Dahod: દાહોદના દેવગઢબારીયામાં ગરબા રમતા રમતા વ્યક્તિને આવ્યો હાર્ટ અટેક, થયું મોત

દાહોદમાં ગરબા રમતા સમયે હૃદય રોગનો હુમલો આવતા એક વ્યક્તિનું મોત થયું હતું

દેવગઢબારીયામાં ગરબા રમતા સમયે વ્યક્તિને હાર્ટ અટેક આવ્યો હતો

દાહોદમાં ગરબા રમતા સમયે હૃદય રોગનો હુમલો આવતા એક વ્યક્તિનું મોત થયું હતું. મળતી જાણકારી અનુસાર, દાહોદના દેવગઢબારીયામા ગરબા રમતા વ્યક્તિને હૃદય રોગનો હુમલો આવ્યો હતો.ગરબા રમતા રમતા વ્યક્તિ અચાનક ઢળી પડ્યો હતો. ત્યારબાદ તેની આસપાસ ગરબા રમી રહેલા લોકો ગભરાઇ ગયા હતા અને તેને પકડવાનો પ્રયાસ કર્યો હતો. જોકે થોડા સમય બાદ તે મોતને ભેટ્યો હતો. મૃતકનું નામ રમેશ વણઝારા હોવાની જાણકારી મળી રહી છે. મોત થતા પરીવારમા શોકનો માહોલ છે.

રમેશ વણઝારાનું મોત થતાં શુભપ્રસંગ માતમમાં ફેરવાયો હતો. આ સમગ્ર ઘટના કેમેરામાં કેદ થઇ હતી.

Gujarat Election 2022: ડીસામાં કેજરીવાલની સભા પહેલા પોસ્ટર ફાડવામાં આવ્યા

Banaskantha: આમ આદમી પાર્ટીના રાષ્ટ્રીય સંયોજક અરવિંદ કેજરીવાલ હાલ ગુજરાત પ્રવાસે છે. તેઓ આજે ડીસામાં હવાઇ પિલ્લર ગ્રાઉન્ડ, નવી હાઇકોર્ટની સામે સભાને સંબોધવાના છે. જેને લઈ શહેરમાં પોસ્ટરો લગાવવામાં આવ્યા છે. કેજરીવાલની સભા પહેલા પોસ્ટો ફાડવામાં આવતાં કાર્યકર્તાઓમાં ભારે આક્રોશ છે. મોડી રાત્રે ભાજપના કાર્યકર્તાઓએ પોસ્ટર ફાડી આગ લગાવી દેતા પોલીસ મથકમાં લેખિત રજૂઆત કરવામાં આવી છે. આ પહેલા ડીસા માં દિલ્હી ના શિક્ષણ મંત્રી મનીષ સીસોદીયા ના રોડ શો પહેલા ઝંડીઓ ઉખાડી દેતા ફરિયાદ થઈ હતી.

 અમદાવાદ સિવિલમાં મુસ્લિમ યુવકના પરિવારે અંગદાન કરી 3 લોકોને આપ્યું જીવનદાન

Ahmedabad Civil Hospital: અમદાવાદ સિવિલ હોસ્પિટલમાં 93મું અંગદાન કરવામાં આવ્યું છે. સિવિલ હોસ્પિટલમાં પ્રથમ વખત અમદાવાદ શહેરના બ્રેઇનડેડ મુસ્લિમ યુવકનું અંગદાન કરાયું છે. આખરે તો લોહીનો રંગ લાલ જ હોય છે. સિવિલ હોસ્પિટલના આઇ.સી.યુ.માં એક બાજુ ઈશ્વરને પ્રાર્થના અને બીજુ બાજુ પરવરદીગારને કલમા પઢતાં દૃશ્યો સર્જાયાં હતા.

અમદાવાદ સિવિલ હોસ્પિટલમાં આ  ૯૩મું અંગદાન હતું. અમદાવાદ શહેરના મુસ્લિમ પરિવારે બ્રેઇનડેડ પુત્રના અંગદાનનો સંવેદનશીલ નિર્ણય કરીને ત્રણ જરૂરિયાતમંદ પીડિત દર્દીઓને નવજીવન આપ્યું છે. અમદાવાદના શેખ પરિવારે બિનસાંપ્રદાયિકતા અને કોમી એખલાસનું શ્રેષ્ઠ ઉદાહરણ પ્રસ્થાપિત કરતું અંગદાન કર્યું છે.