Earthquake: હોળીના દિવસે જ અમરેલીની ધરા ધ્રુજી, અચાનક ભૂકંપના ઝટકા આવતા લોકોમાં ફફડાટ
Amreli Earthquake: ગુજરાતમાં કચ્છ અને સુરત બાદ હવે અમરેલીમાં પણ ભૂકંપના ઝટકા અનુભવાયા છે
Amreli Earthquake: ગુજરાતની ફરી એકવાર ધરા ધ્રુજી હોવાના અહેવાલ મળ્યા છે. આ વખતે અમરેલી જિલ્લામાં કેટલાક વિસ્તારોમાં સવારના સમયે 3.3ની તીવ્રતાનો ભૂકંપ આવ્યો હોવાનું નોંધાયુ છે. અચાનક જિલ્લામાં ઠેકઠેકાણે ભૂકંપના ઝટકા અનુભવતા લોકો ડરીને ઘરની બહાર જીવ બચાવવા ભાગ્યા હતા. આ ભૂકંપનું કેન્દ્રબિન્દું અમરેલીથી 44 કીમી દુર દક્ષિણ-પશ્ચિમમાં નોંધાયુ હતુ. ભૂકંપથી કોઇ જાનહાનિ કે માલહાનિના સમાચાર નથી.
ગુજરાતમાં કચ્છ અને સુરત બાદ હવે અમરેલીમાં પણ ભૂકંપના ઝટકા અનુભવાયા છે. તાજા માહિતી પ્રમાણે, આજે સવારે 10 વાગે ને 12 મિનિટના સમયે અમરેલીના ગીર પંથકની અચાનક ધરા ધ્રુજી હતી. અમરેલી જિલ્લામાં 3.3ની તીવ્રતાનો ભૂકંપનો આંચકો આવતા લોકોમાં ફફડાટ ફેલાયો હતો. જિલ્લાના ખાંભા પંથકના ગ્રામ્ય વિસ્તારમાં ભૂકંપનો આંચકો અનુભવાયો હતો, અમરેલીથી 44 કિમી દક્ષિણ-પશ્ચિમમાં ભૂકંપનું કેન્દ્રબિંદુ નોંધાયુ હતુ. જોકે, કોઇ જાનહાનિ કે માલહાનિના અહેવાલ નથી મળ્યા.
ભૂકંપની તીવ્રતા શું છે -
રિક્ટર સ્કેલ પર 2.0 થી ઓછી તીવ્રતાવાળા ધરતીકંપોને સૂક્ષ્મ તરીકે વર્ગીકૃત કરવામાં આવે છે અને અનુભવી શકાતા નથી. રિક્ટર સ્કેલ પર સૂક્ષ્મ શ્રેણીના 8,000 ભૂકંપ વિશ્વભરમાં દરરોજ નોંધાય છે. તેવી જ રીતે, 2.0 થી 2.9 ની તીવ્રતાવાળા ધરતીકંપોને માઇનોર કેટેગરીમાં રાખવામાં આવ્યા છે. આવા 1,000 ધરતીકંપો દરરોજ આવે છે, જે આપણે સામાન્ય રીતે અનુભવતા પણ નથી. 3.0 થી 3.9 ની તીવ્રતાના અત્યંત હળવા ધરતીકંપ એક વર્ષમાં 49,000 વખત નોંધાયા છે. તેઓ અનુભવાય છે પરંતુ ભાગ્યે જ કોઈ નુકસાન પહોંચાડે છે. લાઇટ શ્રેણીના ધરતીકંપો 4.0 થી 4.9 તીવ્રતાના હોય છે જે સમગ્ર વિશ્વમાં એક વર્ષમાં લગભગ 6,200 વખત રિક્ટર સ્કેલ પર નોંધાય છે. આ આંચકા અનુભવાય છે અને તેના કારણે ઘરની વસ્તુઓ હલતી જોવા મળે છે. જો કે, તેઓ નજીવું નુકસાન પહોંચાડે છે.
ભૂકંપ આવે ત્યારે બચવા શું કરશો -
ભૂકંપ આવતા જો તમે ઘરમાં છો તો જમીન પર બેસી જાવ.
મજબૂત ટેબલ કે કોઈ ફર્નીચરની નીચે શરણ લો.
ટેબલ ન હોય તો હાથ વડે ચેહરા અને માથાને ઢાંકી લો.
ઘરના કોઈ ખૂણામાં જતા રહો.
કાંચ બારીઓ દરવાજા અને દિવાલથી દૂર રહો.
પથારી પર છો તો સૂઈ રહો. ઓશિકા વડે માથુ ઢાંકી લો.
આસપાસ ભારે ફર્નીચર હોય તો તેનાથી દૂર રહો.
લિફ્ટનો ઉપયોગ કરતા બચો..
પેંડુલમની જેમ હલીને દિવાલ સાથે લિફ્ટ અથડાઈ શકે છે
લાઈટ જવાથી પણ લિફ્ટ રોકાય શકે છે.
નબળી સીઢીઓનો ઉપયોગ ન કરો..
સામાન્ય રીતે બિલ્ડિંગોમાં બનેલ સીઢીયો મજબૂત નથી હોતી.
ઝટકો આવતા સુધી ઘરની અંદર જ રહો
આંચકા આવતા બંધ થાય ત્યારે બહાર નીકળો.
ટોપ સ્ટોરી
ટ્રેન્ડિંગ સમાચાર
