Lok Sabha Election: ભાજપની 'નૉ રિપીટ થિયરી' અડધે અટકી, 12 સાંસદો રિપીટ, 14ના જ પત્તા કપાયા, જુઓ સંપૂર્ણ લિસ્ટ

ભાજપે ગઇકાલે પોતાની પાંચમી યાદી જાહેર કરી દીધી છે. આ યાદીની સાથે જ ગુજરાતની તમામ 26 બેઠકો માટેના ઉમેદવારોના નામે આવી ગયા છે

(તસવીર- એબીપી અસ્મિતા ન્યૂઝ)

Lok Sabha Election: ભાજપે ગઇકાલે પોતાની પાંચમી યાદી જાહેર કરી દીધી છે. આ યાદીની સાથે જ ગુજરાતની તમામ 26 બેઠકો માટેના ઉમેદવારોના નામે આવી ગયા છે. છેલ્લા કેટલાક સમયથી ભાજપ 'નૉ રિપીટ થિયરી' પર કામ કરી રહ્યું છે, 'નૉ રિપીટ થિયરી' ની વાતો વચ્ચે ભાજપે આ વખતે માત્ર 14 સાંસદોને જ બદલ્યા છે. બાકીના 12 સાંસદોને રિપીટ કર્યા છે. ભાજપે વર્ષ 2019ની લોકસભા ચૂંટણીમાં ગુજરાતની તમામ 26 બેઠકો પર ભગવો લહેરાવ્યો હતો, પરંતુ આ વખતે પાર્ટીને 14 સાંસદોના પત્તા કાપવા પડ્યા છે, તેમની જગ્યાએ નવા ચહેરાઓને તક આપવામાં આવી છે અને 12 સાંસદોને રિપીટ કર્યા છે. 

2024માં ભાજપની ચાર મહિલાને ટિકિટ - 
વર્ષ 2019ની સરખામણીમાં ભાજપે ગુજરાતમાં આ વખતે પુરજોશમાં કામ શરૂ કર્યુ છે અને મોટાભાગની બેઠકો પર ઉમેદવારોને બદલ્યા છે. આ વખતે ભાજપે ચાર મહિલા ઉમેદવારોને મેદાનમાં ઉતાર્યા છે. જેમાં જામનગર બેઠક પરથી પૂનમ માડમ, ભાવનગર લોકસભા બેઠક પરથી નિમુબેન, બનાસકાંઠાથી રેખાબેન ચૌધરી અને સાબરકાંઠા બેઠક પરથી શોભનાબેન બારૈયાને ટિકીટ આપી છે. 

2024 લોકસભા ચૂંટણીમાં ભાજપના 12 સાંસદ રિપીટ, 14ના પત્તા કપાયા, જુઓ સંપૂર્ણ લિસ્ટ - 

	2024 લોકસભામા ભાજપના ઉમેદવાર
બેઠક	2019માં સાંસદ	2024માં ઉમેદવાર	રિપીટ કે પત્તુ કપાયું
ગાંધીનગર	અમિત શાહ	અમિત શાહ	રિપીટ
નવસારી	સી આર પાટીલ	સી આર પાટીલ	રિપીટ
ખેડા	દેવુસિંહ ચૌહાણ	દેવુસિંહ ચૌહાણ	રિપીટ
કચ્છ	વિનોદ ચાવડા	વિનોદ ચાવડા	રિપીટ
જુનાગઢ	રાજેશ ચૂડાસમા	રાજેશ ચૂડાસમા	રિપીટ
પાટણ	ભરતસિંહ ડાભી	ભરતસિંહ ડાભી	રિપીટ
દાહોદ	જસવંતસિંહ ભાભોર	જસવંતસિંહ ભાભોર	રિપીટ
ભરુચ	મનસુખ વસાવા	મનસુખ વસાવા	રિપીટ
બારડોલી	પ્રભુ વસાવા	પ્રભુ વસાવા	રિપીટ
અમદાવાદ પૂર્વ	હસમુખ પટેલ	હસમુખ પટેલ	રિપીટ
આણંદ	મિતેષ પટેલ	મિતેષ પટેલ	રિપીટ
જામનગર	પૂનમ માડમ	પૂનમ માડમ	રિપીટ
વલસાડ	કે.સી.પટેલ	ધવલ પટેલ	પત્તુ કપાયું
સુરત	દર્શના જરદોશ	મુકેશ દલાલ	પત્તુ કપાયું
અમદાવાદ પશ્ચિમ	ડૉ. કિરીટ સોલંકી	દિનેશ મકવાણા	પત્તુ કપાયું
સુરેન્દ્રનગર	ડો.મહેન્દ્ર મુંજપરા	ચંદુભાઇ શિહોરા	પત્તુ કપાયું
ભાવનગર	ભારતીબેન શિયાળ	નિમુબેન બાંભણીયા	પત્તુ કપાયું
બનાસકાંઠા	પરબત પટેલ	ડૉ.રેખાબેન ચૌધરી	પત્તુ કપાયું
અમરેલી	ભરત સુતરિયા	નારણ કાછડિયા	પત્તુ કપાયું
રાજકોટ	મોહન કુંડારિયા	પુરુષોત્તમ રુપાલા	પત્તુ કપાયું
પોરબંદર	રમેશ ધડૂક	મનસુખ માંડવિયા	પત્તુ કપાયું
વડોદરા	રંજન ભટ્ટ	હેમાંગ જોશી	પત્તુ કપાયું
પંચમહાલ	રતનસિંહ રાઠોડ	રાજપાલસિંહ જાદવ	પત્તુ કપાયું
સાબરકાંઠા	દીપસિંહ રાઠોડ	શોભનાબેન બારૈયા	પત્તુ કપાયું
છોટાઉદેપુર	ગીતાબેન રાઠવા	જસુ રાઠવા	પત્તુ કપાયું
મહેસાણા	શારદાબેન પટેલ	હરિભાઇ પટેલ	પત્તુ કપાયું