ગુજરાતમાં હજુ આ તારીખ સુધી વરસશે ભારે વરસાદ, હવામાન વિભાગે આ જિલ્લામાં આપ્યું ઓરેન્જ એલર્ટ

ગુજરાતમાં છેલ્લા 10 દિવસથી ચાલી રહેલા વરસાદથી કોઈ રાહત નહીં મળે. હવામાન વિભાગે 31 જુલાઈ સુધી રાજ્યમાં ભારે વરસાદની આગાહી કરી છે. IMDના લેટેસ્ટ એલર્ટમાં કહેવામાં આવ્યું છે કે, સૌરાષ્ટ્ર બાદ હવે મધ્ય ગુજરાતના વડોદરા અને અમદાવાદ જિલ્લામાં પણ ભારે વરસાદ પડી શકે છે.

ફાઇલ તસવીર

Source : PTI

Gujarat Rain Forecast:હવામાન વિભાગે 31 જુલાઈ સુધી ગુજરાતમાં હળવાથી ભારે વરસાદની આગાહી કરી છે. સૌરાષ્ટ્ર અને દક્ષિણ ગુજરાત બાદ હવે ઉત્તર અને મધ્ય ગુજરાતના જિલ્લાઓમાં વધુ વરસાદની શક્યતા છે. અમદાવાદમાં વરસાદને લઇને  ઓરેન્જ એલર્ટ પર રાખવામાં આવ્યું છે.

ગુજરાતમાં છેલ્લા 10 દિવસથી ચાલી રહેલા વરસાદથી કોઈ રાહત નહીં મળે. હવામાન વિભાગે 31 જુલાઈ સુધી રાજ્યમાં ભારે વરસાદની આગાહી કરી છે. IMDના લેટેસ્ટ એલર્ટમાં કહેવામાં આવ્યું છે કે, સૌરાષ્ટ્ર બાદ હવે મધ્ય ગુજરાતના વડોદરા અને અમદાવાદ જિલ્લામાં પણ ભારે વરસાદ પડી શકે છે. IMD એ 29 જુલાઈ માટે અમદાવાદ, આણંદ, વડોદરા, છોટા ઉદેપુર અને ભરૂચ માટે ઓરેન્જ એલર્ટ પર આપ્યું છે. આ સાથે બનાસકાંઠા, પાટણ, મહેસાણા, સાબરકાંઠા, ગાંધીનગર, અરવલી, ખેડા, પંચમહાલ, દાહોદ, મહિસાગર, નર્મદા, સુરત, ડાંગ, નવસારી, વલસાડ, તાપી, દમણ, દાદરા નગર હવેલી, સુરેન્દ્રનગર, રાજકોટ, જામનગર, ભાવનગર. મોરબી અને બોટાદ માટે ભારે વરસાદનું યલો એલર્ટ રાખવામાં આવ્યું છે.                                                                      

વડોદરા અને ભરૂચમાં પાણી ભરાયા છે

IMD એ 30 જુલાઈએ નવસારી, વલસાડ અને દમણ, દાદરા નગર હવેલીમાં ભારે વરસાદની યલો એલર્ટ જાહેર કર્યું છે. ગુજરાતના સૌરાષ્ટ્ર અને દક્ષિણ ગુજરાતમાં ભારે વરસાદને કારણે ઘણું નુકસાન થયું છે. વડોદરામાં ભારે વરસાદ બાદ આજવા ડેમ ઓવરફ્લો થતાં નીચાણવાળા વિસ્તારોમાં પાણી ભરાઈ જવાની સમસ્યા સર્જાઈ છે. જેને લઈને ભરૂચના નીચાણવાળા વિસ્તારોમાં હજુ પણ પાણી ભરાયા છે. ગુજરાતમાં ભારે વરસાદને કારણે પોરબંદર, દેવભૂમિ દ્વારકા સહિત જૂનાગઢ અને જામનગર જિલ્લામાં નોંધપાત્ર નુકસાન થયું છે.

ગાંધીનગરના અનેક વિસ્તાર જળમગ્ન

ગુજરાતમાં ભારે વરસાદને કારણે ગાંધીનગરમાં પણ પાણી ભરાઈ જવાની સમસ્યા સર્જાઈ છે. ગાંધીનગરના નીચાણવાળા વિસ્તારોમાં પાણી ભરાયા છે. દહેગામ તાલુકામાં સ્થિતિ સૌથી વધુ વણસી છે. ત્યાં વધુ વરસાદ નોંધાયો છે. હવામાન વિભાગના સવારે 9 વાગ્યાના અપડેટ મુજબ રાજ્યના 119 તાલુકાઓમાં સારો વરસાદ નોંધાયો છે. અમદાવાદના ઓરેન્જ એલર્ટ બાદ સ્થાનિક વહીવટીતંત્ર એલર્ટ થઈ ગયું છે.