Dahod: ચા ના મગ ભરીને જતા આઇશરે મારી પલટી, અંદરથી નીકળી દારૂની પેટીઓ, જાણો વિગત

પેથાપુર હાઇવેના કાળી નદી પુર પર અકસ્માતની ઘટના બની હતી. આઇશર ગાડીમાંથી 30 પેટી દારૂ ઝડપાયો હતો. અકસ્માત થતાં ચાલક ફરાર થઈ ગયો હતો. પોલીસે ઘટના સ્થળે પહોંચી કાર્યવાહી હાથ ધરી હતી.

આઈશરમાંથી મળેલી દારૂની પેટીઓ

 Dahod News:  પેથાપુર નજીક દારૂ ભરેલી આઈશર પલટી હતી. ચા પીવાના મગની આડમાં દારૂની હેરાફેરી થતી હતી. આઈશરમાં માલ સામાનની આડમાં દારૂ લઈ જવાતો હતો. રાજસ્થાનથી ગુજરાતમાં ચા ના મગ ભરી લઈ જતી આઇશરમાં દારૂની હેરાફેરી થતી હતી. પેથાપુર હાઇવેના કાળી નદી પુર પર અકસ્માતની ઘટના બની હતી. આઇશર ગાડીમાંથી 30 પેટી દારૂ ઝડપાયો હતો. અકસ્માત થતાં ચાલક ફરાર થઈ ગયો હતો. પોલીસે ઘટના સ્થળે પહોંચી કાર્યવાહી હાથ ધરી હતી.

અમદાવાદમાં પોલીસ કમિશ્નર ઓફિસ પાસેથી પકડાઈ દારૂ ભરેલી ટ્રક

અમદાવાદમાં શાહીબાગમાં આવેલી પોલીસ કમિશ્નરની ઓફિસના થોડા અંતરેથી સ્ટેટ મોનિટરિંગ સેલે દારૂ ભરેલી ટ્રક ઝડપી પાડી હતી. ગુજરાત લઘુ એસ્ટેટ ટ્રકમાં દારૂની હેરાફેરી થતી હતી ત્યારે એસએસસી ત્રાટકી હતી. પોલીસે 11,366 વિદેશી દારૂની બોટલો સહિત 26.32 લાખનો મુદ્દામાલ જપ્ત કર્યો હતો. પોલીસ કમિશનર ઓફિસની પાછળ જ હેરાફેરી થતાં અનેક સવાલો ઉઠી રહ્યા છે. આ કેસમાં માધુપુરા પોલીસ ઉંઘતી ઝડપાઈ હતી.

ગીર ગઢડામાં દારૂ સંતાડવા બુટલેગરોએ જમીનમાં બનાવી હતી ઓરડી

ગીરગઢડા તાલુકાના બેડીયા ગામની સીમમાં કુખ્યાત બુટલેગરે પોતાની વાડીમાં મોટી માત્રામાં વિદેશી દારૂ અને બીયરનો જથ્થો ઉતારીને હેરાફેરી કરવાની ફિરાકમાં હતો. જેની બાતમીના આધારે એલસીબીની ટીમે દરોડો પાડીને રૂ.15 લાખની કિંમતનો 324 પેટી વિદેશી દારૂ અને બીયરનો જથ્થો જપ્ત કરી સ્થળ ઉપરથી ઉનાના ઉમેજ અને સામતેર ગામના બે બુટલેગરોને ઝડપી પાડ્યા હતા. આ દારૂનો જથ્થો દમણના શખ્સે મોકલેલો હતો. જે અમરેલીના સાવરકુંડલાના શખ્સને આપવાનો હોવાનું પોલીસ પૂછપરછમાં સામે આવ્યું છે. આ દારૂનો જથ્થો પોલીસની નજરથી છૂપો રહે તે માટે બુટલેગરે ચતુરાઈપૂર્વક પોતાની વાડીમાં બની રહેલા નવા મકાનની બાજુમાં ખાડા જેવું નજરે પડતા અંદાજે 6 બાય 4ની સાઈઝના ચોરખાનામાં વિદેશી દારૂનો જથ્થો છુપાવેલો, જેને એલસીબીએ શોધી કાઢ્યો હતો. આ મામલે પોલીસે પકડેલા બંને બુટલેગરો ઉપરાંત દારૂનો જથ્થો મોકલનાર અને મંગાવનાર મળી કુલ ચાર શખ્સો સામે ગુનો નોંધી ધોરણસરની કાર્યવાહી હાથ ધરી હતી.