Price of Mango: કેસરી કેરીના રસિયા માટે સારા સમાચાર, માર્કેટ યાર્ડમાં થયું આગમન, જાણો શું છે કિંમત

કેસર કેરીના રસિયા માટે સારા સમાચાર છે. આ વખતે બજારમાં કેરીનું વહેલાસર આગમન થઇ ચૂક્યું છે. જાણીએ કેસર કેરીના બોક્સની શું છે કિંમત

ગોંડલ માર્કેટ યાર્ડમાં કેસર કેરીનું આગમન

Price of Mango:સૌરાષ્ટ્રના સૌથી મોટા માર્કેટ યાર્ડમાં કેસર કેરીના 200 બોક્સની આવક થઇ ચૂકી છે. જો કે ગત વર્ષ કરતા આ વર્ષે કેરીના ભાવ વધુ છે. હાલ ગોંડલ માર્કેટ યાર્ડમાં ઉના અને તાલાલા  વિસ્તારમાંથી 200 બોક્સ કેરી આવી છે. જો કે કેરીના વેપાર કરતા વેપારીનું કહેવું છે કે, ગત વર્ષે આ સમયે જે કેરીના ભાવ હતા તેની સરખામણીમાં આ વર્ષે વધુ ભાવ બોલાઇ રહ્યાં છે. માર્કેટ યાર્ડમાં હરાજીમાં હાલ  કેસર કેરીના 10 કિલોના બોક્સના ભાવ રૂપિયા 1900/-થી લઈને 3000/-સુધીના બોલાયા રહ્યાં છે.  જો કે ગત વર્ષ કરતા આ વર્ષે કેસર કેરીનું વહેલું આગમન થઇ જતાં કેસર કેરીના રસિયાઓને હવે વધુ રાહ નહિ જોવી પડે.

નોંધનિય છે કે, જે રીતે ગુજરાતની કેસર કેરી પ્રખ્યાત છે તેવી જ રીતે  મહારાષ્ટ્રમાં રત્નાગીરી વખણાય છે. જો કે સુરતમાં થોડા દિવસ પહેલા રત્નાગીરીમા તૈયાર થતી હાફૂસ કેરીનું વેચાણ પણ શરૂ થયું ગયું છે. હાફૂસની કેરીના નંગ મુજબ ભાવની વાત કરીએ તો હાફૂસ કેરીના એક નંગની કિંમત હાલ 120થી 150 સુધીની બોલાઇ રહી છે.ઉલ્લેખનિય છે કે, હાલ હાફૂસ કેસર સિવાય પણ બદામ સહિતની બીજી અન્ય કેરીનું પણ આગમન થઇ ચૂક્યું છે.એપીએમસી દર કેરીની સિઝનમાં દરરોજ સરેરાશ 150 ટન કેરીનું વેચાણ કરે છે.

ગુણોની ખાણ છે કાચી કેરી, ગરમીમાં કાચી કેરીના સેવનના આ છે 7 અદભૂત ફાયદા

ગરમીમાં કાચી અને પાકી કેરીની ભૂરપૂર આવક થાય છે. બંને કેરી ખાવાના અલગ-અલગ ફાયદા છે. કાચી કેરીનું તાજુ અથાણુ, કચુંબર કે, પન્ના દરેક વસ્તુ સ્વાસ્થ્ય માટે ખૂબ જ ફાયદાકારક છે.

• ગરમીમાં કાચી કેરીનો ઉપયોગ માત્ર ભોજનને સ્વાદિષ્ટ બનાવવા માટે નહી પરંતુ સ્વસ્થ રહેવા માટે પણ કરવામાં આવે છે. કાચી કેરીના સેવનથી રક્ત વિકારથી થતી બિમારીના જોખમથી બચી શકાય છે.
• જો આપને એસિડીટિ, ગેસ અને અપચાની સમસ્યા છે તો કાચી કેરીનું સેવન આપના માટે ફાયદાકારક છે. તે કબજિયાત અને પેટના દરેક વિકારને હરવામાં સક્ષમ છે.
• કાચી કેરી ન માત્ર વાળના સ્વાસ્થ્ય માટે ઉત્તમ છે પરંતુ તે કાળા ઘેરા વાળની સાથે સ્કિનને ગ્લોઇંગ કરવામાં પણ કારગર છે. તેના સેવનથી ત્વચા પર કસાવ બની રહે છે.
• ઉલ્ટી, ઉબકા, ગભરામણની સમસ્યામાં કાચી કેરીને મરી પાવડર સાથે ખાવાથી રાહત મળે છે. વોમિટિગ ફિલિંગ જેવી સ્થિતિમાં કાચી કેરીનું મરી સાથે સેવન કરવાથી થોડા સમયમાં જ રાહત મળે છે.
• શુગરની સમસ્યા થતાં તેનો પ્રયોગ શુગર લેવલ કન્ટ્રોલ કરવામાં બેહદ સહાયક છે. તેનો પ્રયોગ કરીને આપ શરીરમાં આયરનની પૂર્તિ સરળતાથી કરી શકો છો.
• કાચી કેરી વિટામિન સીનો પણ સારો સ્ત્રોત છે. જે આપની ઇમ્યુનિટી બૂસ્ટ કરવાની સાથે આપના સૌદર્યનો પણ ખ્યાલ રાખે છે. કાચી કેરીનું સેવન આંખોની રોશની વધારવા માટે પણ ઉપકારક છે.