કોરોનાની સારવાર માટે ખાનગી હોસ્પિટલ સાથેના કરાર રાજ્ય સરકારે પૂર્ણ કર્યા

કોરોનાની સારવાર માટે ખાનગી હોસ્પિટલ સાથેના કરાર રાજ્ય સરકારે પૂર્ણ કર્યા છે. રાજ્યમાં કોરોના સંક્રમણ નિયંત્રણમાં આવ્યુ છે. હવે દરરોજ સરેરાશ રાજ્યમાં 300 જેટલા જ કેસ નોંધાઈ રહ્યા છે.

ગાંધીનગર: કોરોનાની સારવાર માટે ખાનગી હોસ્પિટલ સાથેના કરાર રાજ્ય સરકારે પૂર્ણ કર્યા છે. રાજ્યમાં કોરોના સંક્રમણ નિયંત્રણમાં આવ્યુ છે. હવે દરરોજ સરેરાશ રાજ્યમાં 300 જેટલા જ કેસ નોંધાઈ રહ્યા છે. ત્યારે કોરોનાના કેસમાં ઘટાડાને લઈને રાજ્ય સરકારે ખાનગી હોસ્પિટલ સાથેના કરાર પૂર્ણ કર્યા છે. આ સાથે જ નીતિન પટેલે દાવો કર્યો કે ગુજરાત કોરોના મુક્ત તરફ જઈ રહ્યુ છે પરંતુ તેમ છતાં સતર્કતા જરુરી છે. ગુજરાતમાં કોરોનાના કેસ અને મૃત્યુઆંકમાં સતત ઘટાડો થઈ રહ્યો છે. શનિવારે રાજ્યમાં 323 નવા કેસ નોંધાયા હતા અને 2 વ્યક્તિના મૃત્યુ થયા હતા. રાજ્યમાં કોરોનાથી રિકવરી રેટ 96.99 ટકા પર પહોંચ્યો છે. રાજ્યમાં કુલ સંક્રમિત કેસની સંખ્યા 2,61,224 પર પહોંચી છે. ગુજરાતનું અર્થતંત્ર ફરી પાટા પર ચઢ્યાનો નાયબમુખ્યમંત્રી નીતિન પટેલે દાવો કર્યો છે. વર્ષ 2020 કોરોના કાળ હોવા છતાં આવકમાં મોટો વધારો થયો છે. જાન્યુઆરી 2020 કરતા જાન્યુઆરી 2021માં આવકમાં 300 કરોડનો વધારો થવાની વાત નીતિન પટેલે કરી છે. આ સાથે જ પેટ્રોલ-ડિઝલનું વેચાણ અને ઔદ્યોગિક વીજ વપરાશમાં પણ વધારો થયો હોવાની વાત નાયબ મુખ્યમંત્રીએ કરી છે.