Gujarat Rain: આ જિલ્લાઓમાં કાલે તૂટી પડશે ગાજવીજ સાથે વરસાદ, જાણો હવામાનનું લેટેસ્ટ અપડેટ

ગુજરાતમાં સતત વરસાદ વરસી રહ્યો છે. સૌરાષ્ટ્રના અનેક જિલ્લાઓમાં કમોસમી વરસાદ યથાવત છે. રાજ્યના હવામાન વિભાગે પણ વરસાદને લઈ આગાહી કરી છે.

વરસાદની આગાહી

Source : તસવીર ABP અસ્મિતા

અમદાવાદ: ગુજરાતમાં સતત વરસાદ વરસી રહ્યો છે. સૌરાષ્ટ્રના અનેક જિલ્લાઓમાં કમોસમી વરસાદ યથાવત છે. રાજ્યના હવામાન વિભાગે પણ વરસાદને લઈ આગાહી કરી છે. હવામાન વિભાગ મુજબ આવતીકાલે પણ ગુજરાતમાં વરસાદી માહોલ યથાવત રહેવાનો છે.   

આવતીકાલે કાલે દેવભુમિ દ્વારકા,  જામનગર, પોરબંદર, જુનાગઢ, ગીર સોમનાથ, રાજકોટ, મોરબી, અમરેલી,ભાવનગર, બોટાદ અને સુરેન્દ્રનગરમાં ગાજવીજ સાથે હળવાથી મધ્યમ વરસાદની આગાહી કરવામાં આવી છે. 

આ સિવાય દક્ષિણ ગુજરાતની વાત કરવામાં આવે તો અહીં પણ ગાજવીજ સાથે વરસાદની શક્યકા હવામાન વિભાગે વ્યક્ત કરી છે. જેમાં વડોદરા, ભરૂચ, છોટા ઉદેપુર, નર્મદા, સુરત,તાપી, ડાંગ, નવસારી, વલસાડ અને દાદરા નગર હવેલીમાં વરસાદની આગાહી હવામાન વિભાગે કરી છે.

મહારાષ્ટ્રમાં ભારે વરસાદની આગાહી

ગુજરાત પરથી વાવાઝડોનો ખતરો લગભગ ટળી ગયો છે.  વેલમાર્ક લો પ્રેશર સિસ્ટમ આજે ડિપ્રેશનમાં બનશે. દક્ષિણ કોકણ કિનારા પર પૂર્વ મધ્ય અરબી સમુદ્રમાં ડિપ્રેશન કેંદ્રીત થશે. જેના પગલે મહારાષ્ટ્રમાં ભારે પવન સાથે વરસાદનું અનુમાન છે. કોંકણ ગોવા મુંબઇમાં ભારે પવન સાથે વરસાદનું અનુમાન છે.

અંબાલાલ પટેલની આગાહી

અરબી સમુદ્રમાં સંભવિત વાવાઝોડુ હવે ઊભુ થવાની શક્યતા ખૂબ ઓછી હોવાનું હવામાન નિષ્ણાત અંબાલાલ પટેલનું માનવું છે. અંબાલાલ પટેલની આગાહી મુજબ હવે માત્ર દરિયામાં કરંટ જોવા મળશે અને તેની અસર ગુજરાતમાં ભારે વરસાદ સ્વરૂપે જોવા મળશે.  28થી 31 મે દરમિયાન ડીપ ડિપ્રેશન બનવાની શક્યતા હોવાથી દક્ષિણ ગુજરાત, કચ્છ અને સૌરાષ્ટ્રના દરિયા કાંઠાના વિસ્તારમાં ગાજવીજ સાથે ભારે વરસાદ પડશે. અંબાલાલ પટેલ અનુસાર, આ વર્ષે ચોમાસાની શરૂઆત ખૂબ સારી થશે.  ભારે પવનના કારણે બાગાયતી પાકોમાં નુકશાન થવાની શક્યતા છે.

દરિયામાં કરંટ જોવા મળશે અને ઊંચા મોજા ઉછળશે

ભેજવાળા પવનના કારણે દક્ષિણ ગુજરાત, સૌરાષ્ટ્ર-કચ્છમાં ભારે વરસાદ પડી શકે છે. આ સાથે દરિયો પણ તોફાની બનશે. દક્ષિણ ગુજરાત અને સૌરાષ્ટ્રમાં ભારે વરસાદનું અનુમાન છે. આ સમય દરમિયાન દરિયામાં કરંટ જોવા મળશે અને ઊંચા મોજા ઉછળશે જેને કારણે માછીમારોને પણ દરિયો ન ખેડવા સલાહ આપવામાં આવી છે. સતત વરસી રહેલા વરસાદના કારણે ખેડૂતો પણ મુશ્કેલીમાં મુકાયા છે.   ખેડૂતોના પાકને ખૂબ જ મોટાપાયે નુકસાન થયું છે.           

આ પણ વાંચો

Heavy Rain Alert : આ તારીખ સુધી દેશમાં ભારે વરસાદની ચેતવણી, હવામાન વિભાગે આપ્યું રેડ એલર્ટ