Supriya Lifescience IPO: આજે ખૂલ્યો સુપ્રિયા લાઇફસાયન્સનો આઈપીએ, જાણો કેટલું છે ગ્રે માર્કેટ પ્રીમિયમ

Supriya Lifescience IPO: IPO માટે પ્રાઇસ બેન્ડ 265-274 રૂપિયા નક્કી કરવામાં આવી છે. દરેક શેરની ફેસ વેલ્યુ 2 રૂપિયા હશે. કંપની આ IPO દ્વારા 700 કરોડ રૂપિયા એકત્ર કરવાની તૈયારી કરી રહી છે.

ફાઈલ તસવીર

Supriya Lifescience IPO:  ફાર્માસ્યુટિકલ સેક્ટરની કંપની, સુપ્રિયા લાઇફસાયન્સ લિમિટેડનો IPO આજે ખૂલ્યો છે અને તમે 20મી ડિસેમ્બર સુધી સબ્સ્ક્રાઇબ કરી શકો છો.  તે દેશમાં સક્રિય ફાર્માસ્યુટિકલ ઘટકો (APIs) ના અગ્રણી ઉત્પાદકો અને સપ્લાયર્સ પૈકી એક છે. API નો ઉપયોગ દવાઓ બનાવવા માટે થાય છે.

Supriya Lifescience ની ખાસ વાતો

• IPO માટે પ્રાઇસ બેન્ડ 265-274 રૂપિયા નક્કી કરવામાં આવી છે. દરેક શેરની ફેસ વેલ્યુ 2 રૂપિયા હશે. કંપની આ IPO દ્વારા 700 કરોડ રૂપિયા એકત્ર કરવાની તૈયારી કરી રહી છે. તેમાંથી રૂ. 200 કરોડનો નવો ઈશ્યુ સામેલ છે. એટલે કે IPOમાંથી મળેલી આ રકમ કંપનીને જશે. જ્યારે 500 કરોડની ઓફર-ફોર-સેલ (OFS) હશે. જે હેઠળ કંપનીના પ્રમોટર સતીશ વામન વાળા તેમનો હિસ્સો વેચશે.
• લગભગ 75 ટકા IPO લાયક સંસ્થાકીય રોકાણકારો (QIBs) માટે આરક્ષિત રહેશે, જ્યારે 10 ટકા રિટેલ રોકાણકારો માટે આરક્ષિત રહેશે. બાકીના 15% નોન-ક્વોલિફાઇડ રોકાણકારો માટે છે. હાલમાં, પ્રમોટર અને પ્રમોટર જૂથ કંપનીમાં 99.98 ટકા હિસ્સો ધરાવે છે. IPO પછી તે ઘટીને 67.59 ટકા થઈ જશે.
• IPOની આવકમાંથી રૂ. 923 કરોડનો ઉપયોગ કાર્યકારી મૂડીની જરૂરિયાતોને પહોંચી વળવા માટે, રૂ. 60 કરોડ દેવું ચૂકવવા માટે અને બાકીનો સામાન્ય કોર્પોરેટ ઉદ્દેશ્યોને પૂરો કરવા માટે ઉપયોગમાં લેવાશે.
• IPO માટે ઓછામાં ઓછા 54 લોટની બિડ કરી શકાય છે. 274 રૂપિયાના અપર પ્રાઇસ બેન્ડ મુજબ, લોટમાં રોકાણ કરવા માટે 14,796 રૂપિયાનું રોકાણ કરવું પડશે. વધુમાં વધુ 13 લોટની બોલી લગાવી શકાય છે. આ માટે 1,92,348 રૂપિયાનું રોકાણ કરવું પડશે.
• બજારના નિષ્ણાતોના મતે, સુપ્રિયા લાઇફફોર્સના શેર હાલમાં ગ્રે માર્કેટમાં રૂ. 250 અથવા 91%ના પ્રીમિયમ પર ટ્રેડ થઈ રહ્યા છે. આ દર્શાવે છે કે ઘણા રોકાણકારો આ IPOમાં રસ લઈ રહ્યા છે.
• કંપનીના શેરની ફાળવણી 23 ડિસેમ્બરે થઈ શકે છે. સુપ્રિયા લાઇફ સાયન્સના શેર 28 ડિસેમ્બરે BSE અને NSE પર લિસ્ટ થઈ શકે છે. ICICI સિક્યોરિટીઝ અને એક્સિસ કેપિટલ આ IPOના  લીડ મેનેજર્સ છે.

આ પણ વાંચોઃ University Grants Commission: આ વિદ્યાર્થીનીઓને મળી શકશે મેટરનિટી લીવ, યુજીસીએ આપ્યો આદેશ