Stock Market Today: વૈશ્વિક બજારના પગલે ભારતીય સ્ટોક માર્કેટમાં ‘Black Monday’, સેન્સેક્સ 1400 પોઈન્ટ ડાઉન, નિફ્ટી 15800 નીચે

શુક્રવારે ડાઉ 880 પોઈન્ટ અથવા 2.7 ટકા ઘટ્યો હતો. S&P 500 ઇન્ડેક્સ 2.9 ટકા અને નાસ્ડેક 3.5 ટકા ડાઉન હતો.

પ્રતિકાત્મક તસવીર

Stock Market Today: સપ્તાહના પ્રથમ ટ્રેડિંગ દિવસે ભારતીય શેરબજારમાં મોટા ઘટાડા સાથે ટ્રેડિંગ શરૂ થયું છે. અમેરિકન અને એશિયન શેરોમાં ઘટાડાને કારણે સપ્તાહના છેલ્લા ટ્રેડિંગ સેશનમાં ભારતીય શેરબજારમાં ઘટાડા સાથે ટ્રેડિંગ શરૂ થયું છે. સેન્સેક્સ 53,000 પોઈન્ટની નીચે સરકી ગયો છે. મુંબઈ સ્ટોક એક્સચેન્જનો ઈન્ડેક્સ સેન્સેક્સ 1356 અને નિફ્ટી 373 પોઈન્ટના ઘટાડા સાથે કારોબાર કરી રહ્યો છે.

શુક્રવારે ડાઉ 880 પોઈન્ટ અથવા 2.7 ટકા ઘટ્યો હતો. S&P 500 ઇન્ડેક્સ 2.9 ટકા અને નાસ્ડેક 3.5 ટકા ડાઉન હતો. છેલ્લા સંપૂર્ણ સપ્તાહની વાત કરીએ તો, ડાઉ અને એસએન્ડપી 500 4.6 ટકા અને 5.1 ટકા ડાઉન હતા. જ્યારે નાસ્ડેકમાં 5.6 ટકાની નબળાઈ હતી. શુક્રવારે ફુગાવાના આંકડાએ યુએસમાં મૂડ બગાડ્યો હતો. રોકાણકારોએ આર્થિક મંદીના ડરથી વેચાણ કર્યું હતું. યુએસ કન્ઝ્યુમર પ્રાઇસ ઇન્ડેક્સ ગયા મહિને વાર્ષિક ધોરણે 8.6 ટકા વધ્યો હતો. ડિસેમ્બર 1981 પછી ફુગાવામાં આ સૌથી મોટો વધારો છે.

બ્રેન્ટ ક્રૂડ પ્રતિ બેરલ 120 ડોલરની નજીક છે, જ્યારે અમેરિકન ક્રૂડ પણ પ્રતિ બેરલ 118 ડોલર પર છે. યુએસમાં 10-વર્ષના બોન્ડની ઉપજ 3.199 ટકા છે. એશિયન બજારોની વાત કરીએ તો, SGX નિફ્ટી લગભગ 2 ટકા અને નિક્કી 225 2.64 ટકાની નબળાઈ દર્શાવે છે. સ્ટ્રેટ ટાઇમ્સ 0.95 ટકા અને હેંગ સેંગ 2.68 ટકા ડાઉન છે. તાઈવાન વેઈટેડ 2.36 ટકા, કોસ્પીમાં પણ 2.77 ટકા અને શાંઘાઈ કમ્પોઝિટ 1.05 ટકા નબળો પડ્યો છે.

સેક્ટોરલ ઇન્ડેક્સની સ્થિતિ

આજે તમામ સેક્ટોરલ ઇન્ડેક્સ લાલ નિશાનમાં કારોબાર કરી રહ્યા છે. બેન્કિંગ, ઓટો, આઈટી, એફએમસીજી, મેટલ, એનર્જી સેક્ટરના શેરોમાં ઘટાડો નોંધાયો હતો. આઈટી શેરોમાં ઓલરાઉન્ડ વેચવાલી જોવા મળી રહી છે. સેન્સેક્સના 30 શેરોની વાત કરીએ તો તમામ 30 શેરો લાલ નિશાનમાં ટ્રેડ થઈ રહ્યા છે. બીજી તરફ, નિફ્ટીના 50માંથી 49 શેરો લાલ નિશાનમાં ટ્રેડ થઈ રહ્યા છે જ્યારે માત્ર એક જ લીલો નિશાનીમાં ટ્રેડ થઈ રહ્યો છે.

આજના ટોપ લુઝર્સ

ઘટતા શેરો પર નજર કરીએ તો, બજાજ ફિનસર્વ 4.74 ટકા, બજાજ ફાઇનાન્સ 4.42 ટકા, ICICI બેન્ક 3.82 ટકા, લાર્સન 3,74 ટકા, SBI 3.72 ટકા, HDFC 3.37 ટકા, કોટક મહિન્દ્રા 3.72 ટકા, ટેક મહિન્દ્રા 3.26 ટકા, ઇન્ફોસિસ 3.11 ટકાના ઘટાડા સાથે કારોબાર કરી રહ્યા છે. 

રૂપિયામાં રેકોર્ડ ઘટાડો, ડોલર સામે પ્રથમ વખત રૂપિયો ગગડીને 78.26 ના સ્તરે આવ્યો

Rupee at All time Low: ડોલર સામે રૂપિયામાં રેકોર્ડ ઘટાડો નોંધાયો છે. પ્રથમ વખત ડોલર સામે રૂપિયો 78 રૂપિયાની નીચે ગયો છે. રૂપિયો 34 પૈસા ઘટીને 78.18 રૂપિયા પર પહોંચી ગયો છે. વાસ્તવમાં, વિદેશી રોકાણકારોની વેચવાલી અને યુએસમાં ફુગાવાના આંકડામાં વધારાને કારણે ડોલર સામે રૂપિયામાં આટલો મોટો ઘટાડો થયો છે.

ડોલર સામે રૂપિયો તૂટ્યો

આંતરરાષ્ટ્રીય બજારમાં ક્રૂડ તેલની કિંમતોમાં વધારો અને શેરબજારોમાં વિદેશી રોકાણકારો દ્વારા સતત વેચાણને કારણે રૂપિયામાં આ ઘટાડો જોવા મળી રહ્યો છે. ખાસ કરીને રશિયા અને યુક્રેન વચ્ચેના યુદ્ધ બાદ ડોલર સામે રૂપિયો સતત નબળો પડી રહ્યો છે. વૈશ્વિક અસ્થિરતાને કારણે વિદેશી રોકાણકારોએ તેમનું રોકાણ પાછું ખેંચી લીધું હોવાથી ડોલર સામે રૂપિયો તેની સર્વકાલીન નીચી સપાટી રૂ. 78.26 પર આવી ગયો છે. તમને જણાવી દઈએ કે 23 ફેબ્રુઆરી 2022ના રોજ યુદ્ધ શરૂ થયું તે પહેલા ડોલરની સરખામણીમાં રૂપિયો 74.62 રૂપિયા પર હતો જે 10 જૂન 2022ના રોજ ઘટીને 77.82 રૂપિયા થઈ ગયો છે. રૂપિયાના ઘટાડાને રોકવા માટે આરબીઆઈએ ઘણા નવા પગલા લીધા છે.