્થાનિક સંસ્થાકીય રોકાણકારોએ રૂ. 712 કરોડની ખરીદી કરી હતી. જો આજે પણ વિદેશી રોકાણકારોની ખરીદી ચાલુ રહેશે તો બજારમાં તેજી જોવા મળી શકે છે.
ટ્રેન્ડિંગ સમાચાર
ટોપ સ્ટોરી
