Mudra Port: મુદ્રા પોર્ટ પરથી ઝડપાયું 376 કરોડનું ડ્રગ્સ, સંતાડાનો કીમિયો જોઈને અધિકારીઓ પણ ચોંક્યા

Mudra Port: મુદ્રા પોર્ટ પરથી ફરી એક વખત દ્રગ્સ પકડાયું છે. ઓલ કાર્ગો સી.એફ.એસ મુન્દ્રા ખાતેથી ઇમ્પોર્ટ કરેલ કાપડની આડમાં છુપાવેલ ૭૫.૩૦૦ કિલો હેરોઇનનો જથ્થો ગુજરાત એ.ટી.એસએ પકડી પડ્યો છે.

પ્રતિકાત્મક તસવીર

Mudra Port: મુદ્રા પોર્ટ પરથી ફરી એક વખત દ્રગ્સ પકડાયું છે. ઓલ કાર્ગો સી.એફ.એસ મુન્દ્રા ખાતેથી ઇમ્પોર્ટ કરેલ કાપડની આડમાં છુપાવેલ ૭૫.૩૦૦ કિલો હેરોઇનનો જથ્થો ગુજરાત એ.ટી.એસએ પકડી પડ્યો છે. આ હેરોઇનનો જથ્થો કાપડનો રોલ જે પુંઠાની પાઇપ ઉપર વિંટાડેલ હતો તે પુંઠાની પાઇપ ઉપર બીજી એક પ્લાસ્ટીકની પાઇપ મુકી બન્ને પાઇપો વચ્ચેની ખાલી જગ્યામાં આ માદક પદાર્થનો જથ્થો ટાઈટ પેક કરી બન્ને બાજુથી રૂ તથા સેલોટેપ દ્વારાપેક કરેલ હતો અને પુંઠાની પાઇપ તથા પ્લાસ્ટીકની પાઇપ ઉપર બ્લુ કાર્બન પેપર સેલોટેપથી ચોંટાડેલ હતો જેથી એક્સ-રે સ્કેનીંગ દરમ્યાન પકડાઇ જવાથી બચી શકાય.

બાતમીના આધારે કાર્યવાહી

ગુજરાત એ.ટી.એસ.ના નાયબ પોલીસ મહાનિરીક્ષક દીપન ભદ્રનનાઓને પંજાબ પોલીસના અધિકારીઓ તરફથી રીતે બાતમી મળેલ કે, મુન્દ્રા પોર્ટ ખાતે એક સંદિગ્ધ કન્ટેનર છેલ્લા દોઢ બે મહિનાથી પડેલ છે અને તેમાં માદક પદાર્થનો જથ્થો હોવાની શકયતા છે અને આ કન્ટેનર મુંદ્રાથી પંજાબ ખાતે ડીલીવરી થનાર છે. જે બાતમીને ગુજરાત એ.ટી.એસ.ની ટીમ દ્વારા વિકસિત કરી સંદિગ્ધ કન્ટેનર અંગેની સચોટ માહિતી જેવી કે, શીપ લાઈનર, કન્સાઈની કંપની, સપ્લાયર કંપની વિગેરે મેળવવામાં આવી હતી. આ બદી વિકસિત માહિતીના આધારે ગુજરાત એ.ટી.એસ.ના અધિકારીઓની એક ટીમ મુન્દ્રા ખાતે રવાના કરવામાં આવી હતી.

376 કરોડનું ડ્રગ્સ જપ્ત

ત્યાર બાદ મુન્દ્રા ખાતે આવી બાતમી વાળા કન્ટેઇનરને શોધતા સંદિગ્ધ કન્ટેનર ઓલ કાર્ગો સી.એફ.એસ કન્ટેઇનર ફ્રેઇટ સ્ટેશન ખાતે લોકેટ કરવામાં આવ્યું. જે કન્ટેઇનરની તપાસ કરતા તેમાં લગભગ ૪૦૦૦ કિ.ગ્રા. કાપડ હોવાનું પ્રાથમિક રીતે જાણવા મળ્યું હતું. જે ૫૪૦ કાપડના રોલમાં વીંટાળેલ હતું. જે કાપડના રોલ્સની ઝીંણવટભરી તપાસ કરતા ૫૪૦ કાપડના રોલ પૈકી ૬૪ રોલની અંદર છુપાવેલ કુલ ૭૫.૩૦૦ કિલો. શંકાસ્પદ માદક પદાર્થ મળી આવ્યો હતો. જેને જોઈને અધિકારીઓ પણ ચોકી ગયા હતા. બાદમાં સ્થળ ઉપર હાજર FSL મારફતે પરીક્ષણ કરાવતા મળી આવેલ માદક પદાર્થ હાઈ પ્યોરીટીનો હેરોઇન હોવાનું જાણવા મળ્યું હતુ. જેની આંતરરાષ્ટ્રીય બજાર કિંમત રૂપિયા ૩૭૬.૫ કરોડ હોવાની વાત સામે આવી છે. આ હેરોઈનનો જથ્થો એ.ટી.એસ. તથા પંજાબ પોલીસની ટીમે શોધી કાઢતા તેને જપ્ત કરી ગુજરાત એ.ટી.એસ. ખાતે ગુનો નોંધી આગળની કાયદેસરની કાર્યવાહી હાથ ધરવામાં આવી છે.