2000 Note Exchange Rules: તમારી પાસે છે હજુ પણ 2,000 રુપિયાની નોટ, હવે આ રીતે બદલો નોટ 

ભારતીય રિઝર્વ બેંકે 18 મેના રોજ પ્રેસ કોન્ફરન્સમાં માહિતી આપી હતી કે 2000 રૂપિયાની નોટ ચલણમાંથી બહાર કરી દેવામાં આવી છે. લોકો પાસે નોટો બદલવા માટે 7 ઓક્ટોબર 2023 સુધીનો સમય હતો.

તસવીર-સોશિયલ મીડિયા

Rupees 2000 Note:  ભારતીય રિઝર્વ બેંક દ્વારા 18 મેના રોજ પત્રકાર પરિષદ કરીને  માહિતી આપવામાં આવી હતી કે 2000 રૂપિયાની નોટ ચલણમાંથી બહાર કરી દેવામાં આવી છે.   લોકો પાસે બે હજાર રુપિયાની નોટો બદલવા માટે 7 ઓક્ટોબર 2023 સુધીનો સમય આપવામાં આવ્યો હતો. જો કોઈ વ્યક્તિ પાસે હજુ પણ 2000 રૂપિયાની નોટ હોય તો તે તેને સરળતાથી બદલી શકે છે. RBIએ નોટ એક્સચેન્જને લઈને એક અપડેટ આપ્યું છે કે 2,000 રૂપિયાની નોટ પોસ્ટ ઓફિસ દ્વારા પણ બદલી શકાય છે. RBIએ તેના FAQમાં કહ્યું હતું કે લોકો RBIની 19 ઓફિસમાં પોસ્ટ દ્વારા પણ નોટ મોકલી શકે છે.

2000 રૂપિયાની નોટ કેવી રીતે બદલવી 

જો તમે રૂ. 2,000ની નોટ બદલવા માંગો છો, તો તમારે એક અરજી ફોર્મ ભરવું પડશે. આ ફોર્મ તમને ઓનલાઈન મળશે. આ પછી, આ ફોર્મની સાથે તમારે 2,000 રૂપિયાની નોટ પોસ્ટ દ્વારા RBI ઓફિસમાં મોકલવાની રહેશે. 2000 રૂપિયાની નોટને ચલણમાંથી બહાર કાઢવામાં આવે તે પહેલા 2016માં 500 અને 1000 રૂપિયાની નોટોને બંધ કરવાનો નિર્ણય લેવામાં આવ્યો હતો.

આરબીઆઈએ કહ્યું હતું કે 97 ટકાથી વધુ નોટો તેમને પરત કરવામાં આવી છે. જ્યારે કોઈ વ્યક્તિ પોસ્ટ દ્વારા 2,000 રૂપિયાની નોટ મોકલે છે, તો તે માત્ર 20,000 રૂપિયાની મર્યાદા સુધીની જ નોટ મોકલી શકે છે. આ સિવાય લોકો RBIની પ્રાદેશિક ઓફિસમાં જઈને સરળતાથી નોટો બદલી શકે છે.

RBI પ્રાદેશિક કચેરીઓની યાદી 

RBIની દેશમાં 19 પ્રાદેશિક કચેરીઓ છે. તે અમદાવાદ, બેંગ્લોર, બેલાપુર, ભોપાલ, ભુવનેશ્વર, ચંદીગઢ, ચેન્નાઈ, ગુવાહાટી, હૈદરાબાદ, જયપુર, જમ્મુ, કાનપુર, લખનૌ, કોલકાતા, મુંબઈ, નાગપુર, નવી દિલ્હી, પટના અને તિરુવનંતપુરમમાં છે. 

આ નોટોને સર્ક્યુલેશનમાંથી પાછી ખેંચતી વખતે, આરબીઆઈએ 30 સપ્ટેમ્બર સુધી તેને એક્સચેન્જ કરવાનો અથવા બેંક ખાતામાં જમા કરવાનો વિકલ્પ આપ્યો હતો. બાદમાં સમયમર્યાદા 7 ઓક્ટોબર સુધી લંબાવવામાં આવી હતી. 

લોકો હજુ પણ 2,000 રૂપિયાની નોટ બદલવા માટે આરબીઆઈની પ્રાદેશિક કચેરીમાં લાઇનોમાં ઉભા છે. આરબીઆઈના FAQ મુજબ, વ્યક્તિ પોસ્ટ ઓફિસની સુવિધા સાથે રિઝર્વ બેંકની 19 ઓફિસમાં એક સમયે 20,000 રૂપિયાની મર્યાદા સુધીની નોટો બદલી શકે છે. નવેમ્બર 2016માં ડિમોનેટાઈઝેશન સમયે આ નોટ પહેલીવાર જારી કરવામાં આવી હતી.  

Join Our Official Telegram Channel:
https://t.me/abpasmitaofficial