Gujarat Assembly Live: વિધાનસભા અધ્યક્ષ તરીકે શંકર ચૌધરીએ ભર્યુ ફોર્મ, ભુપેન્દ્ર પટેલ, સી.આર.પાટીલ રહ્યા ઉપસ્થિત
Gujarat Assembly : ગાંધીનગર ગુજરાત વિધાનસભા ખાતે તમામ ધારાસભ્યો શપથ ગ્રહણ કરશે.
Background
15મી ગુજરાત વિધાનસભામાં નવા મંત્રીઓએ ચાર્જ સાંભળી લીધો છે અને તેમણે કામગીરી શરુ કરી દીધી છે. આજે ગાંધીનગર ગુજરાત વિધાનસભા ખાતે તમામ ધારાસભ્યો શપથ ગ્રહણ કરશે. હાલમાં વિધાનસભાના પ્રોટેમ સ્પીકર તરીકે વડોદરાના માંજલપુરના ધારાસભ્ય યોગેશ પટેલ તમામ ધારાસભ્યોને શપથ અપાવશે. બપોરે 12:00 વાગ્યે સૌ પ્રથમ મુખ્ય પ્રધાન ભુપેન્દ્ર પટેલને શપથ અપાવશે. ત્યારબાદ અધ્યક્ષ રહી ચૂકેલા રમણભાઈ વોરા અને પછી ગણપત વસાવાને શપથ અપાવશે. આવતી કાલે વિધાનસભાનું એક દિવસીય સત્ર મળશે. આ સત્રનું સંબોધન રાજ્યપાલ આચાર્ય દેવવ્રત દ્વારા કરવામાં આવશે.
ભુપેન્દ્ર પટેલ અને કેબીનેટ તેમજ રાજ્યકક્ષાના મંત્રીઓએ ગાંધીનગર ખાતે શપથ લીધા હતા. ગુજરાતમાં ભુપેન્દ્ર પટેલ સતત બીજી વખત સીએમ બન્યા છે. શપથ બાદ પ્રથમ કેબિનેટની બેઠક મળી હતી અને મંત્રીઓને તેમના ખાતાની ફાળવણી કરાઈ હતી. મુખ્યમંત્રી ભૂપેન્દ્ર પટેલ સ્વર્ણિમ સંકુલમાં મંત્રીઓને પણ મળ્યા હતાં. મુખ્યમંત્રી ઉપરાંત મંત્રીમંડળમાં સામેલ અન્ય મંત્રીઓ પણ પોતાનો ચાર્જ લઈ લીધો હતો.
કોણે સંસ્કૃતમાં લીધા શપથ
- પૂર્વ અધ્યક્ષ રમણ વોરા અને ગણપત વસાવા એ ધારાસભ્ય તરીકેના પ્રથમ શપથ લીધા
- રાજકોટના ધારાસભ્ય ડો.દર્શિતાબેન શાહે સંસ્કૃત ભાષામાં ધારાસભ્ય પદના શપથ લીધા
- મુખ્યમંત્રી અને મંત્રીમંડળના સભ્યોએ ધારાસભ્ય પદના શપથ લીધા
- અન્ય ધારાસભ્યો એક બાદ એક લઈ રહ્યા છે ધારાસભ્ય પદના શપથ
- રાજકોટના ધારાસભ્ય ડો.દર્શિતાબેન શાહે સંસ્કૃત ભાષામાં ધારાસભ્ય પદના શપથ લીધા
- મંત્રીમંડળના સભ્યોના ધારાસભ્ય પદ ના શપથ બાદ મહિલા ધારાસભ્યોએ ધારાસભ્ય પદના લીધા શપથ
- નાંદોદના મહિલા ધારાસભ્ય દર્શનાબેન દેશમુખે સંસ્કૃતમાં લીધા ધારાસભ્ય પદના શપથ
ધારાસભ્યોના એસબીઆઈમાં ખોલવામાં આવશે બેંક એકાઉન્ટ
શપથ લેતા જ ધારાસભ્યોના પગાર ભથ્થાઓ શરૂ થશે. ધારાસભ્યોના પગાર ભથ્થાઓના બેન્ક એકાઉન્ટ ખોલવા માટેની વિધાનસભા પરિસરમાં વ્યવસ્થા કરવામાં આવી છે. વિધાનસભા ખાતે એસબીઆઈના અધિકારીઓએ ધારાસભ્યોના બેંક ખાતાઓ ખોલવા કેમ્પ કર્યો છે. જેમાં તમામ ધારાસભ્યોના બેંક એકાઉન્ટ આજે ખોલવામાં આવશે. ઉપરાંત તમામ ધારાસભ્યોના આઈકાર્ડ પણ આજે ઇસ્યુ થશે.
ટોપ સ્ટોરી
ટ્રેન્ડિંગ સમાચાર
