Mahesana News: સાબરમતી નદીમાં રાજપૂત પરિવારના એક સાથે 3 યુવક ડુબી જતાં મોત, પરિવારમાં માતમ

મહેસાણાના વડનગરના વલાસણાની સાબરમતી નદીમાં 3 યુવક ડુબી જતાં મોત થયા છે, ત્રણેય યુવકના મોતના સમાચારથી પરિવારમાં શોકનું મોજુ ફરી વળ્યું છે.

પ્રતીકાત્મક તસવીર

Mahesana News: મહેસાણાના વડનગરના વલાસણાની સાબરમતી નદીમાં 4 યુવાન ડૂબી જતાં હડકંપ મચી ગઇ હતી. જો કે 4માંથી1 યુવકનું સલામત રીતે રેસ્ક્યુ કરી લેવાતા એક યુવકની  જિંદગી બચી ગઇ છે. જ્યારે અન્ય ત્રણેયના મૃતદેહને વડનગર સિવિલ હોસ્પિટલમાં પોસ્ટમોર્ટમ માટે રવાના કરી દેવાયા છે. ત્રણેય મૃતક યુવાનો વલાસણા ગામના રાજપૂત પરિવારના હોવાનું જાણવા મળ્યું છે. યુવકના મોતના સમાચાર મળતાં પરિવારમાં શોકમગ્ન બન્યો છે. જન્માષ્ટમીના પર્વમાં ખુશીનો દિવસ  માતમમાં ફરેવાઇ ગયો છે.     

તો બીજી તરફ જન્માષ્ટમીના એક દિવસ પહેલા ભાવનગરમાં પરિવારનો કુળ દીપક બુઝાઇ જતાં માતમ પસરાઇ ગયું  માતા-પિતા માટે લાલબત્તી સમાન કિસ્સો ભાવનગર શહેરમાંથી બહાર આવ્યો છે. અહીં સાંજના સમયે ઘર પાસે રમી રહેલ પાંચ વર્ષના બાળક પર લોખંડનો દરવાજો પડતા મોત થયું છે. શહેરના ચિત્રા મહેશ્વરી સોસાયટી ખાતે આ બનાવ બન્યો છે. જેમાં રેનીશ નામનો પાંચ વર્ષનો માસુમ બાળક ઘર પાસે જ રમી રહ્યો હતો એ સમયે દરવાજો બાળક પર પટકાતા દબાઈ જવાથી મોત થયું છે. બાળકના મોતને લઈને પરિવાર પર આભ ફાટી પડ્યું છે.                                                                                                                                                                  

આ પણ વાંચો